CEIP Emilia Pardo Bazán

Este premio é do centro, de todo o alumnado, familias e profesorado que se implicou no seu desenvolvemento. Queremos agradecer a toda a comunidade educativa que participou nas actividades propostas e a todas as persoas e entidades que colaboraron con nós na procura de recursos e desenvolvemento de actividades, especialmente á Casa-Museo Emilia Pardo Bazán, a Xulia Santiso e Patricia Angulo polo seu apoio e asesoramento continuo, así como ás bibliotecarias da BM Los Rosales.

Seguimos aprendendo sobre Emilia, e tamén sobre os mares e océanos.

Grazas e parabéns para toda a comuniodade educativa do CEIP Emilia Pardo Bazán.

O xoves 4 de novembro achegáronse ao noso centro as científicas co Oceanográfico: Ánxeles e Carlota, acompañadas por Miriam que fixo de “Lazarillo” por coñecer xa o noso cole.

O alumnado de 4º de E. Primaria foi o afortunado que asistiu ao obradoiro dirixido por elas

Neste obradoiro, as mencionadas científicas, explicaron e amosaron imaxes do seu traballo: de como recollían as mostras no mar para despois analizalas, das cadeas alimentarias que se dan no mar, da contaminación dos mares, de como esa contaminación pode chegar aos nosos estómagos....

Ao remate do obradoiro, o alumnado puido mirar, ao microscopio, mostras do fitoplancton e do zooplancton.

As sesións foron moi amenas e estivemos moi interesados e interesadas e fixemos moitas preguntas.

Un ano máis visitounos a señora María, o pasado non veu por mor do confinamento, pero aquí está de novo coas súas castañas traídas de Coristanco.

Qué ganas tiñamos de vela!!!!!!