CEIP PLURILINGÜE PROFESOR ALBINO NÚÑEZ

Recordamos ás familias de todo o alumnado de nova admisión  que do 20 ao 30 de xuño estará aberto o prazo para a formalización da matrícula. 

 Resumo da documentación a presentar

Nos seguintes enlaces podedes descargar os impresos que hai que cubrir, que están tamén á vosa disposición na secretaría do centro. 

 ANEXO III- 1 Documento de formalización de matrícula educación infantil e primaria

 Elección de relixión católica ou atención educativa (infantil)

 Autorización actividades extraescolares

 Ficha médica para comedor

 Autorización uso imaxe 

 Teléfonos familiares  (indicar a orde de chamada)

RECORDAMOS QUE O PRÓXIMO

VENRES 21 DE XUÑO REMATA O PRAZO

PARA A ENTREGA DE SOLICITUDES 

PARA O FONDO SOLIDARIO DE LIBROS DE TEXTO E AXUDAS PARA ADQUIRIR LIBROS DE TEXTO E MATERIAL ESCOLAR 2024-2025

Velaquí vos presentamos o dicionario dixital plurilingüe elaborado coas investigacións feitas polo alumnado para traducir aos idiomas dos países que traballaron durante o curso grazas ao proxecto de centro “Unha viaxe polo mundo” as palabras en galego propostas polo Equipo de Dinamización da Lingua Galega en conmemoracións sinaladas como Samaín, Magosto, Nadal e Entroido.

Agardamos que vós guste tanto coma a nós! 

 Dicionario Cofre Das Palabras Viaxeiras

Leer más publicaciones en Calaméo

Actualizado 23/05/2023

Do 21 de maio ao 21 de xuño de 2024 está aberto o prazo para solicitar a participación no fondo solidario de libros de texto e para solicitar axudas para adquirir libros de texto e material escolar para o vindeiro curso 2024/2025. Nos seguintes enlaces tedes toda a información:

  ORDE COMPLETA DA CONVOCATORIA

   Extracto reducido da orde

  ACCESO Á APLICACIÓN FONDOLIBROS

  ACCESO Á SEDE ELECTRÓNICA ONDE SE RECOLLE A   DOCUMENTACIÓN A ENTREGAR

  ANEXO I  (solicitude) e  ANEXO II (comprobación membros computables da unidade familiar)

  ANEXO II adicional, para cubrir en caso de familias numerosas

Co gallo da conmemoración, no mes de abril, do Día Mundial da Saúde (día 7) e o Día da Actividade Física (día 6), os equipos de biblioteca e dinamización da lingua galega propuxeron ao alumnado de primaria investigar sobre “xogos tradicionais” preguntando nas súas casas ao avó, avoa, tía, tío, nai, pai, veciños-as... a que xogaban de cativos e cativas para cubrir unha ficha na que se recolle o nome do xogo, material, participantes, instrucións e unha foto ou debuxo do xogo. O resultado podédelo visualizar nesta mesma publicación convertido nunha revista dixital. Na biblioteca do centro quedou o exemplar impreso. Moitas grazas a todos e todas pola vosa participación.

 Revista Dixital Xogos Populares

Leer más publicaciones en Calaméo

 

Nesta ocasión o Equipo de Biblioteca, en colaboración co Equipo de Dinamización da Lingua Galega, propuxo ao alumnado que nos contara cal é o seu libro favorito. Aos máis cativos-as entregóuselles unha ficha na que tiñan que debuxar o libro elixido mentres que aos/ás máis maiores se lles pediu que fixeran un pequeno resumo do libro que máis lles gusta. Nesta publicación podedes ver o resultado do gran traballo que fixeron convertido nunha revista dixital coas súa recomendacións lectoras. Na biblioteca queda a versión impresa.

 Revista Dixital Dia Do Libro

 

Leer más publicaciones en Calaméo

MOITAS GRAZAS A TODOS E TODAS POLO VOSO TRABALLO!!!

Ademais desta actividade tamén levamos a cabo o apadriñamento lector que tanto lle gusta ao alumnado. Que ben o pasan lendo uns aos outros diversos contos seleccionados da biblioteca. 

Queda inaugurado oficialmente o areeiro, arranxado recentemente polo Concello de Ourense, para que os cativos e cativas poidan ter un bo espazo de lecer.

E que mellor, que inaugurar este espazo cos máis pequenos e pequenas do colexio, que o pasaron en grande creando as súas construcións.