Tarefas para o alumnado de 4ºB

Adxúntase arquivo coa relación de tarefas para o alumnado de 4º a facer na plataforma virtual da editorial Vicens Vives para comezar na semana do 30 de marzo.

- As tarefas están distribuídas por materias e por contidos, de forma que se inclúen todas as actividades relacionadas cun tema completo de cada unha das asignaturas.

- As tarefas son para realizar de forma telemática, lendo previamente os contidos e comprobando sempre o resultado (aquelas que sexan de escribir podédelas facer nun caderno, se é que tedes algún na casa).

- Non é obrigatorio facelas todas; a pesar de que se resolven rápido facédeas pouco a pouco fixándovos ben nos contidos. 

- Como son temas completos vouvos deixar toda esta semana e a que se correspondería coas vacacións de Semana Santa para que as vaiades resolvendo.

- Se o precisades, axudádevos doutras ferramentas para comprender e profundizar nos contidos: buscade vídeos na Internet, usade enciclopedias virtuais, dicionarios...

Para calquera dúbida que teñades estarei á vosa disposición na aplicación Abalar Móbil.

Moito ánimo, María Rey.