EDLG Barouta

SÁBADO 25 FEBREIRO ás 19h na Casa da Cultura de Bertamiráns GALA ROSALÍA 2023.

Estrea da montaxe XARDÍN ROSALÍA do CEIP DE BAROUTA

No CEIP BAROUTA estamos a preparar unha homenaxe especial que poderedes ver na GALA ROSALÍA 2023 o sábado 25 marzo ás 19 h na Casa da Cultura de Bertamiráns. A entrada é de balde e contará coa participación do alumnado de Ames e coa actuación de NAJLA SHAMI.

Por outra banda compartimos con vós esta escolma de RECURSOS DE ROSALÍA para que gocedes coa nosa autora máis universal.

Tamén vos convidamos a participar na CAMPAÑA # ROSALÍZATE DO CONCELLO DE AMES. Imprime unha carauta rosaliana nos recursos, vai ao photocall da Praza do Concello, tira unha foto e súbea a redes co cancelo #Rosalízate acompañada dalgúns versos de Rosalía. Fai que a súa poesía se espalle polo mundo.

Grazas por colaborar.

EDLG DO CEIP DE BAROUTA.

O EDLG de Barouta propúxonos crear poesías en homenaxe a Florencio Delgado inspirándonnos na natureza de Barouta. Deste xeito,inventamos poesías de árbores,animais e ata do monte San Marcos.

Premede na seguinte LIGAZÓN para ver imaxes dos traballos do alumnado.

Co gallo das LETRAS GALEGAS e todas as poesías pareceunos unha boa ocasión para editar o primeiro número especial de BAROUTÓFILAS, unha revista escolar adicada a FLORENCIO DELGADO GURRIARÁN con poesías e artigos de interese para o alumnado.

Se premedes AQUÍ, podedes comezar a lela.

Este ano decidimos conmemorar o DÍA DE ROSALÍA coa creación no cole de Barouta dun xardín na súa honra.

Foi un proceso longo pero moi gratificante que comezou cos bosquexos do retrato e do deseño do xardín, coa preparación do mesmo,plantación de pensamentos (flores preferidas da escritora) e coa escritura de poemas e a súa posterior colocación.

Así, o 23 DE FEBREIRO DE 2022 puidemos inaugurar o noso "XARDÍN ROSALÍA"  unha sinceira homenaxe á nosa escritora máis universal.

Na seguinte LIGAZÓN deixámosvos fotografías de todo o proceso.

E nestoutra o VÍDEO INAUGURACIÓN "XARDÍN ROSALÍA"

Agardamos que vos guste tanto coma a nós!

FESTA DO OUTONO e SAMAÍN

• LUNS 25 DE OUTUBRO
  Desde o luns poden traer cabazas decoradas para deixar na exposición da entrada principal do Centro (levaranas de volta o venres, se non apodrecen antes)
  
  
• MÉRCORES 27 DE OUTUBRO
  A partir do mércores poden achegar unha presa de castañas cortadas para o magosto do venres
  
  
• VENRES 29 DE OUTUBRO
  Poden vir disfrazadas/os.