Estimadas familias:
Ao longo destes días iremos poñendo diferentes informacións nesta páxina web para que poidades ter o maior coñecemento posible de como vaise a desenvolver o presente curso escolar. Os titores/as poñeranse en contacto con vós para explicarvos algunhas cuestións.
Polo momento estamos traballando no "Plan de adaptación á situación COVID 19 para o curso 20-21". Estamos en revisións constantes polas modificacións que temos que facer diariamente.
Aproveitamos para deixarvos a información da recollida de libros de 3º a 6º de EP.
RECOLLIDA DE LIBROS DE 3º A 6º DE EP: VENRES 4 DE SETEMBRO:
Esta recollida levarase a cabo o vindeiro venres días 4. Farase no patio cuberto de diante e en diferentes quendas. Lembrade que debedes esperar fóra do patio cuberto, mantendo as distancias recomendadas ( mínimo 1,5m) entre persoas e facer uso de máscaras. Debedes vir unha persoa por familia. A mestre ou mestre que reparta os libros irá dándovos paso. As quendas son as seguintes:
4ºB- Recollen de 9:30h a 10:30h
5ºEP- Recollen de 10:30h a 11:30h
4ºA- Recollen de 11:30h a 12:30h
3ºEP- Recollen de 12:30h a 13:30h
6ºEP- Recollen de 13:30h a 14:30h
*Toda aquela familia que non recollese o cheque de material, o levará este día tamén.
IMPORTANTE ACLARACIÓN SOBRE OS LIBROS DE TEXTO NO COMEZO DE CURSO:
Ningunha familia ten que traer os libros para o cole os primeiros días do curso. Os nenos/as de Educación Primaria ( de 1º a 6º ) virán o 1º día de curso cunha mochila que conteña: un lapis ou bolígrafo, unha goma, unha axenda e as máscaras que especificaremos nos próximos días ( unha posta e unha de recambio). As mestras/es irán pedíndolles pola axenda os libros que os nenos/as terán que traer cada día da casa.
Por mor da situación actual , as familias non poderán entrar ao colexio, como norma xeral, salvo causas xustificadas.
REUNIÓNS DE INICIO DE CURSO:
Esta semana faremos dúas reunións, unha coas familias de 3 anos ( xoves 3 , ás 12:30) e outra cas familias de 4 anos ( venres , 12:30h). Faranse no ximnasio , coas medidas hixiénicas pertinentes. Debe vir unha persoa por familia e sen nenos/as.
O resto dos cursos, polo momento seredes informados por vía telefónica, abalar e por esta páxina web. Faremos reunións presenciais, se é posible, a semana do 14 ao 21 de setembro polas tardes. Concretaremos datas proximamente.
Tamén colgaremos nos próximos días a data do comezo das clases para cada grupo e o horario do 1º día.
Un saúdo de parte de todo o claustro do CEIP Canosa-Rus
