Fideos con zamburiñas

INGREDIENTES:

1 bolsa de carne de zamburiña conxelada
1 cebola
2 dentes de allo
1/2 pemento vermello
2 tomates pelados, sen pebidas e cortados en dados
Caldo de peixe
Fideos
1 sobre de azafrán
1 vaso de viño branco
Aceite, sal

ELABORACIÓN:

En primeiro lugar facemos un rustrido co allo, a cebola, o pemento e o tomate todo ben picadiño.
Engadimos as zamburiñas e regamos co vaso de viño.

Botamos o sobre de azafrán e deixamos que o alcohol evapore. Entón engadimos os fideos e o caldo quente, en cantidade abondo para que se faga a pasta.
Deixamos facer ata que os fideos estean ao gusto.

Servimos cun pouquiño de perexil espolvoreado.