CEIP de Bormoio-Agualada

Estimadas familias,

O CEIP de Bormoio-Agualada está moi comprometido ca salvagarda ambiental do noso planeta, por iso un dos nosos obxectivos a corto prazo é reducir o consumo de plásticos.

Por este motivo, as fotogafías e vídeos deste curso non serán entregados en DVDs, senón que estarán á vosa disposición no ordenador da sala da exposición do colexio ata o 30 de xuño, para que poidades descargalas; despois borraremos a información.

Recomendamos que traiade dispositivos de almacenamento superiores a 8 GB.

Para o vindeiro ano, gustaríanos poder utilizar plataformas na rede para poder compartir os arquivos (documentación, foto e vídeos) con toda a comunidade educativa e poder acceder desde as vosas casas; polo que precisaremos unha autorización explícita para o curso 2019-2020.

Agradecer, unha vez máis, a vosa colaboración e comprensión.

Estimadas familias vos informamos de:

• Este xoves 13 de xuño non haberá clase por ser festivo local, San Antonio da Agualada.
• Este venres 14 de xuño iremos de excursión a Santiago de Compostela.

O alumnado de 3º, 4º, 5º e 6º de Ed.Primaria acudirán ás pistas de atletismo e contaremos con xuíces profesionais e adestradores de atletismo que nos ensinarán o funcionamento das distintas probas e organizarán algunhas para que nós poidamos participar.

O alumnado de Ed.Infantil, 1º e 2º de Ed.Primaria irá ao MUPEGA (Museo Pedagóxico Galego) e logo encontrarase co resto nas pistas de atletismo.

Comeremos todos xuntos na Cidade da Cultura e regresaremos ao colexio.

Horario de saída: 9:45h, polo que haberá servizo de transporte regular.

Horario de regreso: ás 18:00 h aproximadamente, polo que as familias terán que vir a recoller aos nenos/as.

Queremos lembrarvos da necesidade de que os nenos e nenas veñan con roupa e calzado cómodo, protección solar, merenda para medio día e un botellín de auga. O centro aportará bocadillos, auga e froita para a comida.

Estimadas familias:

Queremos recordar que o vindeiro luns 3 de xuño comezamos no colexio co horario de xornada continua de 9:45 h a 14:45 h polo que teredes que estar nas paradas do autobús media hora antes. 

O alumnado que quede no comedor sairá ás 16:00 h e a esa hora haberá o habitual servizo de transporte.

Durante o mes de xuño non haberá actividades extraescolares.

A dirección