O venres publicouse no DOG a orde do 6 de novembro de 2020 pola que se regulan os criterios e o procedemento de distribución de máscaras entre o alumnado matriculado en educación primaria.

Alumnado destinatario:

a) Non ten que presentar solicitude:

O alumnado benefciario da axuda de material escolar no curso 2020-2021.

b) Ten que presentar solicitude:

O alumnado que non foi benefciario da axuda de material escolar no curso 2020-2021 que cumpra algunha das seguintes condicións:

•Que pertenza a unha familia cunha renda per cápita igual ou inferior a 6.000 €.

•Alumnado matriculado en educación especial

•Alumnado suxeito a tutela ou garda da Xunta de Galicia.

•Alumnado cun grao de discapacidade igual ou superior ao 65%.

Compartimos archivos coa orde e ANEXOS que se deberían cubrir para a súa solicitude en caso de non ter sido beneficiario da axuda do material, sempre e cando se cumpra algunha das condicións que se indican.

A adaptación á situación derivada pola pandemia actual fai que o funcionamento do noso centro se vexa regulado a través dos seguintes documentos que seguen as directrices marcadas pola Consellería,  estarán en continua actualización e sempre abertos ás aportacións da Comunidade Educativa para a súa mellora.