A Dirección Xeral de Educación, Formación Profesional e Innovación Educativa deu o 24 de abril de 2015 instrucións para desenvolver a avaliación individualizada do alumnado de 3º de Primaria. A proba realizarase os días 27 e 28 de maio.
A Consellería require ás familias do alumnado de 3º que cubran un cuestionario de contexto. Hai dúas maneiras de facelo:
- En liña: pódese cubrir no propio sitio web da Consellería, entrando coa chave de acceso recibida polo alumno ou alumna no centro. Os cuestionarios en liña poderán cubrirse ata o 20 de maio.
- En papel: o 27 de maio o centro facilitará o cuestionario ás familias que o requiran, e será recollido no mesmo centro ata o 1 de xuño.
