O pasado 18 de outubro celebramos o DÍA DAS ESCRITORAS, e fixémolo a través dunhas actividades dende a biblioteca xurdidas a partir dunha exposición de libros escritos por diversas autoras. O obxectivo é ser consciente da cantidade de libros que coñecemos e foron escritos por mulleres.

Botade un ollo a algunhas destas tarefas realizadas polo alumnado de 2º!

Aos nenos e nenas de 2º A gustoulles moito o traballo das escritoras que fixeron na biblioteca, realizaron uns debuxos moi bonitos que colocamos na cortiza da entrada a clase. podedes ver aquí unha foto.

Hoxe, 27 de setembro, celebrouse a gala OUFF Escola á que o alumnado de 2ºB estaba nominado como finalista pola curtametraxe elaborada o curso pasado "Dona Landra no río Revolto"

Debido á situación sanitaria a gala realizouse telematicamente, polo que a seguimos dende a sala de usos múltiples da escola.

Puxémonos moi contentos cando nos dixeron que gañamos o 2º premio!!! Podedes ver un anaquiño da gala premendo nesta imaxe.

Premendo neste enlace atoparedes a noticia con todos os gañadores da edición OUFF Escola 2021.

O alumnado de 2º da nosa escola xa foi finalista e gañador do mellor guión na edición do 2019, polo que xa son expertos na materia. Se queredes recordalo, podedes ver a noticia de novo este enlace.

Moitas grazas a todos polo voso apoio e felicitacións!!!

Hoxe foi un día moi especial para o alumnado de 2ºB, pois se celebrou a Gala Escolas do FIC, festival ao que estabamos nominados como finalistas pola curta elaborada o curso pasado "Dona Landra no Río Revolto"

Erguémonos moi cedo e, dende o Concello, camiñamos xuntos ata o Centro Social do Mar, onde nos agardaba unha alfombra preciosa elaborada pola "Asociación de alfombristas de Bueu".

Unha vez situados no patio de butacas, comezou a gala coa proxección dun anaco de todas as curtas finalistas e de seguido o xurado subiu ao escenario para comezar a entrega de premios. Que nervios e que alegría sentimos cando nos dixeron que gañara a nosa curta!!!

Subimos todos ao escenario para recoller o premio, consistente nun lote de libros de Kalandraka, o galardón do festival e un trípode para gravar con máis calidade a nosa seguinte curtametraxe!

A continuación proxectaron as curtas gañadoras e sentímonos moi importantes ao ver a nosa película proxectada nunha pantalla de cine e diante de tanto público.

Despois saímos un ratiño á rúa a merendar e xogar un pouco.

Cando volvemos entrar, xa estaba no escenario o grupo Carpervek que nos falou do cine mudo e a importancia da música no cine. Incluso puidemos experimentar interpretando a banda sonora dalgunhas curtametraxes antigas.

Foi unha xornada incrible, pasámolo tan ben que xa estamos pensando na nosa seguinte producción!!!

Se queredes ver a gala completa, premede nesta imaxe.

O pasado venres fomos ao Centro Social do Mar para ver 5 curtametraxes proxectadas para nós das SESIÓNS PARA ESCOLARES do FIC Bueu:

- La extraordinaria historia de Bruna.

- Mitch-Match.

- Ruby & Roach.

- Vuela.

- Earth³.

Gustáronnos moitísimo e ademais fixemos unhas actividades moi interesantes na escola antes e despois de asistir ao visionado das curtas.

Estas son algunhas das actividades:

Encantounos imitar o LOGO do FIC 2021, aquí podedes ver algunha mostra.

Durante o curso 20/21 estivemos rexistrando os datos no recuncho METEOESCOLAS da Biblioteca. Alí acodía o alumnado a anotar os datos recollidos na caseta no termómetro, barómetro, pluviómetro...

Tamén podían levar en empréstito libros relacionados co tempo para as bibliotecas da aula ou para ler nas casas. Este espazo vai enchéndose de fondos bibliográficos pouco a pouco e xa temos unha boa bibliografía meteorolóxica.

Despedimos xa este curso que nos aportou tanto, meteorolóxicamente falando e quedamos á espera de solicitar este programa no vindeiro curso. Bo e soleado verán!

Este ano, na aula dos Pelouros, traballamos o tempo dentro do contexto da asemblea que facemos cada mañá ó chegar ao colexio.

Cada semana era un nen@ o protagonista. Entre a súa rutina de pasar lista estaba tamén a de traballar o calendario poñendo a data: día, mes, estación, ano... e ademais tamén era o encargado de poñer o símbolo do tempo que facía ese día.

Con estes nen@s tan cativos e dende un enfoque global repetíamos cada día unha cantinela "Ventaíña da clase, cómo está o tempo hoxe?..."

Logo colocábamos o símbolo que representaba o tempo atmosférico que facía.

Tamén relacionado coa lóxica matemática, rexistramos unha sinxela estatística tomando nota de cantos días de sol, choiva ou nubrado había en cada mes.

Un día chegou á escola un paquete moooooi grande! Que será? Preguntaban os nenos e nenas moi intrigados...

Ata que a final do curso descubrimos o que era: un montón de agasallos para nós por participar no proxecto METEOESCOLAS!!!

Había cantidade de cousas: bolsas, portabocadillos e botellas reutilizables, contos, bolis, yoyós... e ata unha cunca co debuxo dos ODS. Que casualidade, xusto este ano que estivemos aprendendo tantas cousas sobre os ODS no proxecto COMPROMETÉMONOS CO NOSO PLANETA!!!

Para poder levar todas esas cousas, as profes encargaron unhas mochilas preciosas co logo do proxecto deste curso e o último día de clase nos entregaron todos os agasallos.

Grazas a Meteoescolas por esta sorpresa estupenda e... COMPROMETÉMONOS CO NOSO PLANETA!!!

Durante este curso o alumnado de 1º investigou e aprendeu refráns relacionados co tempo, comprobando se efectivamente se cumprían ou non. Con eles, fixeron un mural que decorou o noso corredor.

Foi divertido aprender a sabedoría popular!

 En segundo de primaria realizamos varias actividades relacionadas co tempo:

 -Cada día anotamos a data co símbolo correspondiente do tempo que vai e a lúa.

-Fixemos debuxos sobre o ciclo da auga e visualizamos os vídeos:

 O CICLO DA AUGA - YouTube

 El ciclo del agua | Camaleón - YouTube

 -Tamén  traballamos os estados da auga e visualizamos o vídeo de Happy learning:

 LOS ESTADOS DE LA MATERIA Y SUS CAMBIOS. Sólido, líquido y gaseoso | Vídeos Educativos para niños - YouTube

 -Fixeron adiviñas sobre o tempo.

-Realizamos un mural con refráns relacionados co tempo.

-Cantamos cancións sobre as estacións e os días da semana en lingua de signos:

 04 Las cuatro estaciones bimodal - YouTube

 CANCIÓN: Los días de la semana. BIMODAL Y PICTOGRAMAS - YouTube

 -Repasamos sinais de tráfico relacionadas co tempo e fixemos algúns debuxos.

-Fixeron problemas, debuxos e muráis en equipo de cadros famosos relacionados co tempo ou as estacións. Por exemplo: “Solsticio de verano” de Van Gogh, “Niñas en el mar” de Sorolla,“Mujer con parasol” o “La urraca”de Monet, “Bodegón uvas y nueces” de Sisley (para traballar os froitos do outono) …

-No Nadal fixeron bonecos de neve decorativos e unha postal con paisaxe invernal, na que empregaron material de reciclaxe .

Tamén fixeron unha paisaxe invernal con plastilina na que participaron tamén os de primeiro.

-Participaron nun vídeo que trata sobre vocabulario galego (baseado no programa “Dígocho eu”) e no que incluían palabras relacionadas co tempo: Folerpas, boneco de neve, luvas …

 WhatsApp Video 2021 01 11 at 20 16 54 - YouTube

-Traballamos varios contos que teñen relación coa climatoloxía, por exemplo:   

 “Bajo una seta”-Bajo una Seta. Cuento Infantil para Educar la Solidaridad - Bing video

 “Los nietos del señor tiempo”

 Cuentos de Primavera

 Principal » Cuentos Cortos » Los nietos del señor tiempo

FOI UN CURSO MOI METEOROLÓXICO!

Ao longo deste curso, o alumnado de 6º de primaria foi o encargado de rexistrar os datos da estación meteorolóxica do colexio.

Durante catro semanas, recolleron diferentes datos climatolóxicos como a temperatura, a humidade, a presión, as precipitacións, etc… que posteriormente foron empregados por Meteogalicia.

Que ben o pasaron investigando sobre a meteoroloxía e o clima da nosa contorna!