Skip to Content

Blogues

CONTO RIMADO: 6º infantil

Ven, 25/11/2022 - 19:33 — biblioteca

Nesta entrada podemos ver ao alumnado de 6º de Infantil, que despois de traballar a rima, fixeron un conto que podemos ver no seguinte vídeo.

PREMEDE NA IMAXE

25 de novembro

Ven, 25/11/2022 - 19:15 — biblioteca

CONTRA A VIOLENCIA DE XÉNERO

O Día Internacional da Eliminación da Violencia contra a Muller celébrase anualmente o 25 de novembro para denunciar a violencia que se exerce sobre as mulleres en todo o mundo e reclamar políticas en todos os países para a súa erradicación.

Desde o colexio queremos manifestar o noso compromiso de traballar para previr a violencia contra as mulleres en todas as súas manifestacións e combater calquera outro tipo de violencia:

  • Facer respectar os dereitos das mulleres e das nenas. 
  • Opoñerse a todo tipo de violencia contra as mulleres tanto física como verbal. 
  • Aprender a relacionarnos respectuosa e solidariamente. 
  • Utilizar modelos e mensaxes cooperativos e dialogantes.

No seguinte vídeo podemos ver ao noso alumnado nos murais que realizamos con palabras positivas e negativas.    PREMER NA IMAXE

Un día de reciclaxe

Xov, 24/11/2022 - 19:16 — biblioteca

Na mañá do xoves, 24 de novembro, as nenas e nenos de 3º, 4º, 5º e 6º de Primaria tiveron un día moi ameno e vinculado ao medioambiente e a  reciclaxe.

Primeiramente clasificaron todo o lixo recollido fai unhas semanas no lavodoiro e na fonte de Celeiro, para máis adiante facer unha obra artística con todo o seleccionado e reciclar o resto nos contedores correspondentes.

Despois asistiron a unha charla organizada por SOGAMA para explicarlles o uso dos novos contedores marróns e facer un breve repaso por todos os outros.

Traballos do alumnado de 1º e 2º de Primaria

Mér, 23/11/2022 - 12:03 — biblioteca

Con motivo da celebración do Día Mundial da Infancia o 20 de novembro, o alumnado de 1º de Primaria traballou sobre os diereitos das nenas e nenos ebalorando como produto final un mural representativo dos valores a defender por parte de toda a sociedade para o seu benestar. 

PREME NAS IMAXES

1º primaria

 

2º primaria

20 DE NOVEMBRO, DÍA DOS DEREITOS DA INFANCIA

Sáb, 19/11/2022 - 13:05 — biblioteca

No ano 1954 a Asemblea Xeral de Nacións Unidas recomendou a todos os países que instauraran o Día Universal do Neno, deixando en mans de cada goberno a elección da data. O obxectivo desta xornada dedicaríase á fraternidade e á comprensión entre os nenos do mundo e ao fomento de actividades para promover o benestar da infancia.

A conmemoración universalizouse o 20 de novembro porque foi a data na que a Asemblea aprobou a Declaración dos Dereitos da Infancia, en 1959. O documento consta de dez principios a través dos cales se concretan para os nenos os dereitos contemplados na Declaración Universal de Dereitos Humanos.
 
A partir de 1979, con motivo do Ano Internacional do Neno, comezouse a discutir unha nova declaración de dereitos do neno, fundada en novos principios. Finalmente en 1989, tamén un 20 de novembro, asinouse na ONU a Convención sobre os Dereitos da Infancia.
 
 
 

SEMANA DA CIENCIA: 4º, 5º e 6º de primaria

Ven, 18/11/2022 - 11:31 — biblioteca

SEMANA DA CIENCIA EN GALEGO

NO  COLEXIO

Seguimos coas actividades que os diferentes cursos prepararon durante esta semana que estamos a traballar a Ciencia en Galego.

O mércores, 16 de novembro, foron as nenas e nenos de 5º de primaria os encargados de presentarnos os seus experimentos.

O xoves, 17 de novembro, foi o turno para o alumnado de 4º de primaria.

O venres, 18 de novembro, presentaron os seus experimentos as nenas e nenos de 6º curso.


CLASES DE PRIMEIROS AUXILIOS

Xov, 17/11/2022 - 11:24 — biblioteca

"Aprendemos Primeiros Auxilios"
O mércores, 16 de novembro, todo o alumnado de Primaria recibiu unha interesante charla sobre primeiros auxilios organizada pola ANPA .
Rocío, enfermeira da Cruz Vermella, explicounos de xeito moi axeitado e divertido as principais medidas a tomar ante hemorraxias, feridas, golpes...incluso como actuar ante un esvaecemento.
Tamén coñecimos cómo se realiza a famosa RCP ( Reanimación Cardiopulmonar Básica).
Pareceunos unha actividade moi útil xa que en calquera momento podemos necesitar coidados deste tipo para axudar a un amigo ou familiar...tomamos boa nota!!

Moitas grazas á ANPA e a Rocío.

 

SEMANA DA CIENCIA: 1º e 2º primaria

Xov, 17/11/2022 - 11:16 — biblioteca

SEMANA DA CIENCIA EN GALEGO NO  COLEXIO

O martes, 15 de novembro, o alumnado de 1º e 2º de primaria presentaron os seus experimentos para todo o cole:

As nenas e nenos de 2º de primaria tamén realizaron unhas maquetas sobre o curso dos ríos e así o presentan no seguinte vídeo:


SEMANA DA CIENCIA: Alumnado de 3º

Lun, 14/11/2022 - 16:34 — biblioteca

SEMANA DA CIENCIA EN GALEGO NO  COLEXIO

Os equipos de Biblioteca e EDLG organizan a Semana da Ciencia en Galego no noso colexio. 

O luns, 14 de novembro, comezaron as nenas e nenos de 3º de Primaria presentando o experimento de como facer "erupcionar un volcán".

Primeiramente realizaron a maqueta do volcán, despois fixeron as prácticas na clase para finalizar presentando o experimento a todo o alumnado do colexio, dentro da SEMANA DA CIENCIA (do 14 ao 18 de novembro).

VOLCÁN DE DEREK

PREME NA IMAXE

 

Xornada de Bibliotecas Escolares de Galicia 2022

Dom, 13/11/2022 - 07:56 — biblioteca
O sábado 12 de novembro celebrouse no Palacio de Congresos de Santiago de Compostela a Xornada de Bibliotecas Escolares de Galicia 2022. Déronse cita equipos de biblioteca, docentes, asesores/as dos centros de formación do profesorado e persoas expertas na temática do lema deste curso "Escribir a biblioteca escolar".
 
Unha xuntanza que falou do poder da escritura e do relato en moi diversos formatos... e do papel facilitador da biblioteca a través dos novas linguaxes e espazos, dos proxectos, do voluntariado, do fomento da lectura e da participación das familias...
 
Foi, novamente, unha ocasión para o encontro entre o profesorado deste amplo colectivo de docentes que poñen en pé as bibliotecas escolares galegas, o reforzo de vínculos persoais e profesionais e, con toda seguridade, o comezo de novas colaboracións para o presente curso.
PREME NA IMAXE PARA VER O PROGRAMA
 
O noso colexio participou nesta xornada presentando o programa de Radio na Biblio que coordina a mestra Marta Pérez.
Á xornada tamén acudiron a coordinadora da Biblio, Maricarmen Lázaro e a integrante do Equipo de Dinamización da Lingua Galega, Bibiana Santos.
A xornada foi moi produtiva e vimos con ilusións renovadas.
 
Distribuir contido


by Dr. Radut