O pasado venres 15 de novembro celebramos o Magosto.
Este ano coa novidade dos I XOGOS DO MAGOSTO, que xa vos adiantamos que foron todo un éxito.
Mentres as castañas se ían facendo no carriño do castañeiro, nas pistas do cole tiveron lugar os xogos para os nenos/as de ed. infantil. En 20 grupos (con nenos de 3, 4 e 5 mesturados) e cun capitán de equipo que era un alumno/a de 6º de ed. primaria participamos nos dez xogos (duplicados en dous itinerarios: verde e amarelo):
- carreira de castañas nas culleres
- pasa a castaña
- debuxo do Magosto
- roupa e calzado do revés
- colar de castañas
- sopa de letras
- cantiga do Magosto
- puntería de castañas
- puzzle do outono
- xogo dos aros
Cando transcorría o tempo fixado iamos pasando dun xogo a outro ata ter cuberto o carnet de participación en todos.
Ao remate, e logo de que se repartisen os cucuruchos que fixemos nas clases, e que baixasen os compañeiros de ed. primaria, comemos as castañas (mercadas pola ANPA). Estaban riquísimas!
Unha vez que terminamos de celebrar o Magosto comezaron os Xogos para os nenos/as de ed. primaria. Cunha dinámica similar (20 equipos en dous itinerarios de 10 xogos).
Foi unha xornada estupenda!
Grazas a todos/as os organizadores, colaboradores e participantes.
Facede clic na foto para ir á galería do evento.