CEIP Plurilingüe Alexandre Bóveda

Para rematar este mes de xuño co proxecto de "Saúde" traballamos a seguridade vial.

O pasado xoves, 17 de xuño, tivemos a sorte de contar ca policía local de Redondela e a Garda Civil.

Nunha primeira parte da actividade, estivemos moi atentos ao que nos contaban acerca dos perigos e das normas que debemos seguir cando camiñamos pola nosa localidade. A través duns vídeos, aprendemos a importancia de coñecer os sinais, respectar ao resto de peóns, ter coidado ao cruzar a rúa...

Despois, chegaba a parte que estábamos desexando...poder ver e subir nos seus coches e descubriri como son por dentro e todo o que levan!!

Aínda con mal tempo...PASÁMOLO XENIAL!!

Durante o terceiro trimestre  fomentamos a actividade física, movemento e hábitos saudables a través de diferentes retos.

Desexábamos con gañas que chegase o venres para ver eses vídeos marabillosos cás familias e descubrir o novo reto da seguinte semana!!

GRACIAS POLA VOSA PARTICIPACIÓN!!

Como broche final, non queremos despedirnos sen ensinarvos o resultado final dunha coreografía conxunta do alumnado do colexio.

Desfrutade do verán e...A SEGUIR MOVENDO O ESQUELETO ASÍ DE BEN!!

O alumnado de educación infantil e primaria admitido no centro para o curso 2021/2022 deberá formalizar a matrícula entre o 20 e 30 de xuño, segundo o previsto no artigo VI da Orde do 12 de marzo de 2013.

Deberán traer cuberto os dous documentos adxuntos nesta entrada.

Calquera dúbida podedes chamar ao centro: 886120405 ou mandar un correo: ceip.alexandre.boveda@edu.xunta.gal

O  luns 24  e martes 25 de maio  a  praia de Arealonga recibiu a visita das nenas e nenos do noso cole, para continuar cas actividades relacionadas co noso proxecto de centro. Neste caso, no mes de maio traballamos sobre a saúde medioambiental.

A actividade consistiu na identificación dos residuos e a explicación da súa procedencia. Unha vez identificados o alumnado procedeu a retirar o lixo da praia de forma selectiva para o seu tratamento. Atopáron gran cantidade de cabichas, entullos e vidros.

 Puidemos participar nunha xornada educativa e de lecer preparada pola concellería de medio ambiente.

Moitas gracias!!

Xa está publicado no DOG a ORDE do 6 de maio de 2021 pola que se abre o prazo para o Fondo solidario de libros de texto e axudas para a adquisición de libros de texto e material escolar para o vindeiro curso escolar 2021-2022.

O alumnado que pode solicitar estas axudas é:

- 1º e 2º de Educación Primaria: Axuda para compra de libros e material.

- 3º a 6º de Educación Primaria: Préstamo de libros (fondo solidario) e axuda material.

* Presentación de solicitudes: ata o 22/06/2021

Para a solicitude tedes que acceder ao seguinte enlace: https://www.edu.xunta.es/fondolibros/

1º Abrirase a seguinte páxina e tedes que premer no botón de arriba á dereita:

2º Na seguinte páxina tedes que acceder coa chave 365 e o voso DNI:

Para solicitar a Chave 365 premer no seguinte enlace: https://www.xunta.gal/cita-previa?langId=es_ES 

Para máis información sobre a Chave 365:  https://sede.xunta.gal/tramites-e-servizos/chave365?langId=es_ES

3º Tedes que premer na palabra "cidadán" (no menú da parte esquerda).

4º Nesta páxina, posteriormente, podedes consultar as solicitudes a través do DNI. Abaixo no botón laranxa prememos para "Crear unha nova solicitude"

5º Búsqueda do centro: Provincia de Pontevedra - Concello de Redondela - CEIP Plurilingüe Alexandre Bóveda

6º Seleccionar o alumno/a e iniciar solicitude. Se non aparece o alumno/a premer en iniciar solicitude para outro alumnado.

7º Cubrir os datos e premer en "presentación en papel no centro". En caso de querer presentalo de forma telemática non tedes que traer nada ao centro e premer no botón: presentación telemática.

Se a presentades no centro tedes que imprimir a solicitude e o anexo II e traelos ao centro asinados xunto cunha fotocopia do libro de familia e o orixinal, e de ser o caso fotocopia da sentencia de separación ou divorcio, certificado do grao de discapacidade...

O horario de presentación no centro será os luns de 9:00-9:30, os martes de 16:00-18:00 ou os xoves de 13:00-13:30.

No caso de presentala na Sede Electrónica da Xunta non tedes que facer nada, chéganos un correo de aviso ao centro.

A continuación podedes ver a táboa-resumo das axudas segundo a renda do ano 2019.

Calquera dúbida tedes adxunto nesta publicación o manual de axuda ou podedes mandar un correo ao ceip.alexandre.boveda@edu.xunta.gal ou chamar ao 886120405.

Informamos ás familias que todo o alumnado que realizou a solicitude de admisión para o curso 2021/2022 están admitidos no centro. 

A formalización de matrícula será do 20 ao 30 de xuño. Tedes que chamar a partir do 10 de xuño para solicitar cita para acudir ao centro nesas datas.

Calquera dúbida podedes mandar un correo ao ceip.alexandre.boveda@edu.xunta.gal ou chamar ao 886120405.

Aquí vos deixamos o menú de comedor do mes de maio.

Bo proveito!

Seguimos este terceiro trimestre fomentando hábitos de vida activa e saudable e para iso....

propoñémosvos diferentes retos !!

Dende hoxe, ata final de curso, cada venres proporase un reto de movemento e actividade física seguindo a liña do noso Plan Proxecta de centro. 

Por cada reto conseguido farase entrega dun agasallo, como recompensa ao esforzo feito tanto polo alumnado como polas familias. Haberá máis sorpresas cantos máis retos consigan.

Animámosvos a participar e pasar un bo rato en familia e compartilo con todxs nos. 

*Premede na seguinte imaxe para acceder ao Genially*

 A semana pasada celebramos as primeiras "Olimpíada saudable" do cole Angorén.

Cada día superaron diferentes retos físicos e mentais, todos eles cooperativos para deixar o cole Angorén na mellor posición.

A continuación deixámosvos unha pequena mostra do ben que o fixeron durante toda a semana.

MARTES

MÉRCORES

 XOVES

   VENRES

BRAVO EQUIPO ANGORÉN!!!