Conmemoracións

Este ano de novo celebramos os maios no centro. Nesta ocasión elaboramos entre todo o alumnado do centro unha alfombra floral, basada nunha ilustración de María Lires do libro "Bechos pequerrechos".

Rematamos a festa con cantigas típicas e nesta ocasión tivemos unha paarticipación especial, xa que a nosa compañeira Matilde acompañou as cantigas coa gaita. Felicidades.

Tedes as fotos na GALERÍA e tamén os VÍDEOS.

Dixámosvos cunha pequena presentación da xornada.

Este ano, como en anos anateriores celebramos o día do libro, como culminación a abril, mes do libro, ao longo do cal tivemos unha serie de actividades como:

• Exposición de libros de poesía.
• Exposición de fotopoemas.
• Exposición de cadros basados na obra de María Lires e realizados polo noso alumnado.
• Mercadillo de libros e poesía.
• Exposición de libros mais lidos.
• Pases ao liberespazo.
• Visita da Ilustradora María Lires.

O venres 26 de abril, en primeiro lugar, comezamos cunha prescrición médica moi lectora. "Para un  hábito saudable: lecturas PROTEC".

Continuamos con "Din Don; Din Don, adiviña quen son", onde o alumnado do 3º ciclo propuña adiviñas que o resto do alumnado tiva que resolver.

Seguimos coa entrega dos agasallos. En primeiro lugar coa entrega aos gañadores do concurso de "Fotopoemas". De seguido entregouse o agasallo aos mellores lectores. Rematamos a entrega de agasallos, agradecendo aos colaboradores da biblioteca a súa axuda.

Rematamos a celebración cantando unha canción sobre os libros: "Poema".

Coma sempre tedes as fotos da xornada na GALERÍA. Tamén podedes ver os VÍDEOS.

Deixámosvos cunha pequena presentación. Felices lecturas.

O xoves 25 de abril, recibimos a visita de María Lires. Xa sabedes que é a ilustradora do libro que lle da nome á nosa biblioteca: "Soños de andel", pero tamén de moitos outros libros de literatura infantil e xuvenil, cos que estivemos traballando na área de Ed. Artística. Aquí tedes un enlace á listaxe deses libros:
Libros María Lires.
En primeiro lugar, xuntámonos no Recanto dos Contos e despois de que os alumnos e alumnas do terceiro ciclo  fixeran a presentación, quixemos agasallar a María coa representación do seu libro: "Bechos Pequerrechos".  Participaron moitas nenas e nenos de diferentes cursos, e ademáis elaboramos uns monicreques, que cobraban vida, movidos polo alumnado de 4º curso. Foi moi divertido, e pasámolo moi ben.
Despois, as alumnas e alumnos de 6º curso, fixéronlle unha entrevista con preguntas moi interesantes.
Para rematar, cantamos dúas cancións, unha adicada aos bechos pequerrechos: "Estes son bichiños con algo especial" e outra adicada á nosa amiga María: "María e a poesía".
Este acto serviunos de colofón para o remate da segunda parte do proxecto AS CORES DE GALICIA, adicado este segundo trimestre ás ilustradoras galegas, e en especial a María Lires.

Tedes as fotos da xornada na GALERÍA. Tamén podedes ver os VÍDEOS das actuacións.

MOITAS GRAZAS, MARÍA, e ata sempre.

Este ano para celebrar o día de Rosalía, participamos nas Lecturas Colectivas de "Cantares Gallegos", organizada pola Asociación de Escritores en Lingua Galega" (AELG). O poema escollido foi "Vinte unha crara noite".

Posteriormente o venres 22 de febreiro o alumnado de 6º realizou a lectura dunha presentación coa vida e obra de Rosalía de Castro, a continuación os alumnos contestaron unhas preguntas sobre a citada presentación. Despois disto visionamos o vídeo que grabamos para participar nas Lecturas Colectivas. Rematamos cun rap sobre o poema "vinte unha crara noite" de Cantares Gallegos.

Os nosos parabéns a todo o alumnado e profesorado participante.

Tedes as fotos da xornada na galería.

A continuación podedes visionar os vídeos.

O pasado venres 8 de febreiro, no CEIP Plurilingüe de Andrade, celebramos o festival do "Entroido", aínda que as celebracións comezaron o luns cos mandatos do meco. Este ano, o alumnado e profesorado, tiveron que traer distintos complementos. O luns "Mañá casan os paxariños e o luns traeredes uns ovos nos seus niños". O martes "nin te cases nin te embarques: algo traerás para poder salvarte". O mércores "xa estamos chegando a metade da semana: traede o que vos dea gaña" e o xoves "chegados ao xoves: traede un paraugas por se chove".

Chegou o venres e a pesares da choiva celebramos o noso festival. Este ano a temática eran "AS PELÍCULAS". Comezamos con infanrtil "SOMOS PIRATAS", seguimos co primeiro ciclo " OS CABRITIÑOS E OS LOBOS", os do segundo ciclo representaron e bailaron con "ALADIN" e rematamos cos do terceiro ciclo e a súa magnífica interpretación de "GRESSE".

Rematamos a xornada coa degustación de postres típicos da época aportados polas familias. Grazas a todos pola vosa colaboración.

O culmén da festa de entroido tivo lugar o venres 15 de febreiro co enterro dos mecos.

Coma sempre podedes atopara as fotos das celebracións na GALERÍA. 

Do mesmo xeito podedes visionar os VÍDEOS.

Deixámosvos cun pase de diapositivas dalgunhas das imaxes da celebración.

Hoxe, 30 de xaneiro, para conmemorar a morte de GANDHI, no CEIP Plurilingüe de andrade, celebramos o día da PAZ.

Nesta ocasión baixo o lema: "APERTAS DE PAZ". Todos os cursos elaboraron debuxos (os mais pequenos), e textos que comezaban pola frase "UNHA APERTA DE PAZ PARA.....", onde expresaron os seus desexos de paz. Estes traballos están expostos na entrada do centro.

A nosa doutora particular, María, prescribiunos unha receita para a paz, se queredes saber en que consiste teredes que visionar o vídeo da actuación.

Posteriormente visionamos dous vídeos sobre "ABRAZOS", que podedes ver a continuación.

Deixámosvos coma sempre cun pase de diapositivas da xornada. O resto das fotos as podedes atopar na GALERÍA. Para ver o vídeo facede clic no seguinte enlace: VÍDEO.

Tamén podedes ver a reportaxe que fixo a TVG da nosa celebración. A parte onde saen os actos feitos no centro comeza no minuto 40 aproximadamente. GRAZAS

O pasado 21 de decembro, celebramos no Cole o festival de Nadal, nesta ocasión realizamos as seguintes actividades:

• Educación Infantil representou a obra "Soño de Nadal" e cantaron "A las doce de la noche".
• Os de Primeiro de Primaria disfrazados de letras realizaron varios intentos ata chegar a formar as palabras "Paz e Amor"
•  Segundo de primaria representou a obra "Cardito Caracol".
• Os de 2º ciclo de Primaria cantaron varias panxoliñas: "Cántolle aos Reis"(recollida por Xurxo), despois cantaron en inglés "Rudolph the red nose reindeer", o alumnado de relixión cantou "Es hora de cambiar", os de terceiro cantaron unha canción argelina e remataron cunha panxoliña recollida por María "Panxoliña de Andrade".
• O alumnado do 3º ciclo escenificou a obra "Menuda noite de Reis" e remataron con "Jingle Bells Rock". 

Deixámosvos cunha pequena presentación de fotos da xornada. Como sempre podedes atopar o resto das fotgrafías na GALERÍA. Tamén tedes a vosa disposición os VÍDEOS.

O alumnado  de cuarto de primaria ensaia as actuacións de Nadal.

Aquí tedes os vídeos das actuacións.

O pasado 31 de marzo, celebramos o SAMAIN, festa de orixe celta cunha gran tradición na nosa zona.

En primeiro lugar o alumnado de infantil recitáronnos unas "poesías de medo".

Despois nenos de primeiro, segundo terceiro e cuarto interpretaron "contos de samain".

O alumnado de 5º curso de primaria interpretaron a obra de teatro "A figueira de Pelostortos".

Rematamos coa canción "Xa chega o samain".

Que meeeeedo.

Esperámosvos o vindeiro ano.

Deixámosvos cunha mostra da xornada, tedes o rsto das fotos na GALERÍA. Tamén tedes os videos no seguinte enlace: VIDEOS.

O pasado mércores 31 de outubro, celebramos no CEIP Plurilingüe de Andrade a 5ª Festa da Froita Autóctona "O magosto".

• En 1º lugar e trala presentación por parte do alumnado de 6º de primaria, o noso director deunos a benvida a todos os asistentes.
• Posteriormente cantamos a canción "As froitas".
• A continuación o alumnado de 1º de primaria propúsonos unhas "adiviñas de outono", os de 2º interpretaron o "rap da froita", 3º e 4º leeron as súas redaccións e os seus acrósticos, 5º e 6º leron unha selección dos seus traballos sobre a froita.
• O alumnado de sexto (os cociñeiros do cole), presentáronnos o menú degustación elaborado por eles coa axuda das mestras.
  
• Todos xuntos cantamos a canción "Ricas froitas".
• Rematamos coa entrega de preimos:
  • Diplomas aos participantes no certamen de poesia e redaccións. Diplomas entregados polo Xefe Territorial de Educación, D. Indalecio Cabana.
  • Entrega de premios ao concurso de cabazas: Para a mais divertida, a mais fantástica e mais terrorífica.
  • Entrega de premios do concurso de froita autóctona de outono, otorgados pola AGFA (Asociación Galega da Froita Autóctona), para a variedade mais antiga, a variedade en perigo de estinción e a mellor variedade e composición.
• Pra finalizar este día de festa degustamos os pratos elaborados polo alumnado do 3º ciclo de primaria e as aportacións das familias.

Esperamos que vos gostase e moitas a grazas a todos.

Esperámosvos o vindeiro ano.

Deixámosvos cunhas fotos da xornada, coma sempre tedes o resto na GALERÍA. Tamén podedes ver os vídeos no seguinte enlace: VIDEOS.