Informamos que xa está publicada no DOG do 20 de maio (ORDE do 7 de maio de 2024) a orde da convocatoria para:

1. LIBROS DE TEXTO: Axuda en 1º e 2º de Primaria e fondo solidario para 3º e 4º.

2. MATERIAL ESCOLAR: Axuda para todos os cursos de Primaria.

    

* Aclaración sobre os LIBROS DE TEXTO: Informamos que non será necesario o uso do fondo solidario e axudas de libros de texto en NINGÚN CURSO xa que non hai libros asignados neste centro.

A solicitude poderá descargarse e presentarse accedendo á aplicación Fondolibros:

https://www.edu.xunta.es/fondolibros/#

e unha vez que teñan cubertos todos os datos deberán gardala, obtendo así o número de solicitude, e posteriormente poderán optar polas seguintes formas de presentación:

1. Presentación na Sede Electrónica da Xunta de Galicia. Neste suposto o centro recibirá un aviso no seu correo electrónico que lle informará de que ten solicitudes presentadas por esta vía.

2. Presentación no centro: Neste caso imprimirán a solicitude e o anexo II e presentaranos no centro (debidamente asinados), xunto coa documentación.

    

Así mesmo o impreso tamén estará dispoñible na secretaría do centro en horario de LUNS A VENRES de 09:15h a 10:00h e de 13:30h a 14:15h e será única para todos os fillos/as admitidos no centro para o curso 2024/25.

O alumnado que pasa a 1º da ESO terá que presentala no instituto.

O prazo de presentación da solicitude remata o 21 de xuño do 2024.