Novas

Ao longo da historia da humanidade, a migración foi unha expresión valente da determinación individual de superar a adversidade e buscar unha vida mellor.

Na actualidade, a globalización, xunto cos avances nas comunicacións e o transporte, incrementou en gran medida o número de persoas que teñen o desexo e a capacidade de mudarse a outros lugares.

Esta nova era creou retos e oportunidades para sociedades en todo o mundo. Tamén serviu para subliñar o vínculo que hai entre migración e desenvolvemento, así como as oportunidades que ofrece para o  codesenvolvemento, é dicir, para a mellora concertada das condicións económicas e sociais tanto no lugar de orixe como no de destino. 

"Todos os  migrantes teñen dereito a igual protección de todos os seus dereitos humanos. Neste Día Internacional, insto os líderes e ás persoas de todo o mundo a que dean vida ao Pacto Mundial, para que a migración funcione para todos."

Antonio Guterres (Secretario Xeral da ONU)

Queres coñecer historias reais? fai clic na imaxe que segue:

 Tamén podes ver este vídeo para entender mellor toda esta cuestión:

O Día dos Dereitos Humanos celébrase cada 10 de decembro, coincidindo coa data en que a Asemblea Xeral adoptou a Declaración Universal de Dereitos Humanos, en 1948. Trátase dun documento histórico que proclamou os dereitos  inalienables inherentes a todos os seres humanos, sen importar a súa raza, cor, relixión, sexo, idioma, opinións políticas ou doutra índole, orixe nacional ou social, propiedades, lugar de nacemento, nin ningunha outra condición. É o documento máis traducido do mundo e está dispoñible en máis de 500 idiomas.

Clic na imaxe para ver o documento orixinal 

 Aprende máis con este vídeo

 Clic na imaxe para ver unha versión ilustrada os dereitos.

Para máis información clic na imaxe para acceder á páxina da ONU 

O que significa ser unha persoa con diversidade funcional.

A diversidade funcional é unha condición que afecta o nivel de vida dun individuo ou dun grupo. O termo úsase para definir unha deficiencia física ou mental, como a diversidade funcional sensorial, cognitiva ou intelectual, a enfermidade mental ou varios tipos de enfermidades crónicas.

Os seguintes vídeos poden axudar ao alumnado a comprender o que é ser unha persoa con diversidade funcional:

As persoas con diversidade funcional, a "minoría máis ampla do mundo", adoitan ter menos oportunidades económicas, peor acceso á educación e taxas de pobreza máis altas. Iso débese principalmente á falta de servizos que lles poidan facilitar a vida (como acceso á información ou ao transporte) e porque teñen menos recursos para defender os seus dereitos. A estes obstáculos cotiáns súmanse a discriminación social e a falta de lexislación adecuada para protexer ás persoas con diversidade funcional.

Ademais, corren máis perigo de ser vítimas da violencia:

• As nenas e nenos con diversidade funcional teñen catro veces máis posibilidades de ser vítimas de actos violentos.
• As persoas adultas con algún tipo diversidade funcional teñen 1,5 veces máis posibilidades de sufrir violencia.
• Os adultos con problemas mentais teñen catro veces máis posibilidades de ser vítimas da violencia.

A ignorancia é en gran parte responsable da  estigmatización e a discriminación que padecen as persoas con diversidade funcional.

Unha sociedade é madura e responsable se é quen de incluír a todos os seus membros. Se non é outra cousa.

Podes ter máis información sobre este día na páxina das Nacións Unidas, fai clic na imaxe para acceder.  

Non deixes de ver algún destes vídeos para darte conta de que ser unha persoa con diversidade funcional non implica ter menos capacidades que ninguén, só os fai diversos e diferentes e en moitas ocasións tremendamente especiais. Non esquezades que as todas as persoas somos funcionalmente diversas.

O Día Universal da Infancia, que se celebra todos os anos o 20 de novembro, é un día dedicado a todos os nenos e nenas do mundo.

Esta presentación, que contén os dereitos e vídeos musicais, pode axudar a súa mellor comprensión.

É un día de celebración polos avances conseguidos, pero sobre todo é un día para chamar a atención sobre a situación das nenas e nenos máis desfavorecidos, dar a coñecer os dereitos da infancia e concienciar ás persoas da importancia de traballar día a día polo seu benestar e desenvolvemento.  

Non te perdas esta guía sobre os dereitos da infancia 

Por desgraza non toda a infancia desfruta dos mesmos dereitos ao longo e ancho do noso planeta. Non deixedes de revisar este mapa para ser conscientes da súa distribución.

(clic na imaxe para descargar)

Este Día Universal é un momento clave para sumarnos a este chamamento mundial a favor da infancia e dos nenos e nenas máis vulnerables.

Dende o noso centro queremos lembrar os dereitos, podes descargalos aquí.

O Día Mundial da Diabetes creouse en 1991 como medio para aumentar a concienciación global sobre a diabetes. É unha oportunidade perfecta para dirixir a atención do público cara ás causas, síntomas, complicacións e tratamento desta grave afección, que se atopa en constante aumento en todo o mundo.

Que é o Día Mundial da Diabetes?

O Día Mundial da Diabetes (DMD) é a campaña de concienciación sobre a diabetes máis importante do mundo. Foi instaurado pola Federación Internacional de Diabetes (FID) e a Organización Mundial da Saúde (OMS) en 1991, como resposta ao alarmante aumento dos casos de diabetes no mundo. En 2007, Nacións Unidas celebrou por primeira vez este día tras a aprobación da Resolución en decembro de 2006 do Día Mundial da Diabetes, o que converteu ao xa existente Día Mundial da Diabetes nun día oficial da saúde da ONU.

O seu propósito é dar a coñecer as causas, os síntomas, o tratamento e as complicacións asociadas á enfermidade. O Día Mundial da Diabetes lémbranos que a incidencia desta grave afección atópase en aumento e continuará esta tendencia a non ser que emprendamos accións desde agora para previr este enorme crecemento.

 Cando se celebra?

O Día Mundial da Diabetes celébrase cada ano o 14 de novembro. Escolleuse esta data sendo o aniversario de  Frederick  Banting quen, xunto con Charles  Best, concibiu a idea que lles conduciría ao descubrimento da insulina, en outubro de 1921. Mentres moitos eventos desenvólvense durante ou ao redor dese día, a campaña desenvólvese ao longo de todo o ano.

Queres saber máis?