O 4 de xuño, unha representación do alumnado do CEE de Panxón tivo unha xornada de compartir proxectos, xogos e convivencia con outros coles no 4º congreso EDUCODS de Tui.
A nosa proposta foi sobre a compostaxe. Xogamos á ruleta, pedimos a colaboración para decorar uns paneis para o noso recuncho do compost e fixemos unha enquisa que recollese datos para ver como están os hábitos sobre este tema.
Neste senso e atendendo aos resultados obtidos, concluimos:
Estase a instalar o hábito da compostaxe na cidadanía.
Isto pode ser debido ao pulo dado dende a comunidade educativa, onde a porcentaxe facendo compost nos centros é moi maioritaria (85%).
Tamén tivemos ocasión de premiar á participación nas nosas propostas con paus de queixo, elaborados por nós en Panxonchef, con fariña do centeo que usan para teitar as pallozas nos Ancares!
Como sabedes, o noso comedor participa nesta IV Edición da campaña COME LOCAL, promovida pola AGACAL, coa finalidade de promover e promocionar o consumo dos productos galegos.
Hoxe tivemos a visita de Ana, que nos explicou todo sobre as certificacións, as IXP, as DXP, e os diferentes productos que forman parte das mesmas.
Casi sin darnos de conta, e pouquiño a pouco, chegamos ao derradeiro mes deste curso, o desexado mes de Xuño, ás portas dunhas merecidas vacacións, logo dun curso de duro traballo.
Para encarar da mellor maneira posible esta recta final, desde o Comedor do CEE elaboramos este menú que esperamos vos guste. Podedes consultalo e descargalo coma sempre
Por fin chegou o dia esperado, o dia do lanzamento...Logo de días de construción da cápsula e preparación dos espazos que conteñen os compoñentes para os diferentes experimentos, citámonos o día 22 de maio na Cidade da Cultura en Santiago de Compostela os 6 centros de NOSA participantes nesta nova edición do lanzamento da MARUMASAT VI, coa misión AsubIA
Logo de introducir os compoñentes da misión, pechar a cápsula, facer a montaxe, inchar o globo coa cantidade necesaria, ter o permiso do aeroporto...
... Romperon os cordóns de unión e o globo subiu pero sin a cápsula!!
Afortunadamente, habia globo e paracaidas de reposto, polo que, logo da inicial decepción, volveuse a facer a montaxe, para que, esta vez, si, a MARUMASAT VI puidese ascender no ceo...
E asi foi, conforme foi ascendendo, foise dirixindo cara ao oeste, ata que ao chegar aos 31.900 metros de altura, o globo estoupou e a cápsula comezou a baixar, aterrizando nun punto do concello leonés de Vega de Valcarce.
Os nosos radiofeccionados foron quen de, coa súa experiencia, chegar a atopar o sitio e así poder recoller a cápsula...Podedes velos na reportaxe fotográfica do álbum máis abaixo e tamén a emisión do lanzamento
Agora toca recopilar todos os datos recollidos, analizalos,...pero iso será outra historia...
Hoxe foi unha tarde diferente en Panxón, un pequeno grupo do noso alumnado compartiu actividades cos usuarios de @afaga.alzheimer . Nico, Rosa e Nicole acompañados do noso profesor de cociña @alvaroreychef elaboraron uns petiscos deliciosos que compartiron despois tod@s xunt@s. Pero non foi todo merenda!
O noso alumnado fixo de guía nunha visita pola horta-granxa. Despois de acariñar aos nosos animais prantaron algúns sementeiros...faremos xunt@s a colleita?
É un pracer para nós compartir con @afaga.alzheimer momento de actividades, conversas, merendas e convivencia!
