O venres pasado tivo lugar o remate da microrrede A Mariña. Foi un acto moi emotivo xa que se ensalzou o labor da nosa compañeira Marta Pérez Lage, tendo en conta que foi unha das artífices desta idea tan enriquecedora, de formar una microrrede de bibliotecas escolares da Mariña. Tamén coordinou de forma maxistral a nosa biblioteca durante moitos anos.

Ata o día 29 de maio poderemos ver no noso centro o Conto colaborativo creado entre diversos centros da Mariña

Grazas Marta!!!

PREME NA IMAXE PARA PODER VER O VÍDEO

Presentamos máis traballos para conmemorar o Día das Letras Galegas.

Propostas realizadas por 2º, 3º e 4º de Educación Primaria.

PREME NA IMAXE PARA PODER VER ESTES TRABALLOS

AS NOSAS LETRAS GALEGAS

Presentamos hoxe algúns dos traballos realizados para conmemorar a figura de Francisco Fernández del Riego, autor homenaxeado nas Letras Galegas 2023.

O alumnado de 3º de Primaria presenta o vídeo que recolle a biografía do autor.

Programa de Radio na Biblio realizado polo alumnado de 6º de Primaria onde se recolle a obra do autor.

Onte  o alumnado  de 3º, 4º, 5º e 6º de EP tiveron unha fantástica xornada facendo arte co lixo recollido anteriormente por zonas da nosa contorna.

Toda unha mañá de expresión e creatividade coa axuda de Somoslag e Lucas Requejo e dentro da iniciativa Globo Marruán.

A Microrrede da Mariña inaugurou onte  a súa exposición anual na sala multiusos do Concello de Viveiro.

"EscribirARTE na Mariña" está formada polos traballos de 16 cadros de diferentes centros educativos da Mariña.

Contou como convidado  con Primitivo Marcos, antigo profesor do IES María Sarmiento e debuxante, que nos falou da súa obra.

Tamén actuou o grupo de Amifgos do Folk do conservatorio de Viveiro.

Animámosvos a visitala, pero antes do xoves, día 11, que pechará as súas portas!!!

Despois de todo un ano de traballo, por fin podemos presentar o material que foron elaborando alumnxs e familias para a exposición da Microrrede A Mariña, na sala de exposicións do Concello de Viveiro.

PREME NA IMAXE PARA VER ESTES TRABALLOS IMPRESIONANTES!!!

O Grupo de Participación Xuvenil de Viveiro convidou ao alumnado a participar na súa I Andaina Solidaria:

Con motivo da celebración do Día Internacional do Deporte para o Desenvolvemento e a Paz celebramos esta Andaina Solidaria na que as persoas participantes  realizaron una doazón voluntaria, a partir de 3 €, coa que contribuir á labor da Asociación Saúde Mental A Mariña, a cal celebra este ano o aniversario da chegada a Viveiro.

A ruta comenzou na Praza Maior ás 11.30h e continuou polo Paseo da Variante, Paseo do Río Landro,e Mosteiro de Valdeflores. Ao longo das mesma instalaron Códigos QR con información sobre diversos aspectos relacionados coa atención e coidado á Saúde Mental, elaborados polos membros do grupo. Na Praza Maior tamén  mercáronse produtos elaborados pola Asociación (galletas, bolígrafos, chapas...) . Iiniciativa que busca dar visibilidade á importancia da Saúde Mental e a eliminación de estigmas e prexuízos na mocidade.

Na tarde do domingo, 30 de abril, o alumnado de 6º de Primaria realizou un Festival Especial para recadar fondos para a súa excursión de fin de curso.

Irán á Ribeira Sacra onde poderán gozar de moitas actividades variadas.

Ao festival acudiu moito público e todos os participantes fixéronno moi ben!

Desde o centro dámoslles as grazas por participar.

No seguinte vídeo podemos ver o resumo do mesmo:

Xa estamos na semana intensa de celebracións das Microrrede.

Aquí deixamos o cartel gañador e o programa de actos.

Non esquezades acudir ao salón de exposicións para ver os traballos que se realizaron no colexio durante todo o ano e por suposto, as diversas actividades e traballos de diversos centros da Mariña.

En 1º remataron o tema dos animais coñecendo “os paxaros que vemos, pero non miramos” na nosa contorna. Investigaron sobre eles, representáronos e presentáronos á clase. Ademais dos seus nomes galego e castelán, tamén teñen un código QR que nos leva a unha gravación do seu canto.

Todos estes paxaros podémolos observar ou escoitar na contorna do centro, pero moitos precisan de prismáticos para observar as súas vivas cores. 

Aprendemos, por exemplo, como o cuco pon os ovos especialmente nos niños dos carrizos e paporrubios e, aos catro días de nacer, chimpa fóra do cubil aos outros paxariños para que o críen a el só. O niño do carrizo é moi característico, feito  de musgo e todo cerradiño cunha entrada lateral. O carrizo constrúeo moi bonitiño e canta ben bonito para conquistar á carriza. É o paxariño máis pequeno de Galicia. Tamén soubemos que o martiño pesqueiro fai o seu niño con espiñas de peixe. Moitos destes paxaros, especialmente os cantores, antes migraban, pero agora co cambio climàtico podemos velos todo o ano na Mariña: a lavandeira, o xílgaro, o chasco ou chaschás, o xerín, o verderolo… Outros que cantan moi fermoso son o pimpín e o rabirrubio, pero os que máis nos gustan son o ferreiriño azul e o abelleiro porque teñen unhas plumas moi coloridas e pendúranse das pólas cabeza para abaixo.

Encántannos os paxaros!