ContamosTodos

Mér, 18/03/2020 - 09:23 — carloscouceiro

Proposta

As familias de calquera grupo , tanto de E. Infantil como E. Primaria poden gravar na casa, empregando o teléfono móvil ou calquera outro aparello electrónico:

-Contos contados polos nenos e as nenas (inventados por eles ou lidos dun libro)

-Cancións (sos ou acompañados).

-Trabalinguas.

-Xogos de palabras.

-Chistes.

-Dramatizacións.

-Poemas.

Unha vez feita e comprobada a gravación, deberán enviala a (correo ou wetransfer ao enderezo electrónico bibliotecaepb@gmail.com) para que poidamos subila á plataforma de Emilia na Onda e poida ser escoitada polo resto da Comunidade educativa. Lembrade #QuedaNaCasa.

Toda a información na web da nosa biblioteca.

BLOGUE DA AULA DE ISI (ISIDISFRUTAMOS)

Mar, 17/03/2020 - 20:21 — carloscouceiro

Xa podemos acceder desde o menú Navegando pola rede (abaixo á dereita) ao estupendo blogue de Isi, mestra de 2ºC.

Non deixedes de acceder a descubrir a actualidade do curso e sobre todo á chea de recursos que estupendamente organizados ofrece desde hai 8 anos.

Grazas por compartilo con toda a comunidade educativa a través da nosa web.

Medidas a adoptar en todos os centros de ensino en relación coa pandemia covid- 19 para os vindeiros 14 días naturais contados dende o día 16 de marzo de 2020

Ven, 13/03/2020 - 08:17 — admin

Suspensión de todo tipo de actividade lectiva regulada en todos os centros de ensino non universitario. Esta suspensión inclúe tamén os servizos educativos complementarios, nomeadamente, o comedor, transporte e servizo de madrugadores, con independencia de quen sexa o organizador dos devanditos servizos.

NOVAS INSTRUCCIÓNS

Suspensión matrícula oposicións e procesos de admisión

Segundo o establecido na disposición adicional terceira do Real Decreto 463/2020, do 14 de marzo, polo que se declara o estado de alarma para a xestión da situación de crisis sanitaria ocasionada polo COVID-19 e no apartado sétimo do Acordo do Centro de Coordinación Operativa (Cecop), mediante o que se adoptan medidas preventivas en lugares de traballo do sector público autonómico como consecuencia da evolución epidemiolóxica do coronavirus COVID-19 interrómpense o prazo para a presentación de solicitudes deste procedemento. O cómputo dos prazos reiniciarase no momento en que perda vixencia o acordo ou, se é o caso, as prórrogas deste.

O acceso ao colexio neste período estará restrinxido.
TAREFAS. O profesorado publicará na web do colexio as tarefas e recomendacións para o alumnado.
E-DIXGAL. O alumnado de 5º e 6º de primaria seguirá recibindo tarefas e actividades a través da axenda e-dixgal.
Calquera novedade será publicada nesta web ou comunicada co servizo de abalar móbil aos que rogamos que prestedes atención.