blogue deadmin

Un mar de diversidade.

Dom, 13/10/2024 - 10:44 — admin

O venres pasado os nenos e nenas de 3º e 4º de Educación Primaria fixeron unha saída á Cofradía de pescadores de Celeiro onde se puxeron na pel das persoas cegas, xordas, autistas, con TDAH e con mobilidade reducida.

Un mar de xogos e actividades propias do mundo diverso no que vivimos que axudan a crear empatía hacia os demáis e a reflexionar desde pequenos.

En 6º marchamos a Cerceda ao aquapark!

Xov, 20/06/2024 - 12:37 — admin

O alumnado de 6º de EP participou no programa de RadioVoz Ecopreguntoiro ao longo deste curso.

Conseguimos pasar a primeira fase do concurso, pero elimináronnos na segunda rolda.

A semana pasada todos os colexios participantes fomos convidados á xornada que Radiovoz celebrou no aquapark de Cerceda. O día non acompañou pero a pesar do vento e o frío, o alumnado aproveitou todo o que puido.

Practicando surf

Xov, 20/06/2024 - 12:26 — admin

Esta semana o departamento de Educación física organizou para o alumnado de 5º e 6º unha xornada de praia e iniciación ao surf.

Acercámonos ata a praia de Esteiro en Xove para iniciarnos neste deporte que tanto lles gustou. Todo un éxito.

Os Maios

Sáb, 25/05/2024 - 09:54 — admin

Este xoves pasado celebramos Os Maios, festividade que conta con gran tradición en Viveiro e parte de Galicia e que trata de dar a benvida á primavera, o bó tempo e as flores. Aínda que nesta ocasión o tempo meteorolóxico non nos permitiu sair desfilando ata a Praza do Chao e tivemos que celebralo no ximnasio.

Os maios é unha festa de tradición prerromana que xa celebraban os celtas e desde o noso centro, queremos facer partícipe ao alumnado da nosa cultura para axudar a que non se perda e involucrándoos desde pequenos.

Clausura da Microrrede

Dom, 12/05/2024 - 15:12 — admin

O venres pasado tivo lugar a clausura da Microrrede 2024 coa Coral Polifónica Alborada de Viveiro e o alumnado do CEIP de Celeiro.

Unha marabilla de actuación!

Grazas Marta Pérez Lage por seguir contando cos nenos e nenas do noso colexio.

Charlas de educación afectivo/sexual

Dom, 10/03/2024 - 18:54 — admin

A semana pasada leváronse a cabo no Ceip de Celeiro unhas charlas sobre Educación afectivo-sexual tanto para alumnos de 5º e 6º de EP como para as familias de todo o alumnado.

Estas charlas foron impartidas por Otero Piñán, licenciados en medicina e especializados en promoción da saúde sexual.

A Educación afectivo-sexual é un dereito dos nenos, nenas e adolescentes que está recollido como tal pola OMS. Ademais o noso centro participa en contratos programa como EmociónaT e dentro do cal se enmarcan este tipo de talleres que axudan a convivir en igualdade e sin discriminacións.

INICIO DA FASE DE RESERVA DE PRAZAS EN CENTROS DE ADSCRICIÓN

Lun, 15/01/2024 - 11:20 — admin

De conformidade coa Orde do 21 de outubro de 2022 pola que se desenvolve o Decreto 13/2022, do 13 de febreiro, e se regula o procedemento de admisión do alumnado nos centros docentes sostidos con fondos públicos, inícianse os trámites do procedemento (código ED550A), para a reserva de praza nun centro de adscrición do alumnado que cambia de etapa.

O prazo de solicitudes abranguerá do 15 de xaneiro ao 5 de febreiro (ambos incluidos); só para aquel alumnado que teña como preferencia o IES ao que estamos adscritos, neste caso, o IES María Sarmiento.

Aquel alumnado que teña como preferencia o outro IES da zona (IES Vilar Ponte) deberá esperar a que abran o prazo de matrícula.

A consulta das listaxes de alumnado admitido, que se publicarán antes do 22 de febreiro, debe realizarse no centro no que está matriculado no presente curso ou na aplicación admisionalumnado.

NORMATIVA:

Decreto 13/2022, do 13 de febreiro

Orde do 21 de outubro de 2022

IMPRESOS:

SOLICITUDE: Galego

SOLICITUDE: Castelán

IMPORTANTE: A solicitude deberá vir firmada polos dous proxenitores e acompañada dos seguintes documentos:

- Fotocopia do libro de familia

- Sentenza de separación ou divorcio (de ser o caso)