O mércores, 17 de novembro, tivemos a espléndida visita

de Suso, o pai de Aixa, que foi alumno do noso cole e é

biólogo no Parque Nacional das Illas Atlánticas, polo que

nos fixo un pequeno percorrido a través delas,

mostrándonos os seus ecosistemas e a importancia de

conservar os seus valores naturais cun uso e disfrute

respectuosos por parte dos cidadáns.

Este ano é o 50 aniversario do cole e, como foi alumno,

comezou a súa presentación facendo unha lembranza daquel

tempo.

Comezamos o noso percorrido e.... unha imaxe vale máis que

mil palabras.

Durante a visita, aprendemos moito sobre a fauna e flora

dos seus diferentes ecosistemas como son: os cantís, os

fondos rochosos e areosos, as dunas e matogueiras e o

bosque atlántico.

Ás nenas e aos nenos resultoulles moi entretido e

interesante, contribuíndo coa súa participación en xogos e

preguntas.

Queremos agradecer aos traballadores do Parque Nacional

das Illas Atlánticas o labor que están facendo nelas e, sobre

todo, que nos transmitan e acheguen os seus coñecementos,

de balde, a todos os coles que o solicitan.

Moitísimas grazas!