O mércores realizamos unha actividade especial de cohesión entre o alumnado de distintos ciclos. Este primeiro encontro é un xeito de que o alumnado estableza vínculos de cara á realización de posteriores actividades interciclos. A primeira actividade deste tipo terá lugar o Día do peón, no que os maiores bailarán o peón cos pequenos.

Foi unha actividade xenial, non hai máis que ver as súas caras, o alumnado de sexto estaba emocionadísimo e desexando que chegara o momento de ir buscar ao neno ou nena de infantil que lle correspondía para pasar un anaco xuntos coñecéndose e falando.