Casi sin decatarnos xa consumimos o primeiro mes do curso, adaptándonos todos ao mesmo, e comezamos o segundo mes, o mes de outubro, cun menú deseñado desde o noso comedor para ter toda a enerxía necesaria e así afrontalo con garantías de éxito.

DISFRUTÁDEO!!

Rematou o curso, nove meses cheos de desafíos, de novas experiencias, de moita convivencia, de momentos divertidos e doutros que non o foron tanto, de novos compañeiros e tamén de despedidas...será difícil de esquecer, sobretodo, por todo o aprendido.

Gracias a todos os nosos alumnos e alumnas por ensinarnos tanto outro curso máis!
Agora toca descansar e repoñer folgos!
#tocadescansar #curso23-24 #ceepanxon #nigran #verán #verano #vacaciones
#vacacións

O 4 de xuño, unha representación do alumnado do CEE de Panxón tivo unha xornada de compartir proxectos, xogos e convivencia con outros coles no 4º congreso EDUCODS de Tui.

A nosa proposta foi sobre a compostaxe. Xogamos á ruleta, pedimos a colaboración para decorar uns paneis para o noso recuncho do compost e fixemos unha enquisa que recollese datos para ver como están os hábitos sobre este tema.

Neste senso e atendendo aos resultados obtidos, concluimos:

• Estase a instalar o hábito da compostaxe na cidadanía.
• Isto pode ser debido ao pulo dado dende a comunidade educativa, onde a  porcentaxe facendo compost nos centros é moi maioritaria (85%).

Tamén tivemos ocasión de premiar á participación nas nosas propostas con paus de queixo, elaborados por nós en Panxonchef, con fariña do centeo que usan para teitar as pallozas nos Ancares!

Viva o rural!

Como sabedes, o noso comedor participa nesta IV Edición da campaña COME LOCAL, promovida pola AGACAL, coa finalidade de promover e promocionar o consumo dos productos galegos.

Hoxe tivemos a visita de Ana, que nos explicou todo sobre as certificacións, as IXP, as DXP, e os diferentes productos que forman parte das mesmas.

COME BEN E COME LOCAL!!

Álbum: CURSO 2023/24 -> CHARLA COME LOCAL