Eventos
ELECCIÓNS CONSELLO ESCOLAR
Comezamos co proceso para a renovación parcial do Consello Escolar. A continuación mostrase información dos postos vacantes, así como das datas importantes durante o proceso.
POSTOS VACANTES:
3 representantes de claustro
2 representantes de familias
·
CALENDARIO DE EVENTOS RELACIONADOS
Día 29 de Outubro Sorteo Público Xunta Electoral ( 1 Profesorado - 1 Familias)
- Titular: Beatriz Vidal Ferreira
- Titular: Jorge Cobelas Sobrino
Día 3 de Novembro Constitución Xunta Electoral
Día 4 de novembro de 2021
· Publicación do Censo no taboleiro interior do centro. Poderase presentar reclamacións na Secretaría, dirixidas a Xunta Electoral, ata o día 12 de novembro ás 13:45 horas. Os modelos de reclamación poden solicitarse por correo electrónico, teléfono ou descargalos da web (DOCUMENTO ADXUNTO).
· Presentación candidaturas iníciase o 5 de novembro e remata ás 14 horas do día 12 de novembro. Os modelos de candidaturas poden solicitarse por correo electrónico, teléfono ou descargalos da web (DOCUMENTO ADXUNTO).
Día 15 de novembro de 2021
Reunión da Xunta Electoral (ás 13:45 horas) para:
- Resolver as reclamacións ó Censo
- Proclamación pública de candidaturas presentadas.
Sorteo dos compoñentes da Mesa Electoral de familias.
Día 8 de novembro de 2021
Reunión Claustro ás 13:45 horas:
·
o Lectura normas das eleccións.
·
o Fixar data Claustro extraordinario para as eleccións do sector de Profesores.
Día 17 de novembro de 2021
Reunión da Xunta Electoral ás 13:45 horas (se hai reclamacións á proclamación de candidaturas)
Día 23 de novembro de 2021
VOTACIÓNS:
·
Pais/nais: De 8:45 a 9:30.- De 13:00 a 14:00.- De 15:45 a 17:45
·
Mestres: Claustro extraordinario ás 18:00 horas
Día 24 de novembro de 2021
Reunión da Xunta Electoral ás 13:45 horas para:
·
Supervisar as actas das mesas electorais e resolver as reclamacións.
·
Proclamar candidatos electos.
·
Enviar actas á Xefatura Territorial e comunicación do prazo de reclamacións.
Día 30 de novembro de 2021
·
Constitución do novo Consello Escolar, ás 18:00h
Antes do 17 de decembro de 2021
·
Envío de actas Xefatura territorial
“Queimada de protección contra o mal de lingua”
Nalgúns lugares de Galicia, os/as pequenos/as saen cada ano, no día de Defuntos a pedir unha esmola polos que xa non están.
O pasado 29 de outubro, para festexar o Samaín, levamos esta fermosa tradición á nosa escola. Todo o alumnado e os/as mestres/as pasamos por todas as aulas pedindo dita esmola.
“Unha limosniña polos defuntiños que van alá”
Cada aula agasallou a cada grupo cun dos elementos necesarios para elaborar a nosa especial “Queimada de protección contra o mal de lingua”: zume de arándanos e froitos vermellos, lambetadas, chocolates,… e unha especial insignia.
Con todos estes elementos, cada grupo elaborou unha deliciosa queimada, ritual durante o cal recitaron os magníficos conxuros que prepararan nas aulas.
Que mellor fin de festa de Samaín que un desfile de terroríficos disfraces e baile ao son de escalofriantes melodías.
![](/centros/ceipalexandreboveda/system/files/u2/FC2QXyeX0AIdbak.jpg)
![](/centros/ceipalexandreboveda/system/files/u2/FCo-bH-XIAAtTj1.jpg)
Pasámolo de medo!
No noso Twitter podedes acceder a todas as fotos e videos: https://twitter.com/AngorenCole
Deixámosvos adxunto a listaxe de alumnado que recibirán máscaras por parte do centro por ser beneficiario da axuda de material escolar.
Unha vez dispoñibles manderémolas a través do alumnado xunto cun recibí que debe volver ao día seguinte firmado.
O alumnado que non foi beneficiario da axuda de material poderá solicitalas cubrindo o ANEXO I e II (adxunto nesta publicación) entregándoa do 15 ao 26 de novembro de forma presencial no centro pedindo cita previa a través do teléfono: 886120405.
Este alumnado deberá cumprir algunhas das seguintes condicións:
- Que pertenza a unha familia cunha renta per cápita igual ou inferior a 6000€.
- Alumnado matriculado en educación especial.
- Alumnado suxeito á tutela ou garda da Xunta de Galicia.
- Alumnado cun grao de discapacidade igual ou superior ao 65%.
Podedes consultar a información no seguinte enlace: Orde DOG Venres, 12 de novembro de 2021 (xunta.gal)
O 20 de Novembro celébrase o Día Universal da Infancia, é unha ocasión especial para que todos e todas coñezamos os dereitos dos nenos e nenas e recordar a importancia de traballar para acadar o benestar de todos eles/elas.
Este ano a celebración deste día tan especial para o noso alumnado vai ligado ao proxecto de "Galicia Máxica" baixo o lema “A Infacia é Maxia".
Preme no vídeo para coñecer os seres máxicos do noso cole e como quedou a entrada ao centro.
RECEITAS POLA IGUALDADE
Hoxe foi un día especial, tanto, que festexamos o Día Internacional contra a violecia de Xénero.
Como non podía ser menos, dende o centro propuxemos a realización de receitas marabillosas para tratar a igualdade.
Nas aulas creamos fórmulas especiais para combater este mal que tanto dano fai á humanidade.
Saíron mesturas realmente boas que, se se levasen á practica, poderían ser moi beneficiosas para todos e todas!
Tomade boa nota delas! ;)
![](/centros/ceipalexandreboveda/system/files/u2/Foto%2025-11-21%2016%2020%2044.jpg)
Aquí vos deixamos o menú do mes de decembro.
Bo proveito!
![Events at <em>CEIP Plurilingüe Alexandre Bóveda </em> Distribuir contido](/centros/ceipalexandreboveda/misc/feed.png)