Eventos
Dende o pasado sábado, dúas das nosas mestras formadas no proxecto LÓVA, atópanse en Grecia, grazas a acreditación Erasmus+ Escolar do CFR de Ferrol na que participa o noso centro educativo para ampliar a súa formación no proxecto LÓVA e no desenvolvemento de actividades artísticas e culturais conectadas co teatro.
Atópanse en Livadia, Grecia desenvolvendo a actividade formativa "Hellenic Civilization and Greek Drama".
De seguro virán cargadas de novas vivencias e coñecementos para transmitira logo ao profesorado e seguir aprendendo en comunidade.
Disfrutade e aproveitade a oportunidade de seguir sempre aprendendo!
Podedes ver a continuación un breve resumo das actividades que se realizaron polo DÍA DA PAZ.
Desexamos que disfrutedes vendo o festival de entroido DE CINE, deste 2024. Grazas a todas as familias por acompañarnos nese día.
VÍDEO RESUMO ENTROIDO 2024
Dende a pasada semana xa está instalado e en funcionamento o Punto Laranxa contra o acoso escolar, tanto na entrada do colexio coma na páxina web do centro.
O seu funcionamento é como o dun buzón a través do cal o alumnado ou familia pode comunicar ou denunciar, desde unha posición totalmente anónima, posibles situacións de acoso ou ciberacoso que sufra o alumnado ou perciban en terceiros.
Para xestionar este buzón, en cada centro educativo constitúese un equipo de actuación contra o acoso escolar integrado, entre outros, polo coordinador de benestar emocional e convivencia e a persoa orientadora do centro.
Deste xeito, o alumnado conta cun equipo de referencia ao que dirixirse en caso de que o precise. Ademais, no novo Protocolo educativo para a prevención, a detección e o tratamento do acoso e do ciberacoso escolar recentemente actualizado, establécese un procedemento de intervención ante os posibles casos que se coñezan por esta vía.
Para conmemorar este día, que coincide ademáis co DÍA DA ÁRBORE, o equipo de biblioteca do cole argallou esta actividade tan bonita.
Mostrarémosvos o resultado da mesma.
Recordade que para ver esta e outras actividades da nosa biblioteca de centro, podedes visitar o seu blog: http://libroucho.blogspot.com/
A continuación podedes acceder ao programa de Radio Cabanas especial 8M, aínda que tivo moito máis que iso, se queredes descubrilo, quedade por aquí para disfrutar deste marabilloso programa.
![Events at <em>CEIP PLURILINGÜE ELADIA MARIÑO. </em> Distribuir contido](/centros/ceipeladiamarino/misc/feed.png)