Do 30 de outubro ó 10 de novembro levaremos a cabo varias actividades para celebrar as festas de Samaín/Halloween e o Magosto
• Exposición de cabazas terroríficas e castañas disfrazadas
O luns 30 de outubro, todas as familias que desexen participar deberán traer unha cabaza decorada, canto máis terrorífica mellor e/ou unha castaña disfrazada. Exporémolas no escenario do centro. Ó rematar a exposición cada un levará a súa obra para casa polo que é moi importante que veñan identificadas co nome e o curso.
• Relatos de Samaín
Os alumnos/as de 4º, 5º e 6º de Educación Primaria, realizarán relatos de medo coas temáticas relacionadas co Samaín. Despois contaránllelos ós seus compañeiros nunha sesión de contacontos que levaremos a cabo na Biblioteca do centro.
• MAGOSTO
Pedimos a todos os alumnos/as do centro que traian unhas poucas castañas CUN PEQUENO CORTE PARA QUE NON ESTOUPEN Ó ASALAS a partir do luns día 6 de novembro e ata o xoves 9.
O VENRES 10 celebraremos o magosto. Asaremos e comeremos castañas, tamén comeremos bolos preñados (CON CHOURIZO) e beberemos auga. Os alumnos non é preciso que traian nada de comer nin de beber, agás aqueles que por motivos de saúde non poidan tomar algunha das cousas antes mencionadas. Existe a posibilidade de pedir menú sen glute e menú sen porco. Para este cambio ou calquera outro aspecto a ter en conta deberedes comunicarllo ó titor/a do voso fillo/a.
