Casi sin darnos de conta, e pouquiño a pouco, chegamos ao derradeiro mes deste curso, o desexado mes de Xuño, ás portas dunhas merecidas vacacións, logo dun curso de duro traballo.
Para encarar da mellor maneira posible esta recta final, desde o Comedor do CEE elaboramos este menú que esperamos vos guste. Podedes consultalo e descargalo coma sempre
Por fin chegou o dia esperado, o dia do lanzamento...Logo de días de construción da cápsula e preparación dos espazos que conteñen os compoñentes para os diferentes experimentos, citámonos o día 22 de maio na Cidade da Cultura en Santiago de Compostela os 6 centros de NOSA participantes nesta nova edición do lanzamento da MARUMASAT VI, coa misión AsubIA
Logo de introducir os compoñentes da misión, pechar a cápsula, facer a montaxe, inchar o globo coa cantidade necesaria, ter o permiso do aeroporto...
... Romperon os cordóns de unión e o globo subiu pero sin a cápsula!!
Afortunadamente, habia globo e paracaidas de reposto, polo que, logo da inicial decepción, volveuse a facer a montaxe, para que, esta vez, si, a MARUMASAT VI puidese ascender no ceo...
E asi foi, conforme foi ascendendo, foise dirixindo cara ao oeste, ata que ao chegar aos 31.900 metros de altura, o globo estoupou e a cápsula comezou a baixar, aterrizando nun punto do concello leonés de Vega de Valcarce.
Os nosos radiofeccionados foron quen de, coa súa experiencia, chegar a atopar o sitio e así poder recoller a cápsula...Podedes velos na reportaxe fotográfica do álbum máis abaixo e tamén a emisión do lanzamento
Agora toca recopilar todos os datos recollidos, analizalos,...pero iso será outra historia...
Hoxe foi unha tarde diferente en Panxón, un pequeno grupo do noso alumnado compartiu actividades cos usuarios de @afaga.alzheimer . Nico, Rosa e Nicole acompañados do noso profesor de cociña @alvaroreychef elaboraron uns petiscos deliciosos que compartiron despois tod@s xunt@s. Pero non foi todo merenda!
O noso alumnado fixo de guía nunha visita pola horta-granxa. Despois de acariñar aos nosos animais prantaron algúns sementeiros...faremos xunt@s a colleita?
É un pracer para nós compartir con @afaga.alzheimer momento de actividades, conversas, merendas e convivencia!
O 15 de maio foi un día intenso no CEE de Panxón: pola mañán participamos no II Campionato de Baristas de Galicia celebrado en Boiro e pola tarde estuvemos na @cidadedacultura para participar no globo cautivo da @marumasat VI, evento que supón chequear os compoñentes que van ir na cápsula e que desenvolveron nos distintos centros educativos participantes.
Levamos a cápsula na que levamos semanas traballando, pois é a nosa aaportación a este interesante proxecto, a de construir o soporte físico que se vai enviar á estratosfera terrestre, a uns 30000 metros de altitude!!!
Estabamos moi nerviosos porque do noso traballo dependían os experimentos que prepararon os compañeiros dos coles @cienciaocruce @imaxiinaccion @iesmarcodocamballon @clubdeciencias.iesramoncaamano e @mirafloresoleiros
Todo foi correcto, fixéronse os axustes necesarios e agora si, empeza a conta atrás para o lanzamento do vindeiro mércores 22 de maio
CONTADE CONNOSCO!!
10, 9, 8...
Álbum: CURSO 2023/24 -> GLOBO CAUTIVO MARUMASAT VI
O 15 de maio foi un dos días máis especiais da historia do CEE de Panxón, os nosos alumnos Terry, Juan e Marcos participaron na II Edición do Campionato de Baristas de Centros de Educación Especial de Galicia.
Durante o concurso Juan foi o encargado da parte técnica da cafetera, Marcos elaborou a bebida de especialidade e Terry coa sua creatividade e destreza pintou unhas acuarelas cos posos do café.
Foi un pracer velos traballar e demostrar a súa valía acadando o terceiro premio e levando o recoñecemento de todos os asistentes.
Queremos agradecer especialmente a Mónica, a nosa mestra barista pola súa dedicación e paciencia á hora de prepararnos para este concurso,gracias Mónica!
Foi un pracer participar xunto con outros centros de Galicia neste campionato nun lugar tan espectacular como o Pazo de Goiáns en Boiro.
Agradecemos aos patrocinadores por poder organizar este campionato que nos aportou unha experiencia moi enriquecedora difícil de esquecer.
Podedes ver todo o evento clicando na imaxe do comezo e tamén vos deixamos aquí abaixo coa reseña feita na TVG e tamén cunha pequena reportaxe fotográfica desta fantástica xornada
