DÍA ESCOLAR DA NON VIOLENCIA E A PAZ

Enviado por Anónimo o Mar, 01/02/2022 - 23:19

O pasado domingo celebrouse o DÍA ESCOLAR DA NON VIOLENCIA E A PAZ, e conmemorámolo no colexio o venres 28 de xaneiro deste ano 2022.

Por primeira vez neste curso reunímonos todo o alumnado e profesorado de primaria no patio cuberto, para cantar xuntos as cancións de "RUMBA DAS APERTAS" de Magín Blanco, Gaudi Galego, Usía Pedreira e Uxía Senlle e "IMAGINE" de John Lennon, que previamente estivemos aprendendo e practicando nas aulas.

Tamén elaboramos un mural conxunto na entrada da escola, no que cada aula elexiu un símbolo e continuou o lema da paz "MEDRAMOS XUNTOS E XUNTAS NA PEDRA CANDO..." Nas seguintes imaxes se pode ver o sentir do alumnado, e o que para eles é importante para seguir adiante convivindo sen violencia cos seus compañeirxs e continuar o camiño COMPARTINDO en PAZ.

E co gallo do 50 aniversario do colexio, quixemos deixar a nosa pegada nos corredores do colexio, lembrando os valores cos que se consegue a paz día a día, e que queremos construir na nosa escola, para medrar xuntos e CONVIVIR EN PAZ¡¡¡