Skip to Content

Visita do ADC Lugo Sala

Xov, 17/10/2024 - 23:22

Xogadores máis o adestrador do ADC Lugo Sala, visitaron algunhas aulas do noso colexio. Comentáronnos o seu ascenso a segunda división e convidáronnos ao partido do vindeiro sábado. O CEIP Anexa deséxavos... Moita Sorte!!

 
 
 
 
 
 
 
 
Álbum: Curso 2024-25 -> Visita do ADC Lugo Sala

Obradoiro de Heráldica

Mér, 16/10/2024 - 17:01

O alumnado de 3º ciclo de E.Primaria, participou nun obradoiro de heráldica impartido por persoal pertencente ao Instituto de Estudos Galegos Padre Sarmiento, centro mixto do Consello Superiror de Investigacións Científicas e da Xunta de Galicia. O alumnado achegouse a algunhas das ferramentas ás que os historiadores recurren na súa actividade investigadora, neste caso, os emblemas heráldicos ou escudos.

 

 

 
 
 
 
Álbum: Curso 2024-25 -> Obradoiro de Heráldica

Visita dos Bombeiros de Lugo

Ven, 11/10/2024 - 16:06

Hoxe tivemos unha xornada moi especial no noso colexio! Integrantes do Corpo de Bombeiros de Lugo, achegáronse ata aquí, para darnos a coñecer máis de preto, unha grande parte das actividades tan importantes que realizan pola nosa seguridade; así como, ensinarnos como previr e como actuar, en situacións de perigo ou emerxencias que se dan moitas veces na contorna do fogar. E como non, tivemos a sorte de subir e coñecer por dentro o camión de bombeiros! Sen dúbida, unha mañá moi ben aproveitada!

       Xornal "La voz de Galicia" (Sábado, 12/10/24)

 

 
 
 
 
Álbum: Curso 2024-25 -> Visita dos Bombeiros de Lugo

Comezo das actividades extraescolares programadas polo Concello de Lugo

Ven, 11/10/2024 - 12:20

Infórmase, de que o vindeiro luns, día 14 de outubro, a partires das 16:00 h, e dentro dos horarios establecidos, darán comezo as actividades extraescolares programadas dende o Concello de Lugo.

Comunícase, así mesmo, que todas as solicitudes foron admitidas.

Proposta de actividades extraescolares - curso 2024/25

Ven, 04/10/2024 - 17:02

Na seguinte táboa, pódense consultar as diferentes propostas de actividades a desenvolver durante o presente curso escolar.

As actividades en cor azul, son as actividades xestionadas pola ANPA e teñen un custo variable. Para asistir a elas, deberase por en contacto coa ANPA na seguinte dirección de correo: asociacionanpaanexa@gmail.com

As actividades en cor vermella, son proporcionadas polo Concello de Lugo, e son de balde. Para poder asistir, deberase entregar nas oficinas do Ceip Anexa o formulario de inscripción que aparece no arquivo adxunto ao remate desta páxina.

A actividade de chinés será de balde. Na seguinte ligazón pódese consultar máis información.

 
 
 
 
 
 
 

Menús almorzo/xantar - Outubro 2024

Mar, 01/10/2024 - 09:16

Descarga aquí o menú de almorzo

Descarga aquí o menú de xantar

 

Máis información no apartado web de "Comedor Escolar"

 
 
 
 
 
 
 
 

Recollida dos vales de axuda de material escolar para Educación Infantil

Ven, 20/09/2024 - 15:59

O prazo de recollida dos vales de axuda de  material escolar para o alumnado de Educación Infantil, é o seguinte:

DO 23 DE SETEMBRO AO 4 DE OUTUBRO

 

  • As listaxes pódense consultar na seguinte dirección: 

https://www.lugo.gal/portal/tablonanuncios 

ou na oficina de educación.

 

  • Lugar de recollida: Oficinas da Concellería de Educación

(C.S. Uxío Novoneyra. Rúa Quiroga Ballesteros).

 

  • Horario de recollida: de 09:00h a 14:00h

 

  • Documentación que se precisa:
  • Certificado escolar onde conste identificación do neno/a así como o centro e o curso.

Importante: No caso de non recoller o vale o propio solicitante, deberá acompañarse dunha autorización deste máis a copia do DNI.

 

 

 
 
 
 
 
 
 

 

 

 

 

 

Información sobre a actividade de aprendizaxe do Chinés

Mér, 18/09/2024 - 16:40

No arquivo adxunto, pódese consultar a información relativa, enviada pola Escola Oficial de Idiomas de Lugo, sobre a realización da actividade, con carácter extraescolar, do ensino do Chinés. 

Información Aprendizaxe Lingua Chinesa

Os interesados poden mandar ao correo do Ceip Anexa o nome e curso do alumno/a interesado na actividade.

Está previsto que as clases  comecen o día 7 de outubro, aínda que, esta data pode sufrir variacións.
 
 
 
 
 
 
 
 
 
 
 

Comezo Curso Escolar 2024-25

Lun, 09/09/2024 - 13:50

O vindeiro mércores, día 11 de setembro, en horario de 09:00 h a 14:00 h  dará comezo o curso escolar 2024-25 para todo o alumnado de Educación Infantil e Primaria , agás o alumnado de 4º curso de Educación Infantil, que comezará o proceso de adaptación.

As quendas de entrada son as seguintes:

 

 

 
 
 
 
 
 

Entrega do fondo de libros e vales para a adquisición de material escolar

Lun, 02/09/2024 - 15:09

A partires do martes, día 3 de setembro, en horario de 10h a 13:30h poderanse recoller, na secretaría do centro, os libros adxudicados para o presente curso escolar a través do programa "Fondo Libros", máis os vales de axuda para material escolar que quedaron pendentes de recollida no mes de xullo.

 
 
 
 
 
 
 
 
 
 
 
 
 
 
Distribuir contido


by Dr. Radut