PLAN DIXITAL DE CENTRO
Actividades
Educación Viaria no Cole
Boas familias,
O Alumnado de 5º de ED. Primaria tivo unha sesión de seguridade peoníl coa sección de Educación Viaria da Policía Local de Vigo. Dende este organismo queren compartir con toda a Comunidade EDucativa a información complementaria que a continuación achegamos:
Queremos aproveitar para darlle as grazas aos membros da Policía Local de Vigo que acudiron ao noso centro.
Axuda humanitaria para a poboación de Ucraína
Prezadas familias;
A comunidade educativa que conformamos o CEIP Canicouva imos colaborar coa Asociación Galega de Auxda a Ucraína (@aga.ucraina) para recompilar e enviar material, alimentos non perecedoiros e enseres básicos a Ucraína.
Podedes atopar a lista completa dos materiais que precisan no documento adxunto.
Moitas grazas pola vosa colaboración!!!
Pasarúas entroido 2022
Prezadas familias,
Como xa sabedes, debido á situación sanitaria na que nos atopamos, o curso pasado non se nos permitiu sair ás rúas do barrio para festexar o entroido. Este curso cumprindo con todas as medidas necesarias imos levar a cabo, sempre que o tempo o permita, un pequeno pasarrúas no parque de Castrelos. Neste percorrido estaremos encantados de contar coa vosa asitencia.
Para poder asegurar o cumprimento das medidas sanitarias e educativas, foi necesario secuenciar as saidas do cole.
- Infantil, 1º Primaria e 2º de Primaria: sairán a partir das 11:00 de forma escalonada.
- 3º Primaria, 4º Primaria, 5º Primaria e 6º Primaria: a partir das 12:10 de forma escalonada.
No parque de Castrelos diante do escenario (situado ao lado da entrada principal) haberá unha zona delimitada para as familias xusto diante do escenario. Cada grupo subirá e teredes tempo para fotografíalos. En ningún caso os familiares poderán acompañar durante o recorrido aos nenos/as, xa que é fundamental manter os grupos burbulla, polo que non se poderá interactuar co alumnado salvo no momento que suben ao escenario.
Polo anteriormente detallado debedes esperar polos vosos cativos e cativas na área habilitada na que haberá membros da ANPA que vos axuden.
Por outra banda, é importante que saibades que desde o centro levaremos a cabo unha gran reportaxe audivisual, por se algunha familia non pode acudir.
O circuito é circular, de xeito que ningún grupo se mesture con outros.
Convidámosvos a todos a participar dun xeito seguro, e contamos co compromiso de todos/as para levar a cabo unha actividade que o alumnado sen dúbida merece. No caso de que existan situacións que non garantan a seguridade e integridade do alumnado, o equipo docente non dubidará en voltar ao centro, así que por favor sexamos cautos e respetemos as normas.
Unha tonelada de solidaridade
Hoxe dende a asociación AFAN viñeron a recoller os alimentos recollidos durante a campaña "Un camiño sinxelo para todos".
Ainda non sabemos se acadamos o obxectivo dunha tonelada que tiñamos marcado. O que si sabemos son as toneladas de ilusión, participación e implicación do alumnado e das familias neste reto.
O agasallo de Nadal para o cole Canicouva foi consolidar o que xa comeza a ser una tradición, poder axudar na nosa contorna. Difícilmente poderíamos brindar aos nosos alumnos una experiencia de aprendizaxe máis realista.
GRAZAS a toda a comunidade educativa que forma o CEIP CANICOUVA en especial os cativos e cativas que cun sorriso sentiron este reto coma seu.
Mención espacial ó alumnado de sexto que participou na montaxe do "spot" coa maior ilusión posible.
O equipo directivo e todo o claustro desexámosvos un Nadal cheo de esperanza, saude e felicidade.
Equipo de Dinamización da Lingua Galega
Dende o Equipo de Dinamización da Lingua Galega queremos desexarvos un terrorífico Samaín .
Aquí vos deixamos o noso Abecedario Monstruoso elaborado por todos os nenos e nenas do noso centro.
Xunta de Galicia - Consellería de Cultura, Educación e Ordenación Universitaria, 2017 | ||
Aula virtual
Blogue Biblioteca
Blogue EDLG
