Uniforme no Colexio Curso 2016-2017 Enquisa.

Estimadas familias:

Na  última asemblea de Socios da APA Parque de Belona algúns/algunhas pais/nais   manifestáronnos o seu interese sobre a implantación de uniforme escolar  optativo no centro.

Puxemos en marcha un cuestionario a todas as familias de alumnos (socios e non socios) para coñecer a vosa opinión ao respecto.

En primeiro lugar queremos deixar claro que a APA é soamente unha vía para canalizar dita inquietude, sen estar de acordo nin en desacordo coa proposta. De feito, dentro da Xunta Directiva temos opinións diferentes e é por iso que queremos  que  de forma respectuosa todos podamos expresar a nosa opinión ao respecto.

Detalles da consulta:

-         

O prazo de entrega do cuestionario será entre o 11 e o22 de abril de 2016.

-         

Soamente se cumprimentará un cuestionario por familia.

-         

Para considerar que existe un desexo de implantación de uniforme, deberán así manifestalo un 75% das familias preguntadas.

-         

O cuestionario será tomado en conta se a responde ao menos un 75% das familias do centro (socios e non socios da APA).

-         

Se o resultado da consulta é afirmativo, o Consello Escolar deberá ratificalo.

-         

En todo caso o uniforme será de CARÁCTER OPTATIVO.

-         

A consulta non pode ser anónima para poder asegurar a fiabilidade desta, polo que o cuestionario deberá ser totalmente cumprimentado.  Garantirase a confidencialidade dos datos e opinións con respecto ao uso do uniforme escolar.

-         

A opinión expresada no cuestionario NON é vinculante, é dicir, non se obrigará a ninguén a  seguir o que manifestara no mesmo. De todos os modos rogamos COHERENCIA NAS RESPOSTAS.

-         

Unha vez cumprimentado o cuestionario, podédelo  entregar ao tutor dos vosos fillos,  nas nosas oficinas ou mandar correo electrónico a parquebelona@gmail.com.

-         

Terminado o prazo da sondaxe, e realizado o reconto de votos,  procederase a informar as familias do resultado obtido e de qué pasos se seguirán a continuación.

Desexamos destacar a importancia da vosa participación, xa que desde a Xunta directiva da APA  o que se quere é que a decisión,  sexa tomada pola maioría das familias con fillos no centro.

Moitas grazas pola vosa colaboración.

Podes descargar esta circular e a enquisa facendo click aqui

Resultado Enquisa Uniforme

Estimadas familias,

A APA Parque de Belona quere agradecer a todas as familias que respostaron ao cuestionario proposto desde esta asociación sobre o uso do uniforme escolar.

Non se acadou a porcentaxe de participación necesaria para ter en conta o resultado da enquisa –apenas se chegou a un 54% do 75% que se precisaba; tampouco consideramos que exista unha vontade de implatación de uniforme, xa que dos cuestionarios respostados non se acadou o 75% de votos afirmativos.

Polo tanto, a APA Parque de Belona considera que non é viable a implantación do uniforme no vindeiro curso académico.

Moitas grazas pola vosa colaboración!

Pode descargar esta circular facendo click aqui

Enquisa Unidormidad Colexio Curros Enriquez

Estimadas familias,

A APA Parque de Belona quere agradecer a todas as familias que respostaron ao cuestionario proposto desde esta asociación sobre o uso do uniforme escolar.

Non se acadou a porcentaxe de participación necesaria para ter en conta o resultado da enquisa –apenas se chegou a un 54% do 75% que se precisaba; tampouco consideramos que exista unha vontade de implatación de  uniforme, xa que dos cuestionarios respostados  non se acadou o 75% de votos afirmativos.

Polo tanto, a APA Parque de Belona considera  que non é viable a implantación do uniforme no vindeiro curso académico.

Moitas grazas pola vosa colaboración!

P