CEIP PLURILINGÜE PROFESOR ALBINO NÚÑEZ

DÍA DA DISCAPACIDADE 

O pasado venres 3 de decembro toda a comunidade educativa unímonos á iniciativa Baixo o mesmo  parauguas abrindo os nosos á inclusión e a un mundo sen barreiras.

#BaixoOMesmoParaugas

#ParaugasPolaDiscapacidade

“DI CAPACIDADE”

Mirade que paraugas tan diversos e especiais decoraron nas nosas aulas:

PREME NA IMAXE PARA VER O VÍDEO

O pasado xoves 25 de novembro conmemoramos no colexio o DÍA INTERNACIONAL CONTRA A VIOLENCIA DE XÉNERO.

Xuntámonos todos no patio e cantamos coa profe de música, Carla a canción SAÍR CORRENDO, versión en galego da canción Salir corriendo de Amaral.

Deixámosvos aquí a montaxe con fotos do día.

PREME NA IMAXE PARA VER O VÍDEO

O alumnado de Educación Infantil, 1º e 2º de Primaria tivo a visita do Mago Chirleta para celebrar o DÍA DAS BIBLIOTECAS.

Gozaron dun espectáculo de máxia e contos onde os protagonistas foron os propios nenos e nenas. 

Que ben o pasaron!

PREME AQUÍ PARA VER MÁIS FOTOS DO DÍA

Deixámosvos aquí o recorte do periódico LA REGIÓN que se fai eco da nosa celebración do Samáin.

Preme na imaxe para vela máis grande

PREME NA IMAXE PARA VER O VÍDEO

Unha vez máis, o colexio colaborou coa Universidade de Vigo ofrecendo a posibilidade de que alumnado do Grao de Educación Infantil fixese prácticas neste centro.

Ariadna San Juan, Aida Souto e Laura Santana, alumnas de 2º curso, levaron a cabo unha sesión de psicomotricidade cos nenos e nenas de 5º de Infantil. Esta actividade englóbase como experiencia na materia de “Educación para a saúde” que están a cursar este ano.

Os nenos e nenas realizaron divertidos circuítos motrices e xogaron a imitar diferentes animais.

O domingo 24 de outubro foi o DÍA DAS BIBLIOTECAS. Para conmemoralo, o venres 22, recibimos a visita de Celso Fernández Sanmartin, un coñecido poeta e artista de Lalín.

Celso é un contador de contos e historias de vida tradicional que adapta para dirixilas a distintos públicos.

O alumnado de 3º, 4º, 5º e 6º de Educación Primaria tivo a sorte de gozar da orixinalidade das súas historias, algunhas delas transmitidas pola súa avoa.

PREME AQUÍ PARA VER AS FOTOS NA NOSA GALERÍA

O xoves día 10 de outubro os alumnos e alumnas de cuarto de primaria levaron a cabo a construción dun volcán.

Esta iniciativa ten como obxectivo conectar ao alumnado coa triste actualidade e satisfacer a súa curiosidade con todo o relacionado co volcán da Palma.

Este proxecto levouse a cabo no patio para aproveitar o bo tempo que nos vai acompañando.

Podedes ver que ben o pasaron premendo AQUÍ

Este curso contamos no noso centro coa colaboración de Claire Colvin, a nosa Auxiliar de conversa de nacionalidade estadounidense.

En concreto Claire procede da cidade de St. Louis, situada no estado de Missouri.

Estudou Psicoloxía na Universidade de Loyola en Chicago e encántalle pintar e facer sendeirismo.

Contaremos coa súa axuda tanto na área de plástica como na área de inglés, na etapa de Educación Primaria, co obxectivo de mellorar a competencia comunicativa do noso alumnado na lingua estranxeira.

Ademais Claire achegaranos a cultura do seu país.

No mapa podedes ver de onde vén Claire.