Vista preliminar da

Vista preliminar da programación na que poderá consultar todos os apartados da programación.

1. Introdución (Elaborado)

Descrición

O obxectivo desta programación de 1º de Bacharelato confórmase arredor dos seguintes principios básicos:

- Ensinar a lingua estranxeira coa fin de que o alumnado logre comunicarse e desenvolverse con éxito no plano oral e escrito de xeito natural.

- Profundar no desenvolvemento das estratexias de aprendizaxe para que poida enfrontarse con éxito a situacións reais de comunicación.

- Conseguir que entenda o funcionamento do sistema lingüístico e reflexione sobre el, comparándoo coa súa lingua materna para alcanzar un bo nivel de comunicación.

- Profundar no sistema fonético, nas funcións gramaticais e no vocabulario de xeito que poida recoñecelos e empregalos en situacións reais de comunicación.

- Fomentar a expresión das ideas e puntos de vista persoais do alumnado para crear unha comunicación real.

- Desenvolver e dominar de xeito integrado a catro destrezas básicas: listening, speaking, reading e writing.

- Ofrecerlle todas as facilidades posíbles para que amplíe os seus coñecementos sobre os aspectos socioculturais da lingua inglesa e asimile a cultura da que forma parte, evitando así que exprese os seus logros só en termos morfosintácticos e funcionais.

- Espertar no alumnado a responsabilidade de acadar a autonomía na súa aprendizaxe, recoñecendo os métodos de estudo e o tipo de organización que máis o axuden.

- Motivar o alumnado con temas de interese e ofrecerlle unhas metas claros ao longo do curso.

- Fomentar a autoavaliación como ferramenta imprescindible para acadar un progreso eficaz na aprendizaxe.

No novo curso (duodécimo de funcionamento do IES do Milladoiro), o centro ten unha matrícula de máis de 526 estudantes.

O Departamento de Lingua Estranxeira Inglés está formado por catro profesoras.

2. Obxectivos e súa contribución ao desenvolvemento das competencias (Elaborado)

Currículo	CCL	CP	STEM	CD	CPSAA	CC	CE	CCEC
OBX1 Comprender e interpretar as ideas principais e as liñas argumentais básicas de textos expresados na lingua estándar buscando fontes fiables e facendo uso de estratexias de inferencia e comprobación de significados para responder ás necesidades comunicativas expostas.	1 2 3 4 5	1 2 3	1 2 3 4 5	1 2 3 4 5	11 12 20 31 32 40 50	1 2 3 4	1 2 3	1 2 31 32 41 42
CA1.1 - Extraer e analizar as ideas principais, a información relevante e as implicacións xerais de textos de certa lonxitude, ben organizados e de certa complexidade, orais, escritos e multimodais, sobre temas de relevancia persoal ou de interese público, tanto concretos coma abstractos, expresados de forma clara e na lingua estándar, mesmo en contornas moderadamente ruidosas a través de diversos soportes. CA1.2 - Interpretar e valorar de maneira crítica o contido, a intención e os trazos discursivos de textos de certa lonxitude e complexidade, con especial énfase nos textos académicos e dos medios de comunicación, así como de textos de ficción, sobre temas xerais ou máis específicos de relevancia persoal ou de interese público. CA1.3 - Seleccionar, organizar e aplicar as estratexias e os coñecementos adecuados para comprender a información global e específica e distinguir a intención e as opinións implícitas e explícitas dos textos sempre que estean claramente sinalizadas, inferir significados, interpretar elementos non verbais e buscar, seleccionar e contrastar información.
OBX2 Producir textos orixinais, de crecente extensión, claros, ben organizados e detallados, usando estratexias tales como a planificación, a síntese, a compensación ou a autorreparación, para expresar ideas e argumentos de forma creativa, adecuada e coherente, de acordo con propósitos comunicativos concretos.	1 2 3 4 5	1 2 3	1 2 3 4 5	1 2 3 4 5	11 12 20 31 32 40 50	1 2 3 4	1 2 3	1 2 31 32 41 42
CA1.4 - Expresar oralmente con suficiente fluidez e corrección textos claros, coherentes, ben organizados, adecuados á situación comunicativa e en diferentes rexistros sobre asuntos de relevancia persoal ou de interese público coñecidos polo alumnado, co fin de describir, narrar, argumentar e informar, en diferentes soportes, utilizando recursos verbais e non verbais, así como estratexias de planificación, control, compensación e cooperación. CA1.5 - Redactar e difundir textos detallados de certa extensión e complexidade, cunha estrutura clara e adecuados á situación comunicativa, á tipoloxía textual e ás ferramentas analóxicas e dixitais utilizadas, evitando erros que dificulten ou impidan a comprensión, reformulando e organizando de maneira coherente información e ideas de diversas fontes e xustificando as propias opinións sobre asuntos de relevancia persoal ou de interese público coñecidos polo alumnado, facendo un uso ético da linguaxe, respectando a propiedade intelectual e evitando o plaxio CA1.6 - Seleccionar, organizar e aplicar coñecementos e estratexias de planificación, produción, revisión e cooperación para compoñer textos de estrutura clara e adecuados ás intencións comunicativas, ás características contextuais, aos aspectos socioculturais e á tipoloxía textual, usando os recursos físicos ou dixitais máis adecuados en función da tarefa e das interlocutoras e os interlocutores reais ou potenciais.
OBX3 Interactuar activamente con outras persoas, con suficiente fluidez e precisión e con espontaneidade, usando estratexias de cooperación e empregando recursos analóxicos e dixitais para responder a propósitos comunicativos en intercambios respectuosos coas normas de cortesía.	1 2 3 4 5	1 2 3	1 2 3 4 5	1 2 3 4 5	11 12 20 31 32 40 50	1 2 3 4	1 2 3	1 2 31 32 41 42
CA1.7 - Planificar, participar e colaborar asertiva e activamente, a través de diversos soportes, en situacións interactivas sobre temas de relevancia persoal ou de interese público coñecidos polo alumnado, mostrando iniciativa, empatía e respecto pola cortesía lingüística e a etiqueta dixital, así como polas diferentes necesidades, ideas, inquietudes, iniciativas e motivacións das interlocutoras e os interlocutores, e ofrecendo explicacións, argumentos e comentarios CA1.8 - Seleccionar, organizar e utilizar, de forma flexible e en diferentes contornas, estratexias adecuadas para iniciar, manter e terminar a comunicación, tomar e ceder a palabra, solicitar e formular aclaracións e explicacións, reformular, comparar e contrastar, resumir, colaborar, debater, resolver problemas e xestionar situacións comprometidas.
OBX4 Mediar entre distintas linguas ou variedades, ou entre as modalidades e rexistros dunha mesma lingua, usando estratexias e coñecementos eficaces orientados a explicar conceptos e opinións ou a simplificar mensaxes para transmitir información de maneira eficaz, clara e responsable e crear unha atmosfera positiva que facilite a comunicación.	1 2 3 4 5	1 2 3	1 2 3 4 5	1 2 3 4 5	11 12 20 31 32 40 50	1 2 3 4	1 2 3	1 2 31 32 41 42
CA1.9 - Interpretar e explicar textos, conceptos e comunicacións en situacións nas que atender á diversidade mostrando respecto e aprecio polas interlocutoras e os interlocutores e polas linguas, variedades ou rexistros empregados e participando na solución de problemas frecuentes de intercomprensión e de entendemento a partir de diversos recursos e soportes. CA1.10 - Aplicar estratexias que axuden a crear pontes, que faciliten a comunicación, que sirvan para explicar e simplificar textos, conceptos e mensaxes e que sexan adecuadas ás intencións comunicativas, ás características contextuais, aos aspectos socioculturais e á tipoloxía textual, usando recursos e apoios físicos ou dixitais en función da tarefa e do coñecemento previo das interlocutoras e dos interlocutores.
OBX5 Ampliar e usar os repertorios lingüísticos persoais entre distintas linguas e variedades, reflexionando de forma crítica sobre o seu funcionamento, facendo explícitos e compartindo as estratexias e os coñecementos propios para mellorar a resposta ás súas necesidades comunicativas.	1 2 3 4 5	1 2 3	1 2 3 4 5	1 2 3 4 5	11 12 20 31 32 40 50	1 2 3 4	1 2 3	1 2 31 32 41 42
CA2.1 - Comparar e argumentar as semellanzas e as diferenzas entre distintas linguas reflexionando sobre o seu funcionamento e establecendo relacións entre elas. CA2.2 - Utilizar con iniciativa e de forma creativa estratexias e coñecementos de mellora da súa capacidade de comunicar e de aprender a lingua estranxeira con apoio doutros participantes e de soportes analóxicos e dixitais. CA2.3 - Rexistrar e reflexionar sobre os progresos e as dificultades de aprendizaxe da lingua estranxeira seleccionando as estratexias máis adecuadas e eficaces para superar esas dificultades e consolidar a aprendizaxe e realizando actividades de planificación da propia aprendizaxe, autoavaliación e coavaliación, como as propostas no Portfolio europeo das linguas (PEL) ou nun diario de aprendizaxe facendo eses progresos e dificultades explícitos e compartíndoos.
OBX6 Valorar criticamente e adecuarse á diversidade lingüística, cultural e artística a partir da lingua estranxeira, reflexionando e compartindo as semellanzas e as diferenzas entre linguas e culturas para actuar de forma empática, respectuosa e eficaz e fomentar a comprensión mutua en situacións interculturais	1 2 3 4 5	1 2 3	1 2 3 4 5	1 2 3 4 5	11 12 20 31 32 40 50	1 2 3 4	1 2 3	1 2 31 32 41 42
CA3.1 - Actuar de forma adecuada, empática e respectuosa en situacións interculturais construíndo vínculos entre as diferentes linguas e culturas, analizando e rexeitando calquera tipo de discriminación, prexuízo e estereotipo e solucionando aqueles factores socioculturais que dificulten a comunicación CA3.2 - Valorar criticamente, tendo en conta os dereitos humanos, a diversidade lingüística, cultural e artística propia de países onde se fala a lingua estranxeira, e adecuarse a ela, favorecendo o desenvolvemento dunha cultura compartida e unha cidadanía comprometida coa sustentabilidade e cos valores democráticos. CA3.3 - Aplicar estratexias para defender e apreciar a diversidade lingüística, cultural e artística atendendo a valores ecosociais e democráticos e respectando os principios de xustiza, equidade e igualdade.

Descrición Non se rexistrou texto

3.1. Relación de unidades didácticas (Elaborado)

Secuencia	* Título da UD	Descrición	*% Peso na materia	*Nº de sesións
1	Great Expectations	Aprender vocabulario relacionado coa educación, collocations con make e take, e verbos seguidos de preposición. ¿ Ler de maneira comprensiva e autónoma un artigo sobre un dos colexios máis estritos de Gran Bretaña. Repasar o Present Simple, o Present Continuous, o Past Simple, o Past Continuous, o Present Perfect Simple, o Past Perfect Simple, o Future Simple e be going to. Utilizar de maneira correcta o Present Perfect Continuous e o Present Perfect Simple. Comprender a información clave dunha presentación sobre estilos de aprendizaxe e unha entrevista sobre aplicacións de móbil para axudar a estudar. ¿ Falar sobre os resultados dun cuestionario e comparar fotografías. Redactar un correo electrónico informal, utilizando os adverbios correctamente. ¿ Pronunciar correctamente as letras ¿gh¿ en palabras como although ou enough. Identificar a sílaba acentuada para pronunciar as palabras correctamente. Afianzar estratexias para a realización de exames.	10	14
2	Into the Future	Aprender vocabulario relacionado coa tecnoloxía, os phrasal verbs e as collocations. ¿ Ler de maneira comprensiva e autónoma unha entrada de blog sobre os deportes electrónicos. Utilizar de maneira correcta o Future Perfect Simple e o Future Continuous. ¿ Comprender a información clave dun pódcast sobre un lugar pouco corrente e unha visita guiada a un museo. De maneira oral, especular e realizar unha entrevista persoal. ¿ Redactar un artigo de opinión, empregando as conxuncións causais e consecutivas correctamente. Pronunciar correctamente os sons /¿/ e /a¿/, e as palabras enlazadas. Afianzar estratexias para a realización de exames.	10	13
3	Making Choices	Aprender vocabulario relacionado co consumismo, as palabras compostas e os sintagmas preposicionais. ¿ Ler de maneira comprensiva e autónoma un artigo sobre o efecto Diderot. Utilizar de maneira correcta as oracións de relativo especificativas e explicativas. ¿ Comprender a información clave dunha conversa sobre unha aplicación de móbil para a compra e venda de roupa de segunda man, e unha entrevista sobre maneiras de recadar cartos para obras benéficas. Falar sobre gastos mensuais e tomar decisións. ¿ Redactar un texto argumentativo, empregando as conxuncións copulativas, e as conxuncións e locucións adversativas correctamente. Pronunciar correctamente os ditongos contidos en palabras como sound e owner, e os sons consonánticos semellantes aos contidos en sharing, huge e purchase. Afianzar estratexias para a realización de exames.	10	13
4	Time Out	Aprender vocabulario relacionado co mundo do espectáculo, os prefixos e os substantivos seguidos de preposición. ¿ Ler de maneira comprensiva e autónoma os comentarios dun foro sobre a música do século XX. Utilizar de maneira correcta os modais e os modais perfectos. ¿ Comprender a información clave de varios monólogos en que uns mozos/as falan sobre os festivais aos que asistiron e unha charla sobre a historia dos parques de atraccións. ¿ Debater sobre distintas opcións e especular sobre unha fotografía. Redactar unha crítica cinematográfica, empregando pronomes persoais e demostrativos, e adxectivos posesivos. ¿ Pronunciar correctamente os sons /i:/ e /¿ / e os sons /s/, /z/ e /¿z/. Afianzar estratexias para a realización de exames.	10	13
5	Take a Stand!	Aprender vocabulario relacionado con temas sociais, expresións con far e phrasal verbs formados por tres palabras. ¿ Ler de maneira comprensiva e autónoma un artigo sobre un programa para a mocidade en Islandia. Utilizar de maneira correcta os condicionais e as oracións temporais. ¿ Comprender a información clave dun debate sobre temas de actualidade e unha presentación sobre o traballo de voluntario/a. De maneira oral, expresar opinións e debater sobre diferentes asuntos. ¿ Redactar un correo electrónico de queixa, empregando as conxuncións finais. Pronunciar correctamente os sons vocálicos semellantes aos contidos en palabras como kind, programme e decade e os sons consonánticos semellantes aos contidos en palabras como human, person e playing. Afianzar estratexias para a realización de exames.	10	13
6	Extreme Nature	Aprender vocabulario relacionado co natureza, os prefixos negativos e os phrasal verbs. ¿ Ler de maneira comprensiva e autónoma un folleto dun museo. Utilizar de maneira correcta a pasiva e os verbos causativos. ¿ Comprender a información clave de entrevista radiofónica a un blogueiro de viaxes e varios monólogos e diálogos en que unhas persoas falan sobre distintos temas relacionados coa natureza. De maneira oral, describir un lugar e tomar decisións. ¿ Describir un lugar empregando adxectivos correctamente. ¿ Pronunciar correctamente os ditongos contidos en palabras como disappear e share, e os sons /j/ e /w/. Afianzar estratexias para a realización de exames.	10	13
7	Risk-Takers	Aprender vocabulario relacionado con situacións perigosas, expresións con beyond e sufixos para a formación de adxectivos. ¿ Ler de maneira comprensiva e autónoma un artigo científico sobre as persoas que senten atracción polo risco. Utilizar de maneira correcta o estilo indirecto. ¿ Comprender a información clave dunha conferencia sobre o superheroe Daredevil de Marvel Comics e unha conversa sobre un programa educativo único en Estados Unidos. ¿ De maneira oral, alegar razóns e comparar imaxes. ¿ Redactar un texto narrativo, empregando as expresións temporais e os conectores de secuencia correctamente. Pronunciar correctamente os sons vocálicos semellantes aos contidos en palabras como cautious e respond, e practicar a fonética. Afianzar estratexias para a realización de exames.	20	13
8	Mind Games	Aprender vocabulario relacionado con trucos e ilusións ópticas, binomios e frases idiomáticas. ¿ Ler de maneira comprensiva e autónoma un artigo de Internet en que varios mozos/as contan situacións en que foron enganados. Utilizar de maneira correcta o xerundio e o infinitivo. ¿ Comprender a información clave dun pódcast sobre o cerebro humano, e varios monólogos e diálogos sobre trucos e brincadeiras. De maneira oral, falar sobre lembranzas e amosar acordo ou desacordo. ¿ Redactar unha crónica dun evento ao que asistiran. ¿ Pronunciar correctamente os sons vocálicos semellantes aos contidos en palabras como fool e look, e practicar a entoación das oracións. Afianzar estratexias para a realización de exames.	20	13

3.2. Distribución currículo nas unidades didácticas (Elaborado)

Bloque B1. Comunicación Criterios de avaliación	UD 1	UD 2	UD 3	UD 4	UD 5	UD 6	UD 7	UD 8
CA1.1 - Extraer e analizar as ideas principais, a información relevante e as implicacións xerais de textos de certa lonxitude, ben organizados e de certa complexidade, orais, escritos e multimodais, sobre temas de relevancia persoal ou de interese público, tanto concretos coma abstractos, expresados de forma clara e na lingua estándar, mesmo en contornas moderadamente ruidosas a través de diversos soportes.
CA1.2 - Interpretar e valorar de maneira crítica o contido, a intención e os trazos discursivos de textos de certa lonxitude e complexidade, con especial énfase nos textos académicos e dos medios de comunicación, así como de textos de ficción, sobre temas xerais ou máis específicos de relevancia persoal ou de interese público.
CA1.3 - Seleccionar, organizar e aplicar as estratexias e os coñecementos adecuados para comprender a información global e específica e distinguir a intención e as opinións implícitas e explícitas dos textos sempre que estean claramente sinalizadas, inferir significados, interpretar elementos non verbais e buscar, seleccionar e contrastar información.
CA1.4 - Expresar oralmente con suficiente fluidez e corrección textos claros, coherentes, ben organizados, adecuados á situación comunicativa e en diferentes rexistros sobre asuntos de relevancia persoal ou de interese público coñecidos polo alumnado, co fin de describir, narrar, argumentar e informar, en diferentes soportes, utilizando recursos verbais e non verbais, así como estratexias de planificación, control, compensación e cooperación.
CA1.5 - Redactar e difundir textos detallados de certa extensión e complexidade, cunha estrutura clara e adecuados á situación comunicativa, á tipoloxía textual e ás ferramentas analóxicas e dixitais utilizadas, evitando erros que dificulten ou impidan a comprensión, reformulando e organizando de maneira coherente información e ideas de diversas fontes e xustificando as propias opinións sobre asuntos de relevancia persoal ou de interese público coñecidos polo alumnado, facendo un uso ético da linguaxe, respectando a propiedade intelectual e evitando o plaxio
CA1.6 - Seleccionar, organizar e aplicar coñecementos e estratexias de planificación, produción, revisión e cooperación para compoñer textos de estrutura clara e adecuados ás intencións comunicativas, ás características contextuais, aos aspectos socioculturais e á tipoloxía textual, usando os recursos físicos ou dixitais máis adecuados en función da tarefa e das interlocutoras e os interlocutores reais ou potenciais.
CA1.7 - Planificar, participar e colaborar asertiva e activamente, a través de diversos soportes, en situacións interactivas sobre temas de relevancia persoal ou de interese público coñecidos polo alumnado, mostrando iniciativa, empatía e respecto pola cortesía lingüística e a etiqueta dixital, así como polas diferentes necesidades, ideas, inquietudes, iniciativas e motivacións das interlocutoras e os interlocutores, e ofrecendo explicacións, argumentos e comentarios
CA1.8 - Seleccionar, organizar e utilizar, de forma flexible e en diferentes contornas, estratexias adecuadas para iniciar, manter e terminar a comunicación, tomar e ceder a palabra, solicitar e formular aclaracións e explicacións, reformular, comparar e contrastar, resumir, colaborar, debater, resolver problemas e xestionar situacións comprometidas.
CA1.9 - Interpretar e explicar textos, conceptos e comunicacións en situacións nas que atender á diversidade mostrando respecto e aprecio polas interlocutoras e os interlocutores e polas linguas, variedades ou rexistros empregados e participando na solución de problemas frecuentes de intercomprensión e de entendemento a partir de diversos recursos e soportes.
CA1.10 - Aplicar estratexias que axuden a crear pontes, que faciliten a comunicación, que sirvan para explicar e simplificar textos, conceptos e mensaxes e que sexan adecuadas ás intencións comunicativas, ás características contextuais, aos aspectos socioculturais e á tipoloxía textual, usando recursos e apoios físicos ou dixitais en función da tarefa e do coñecemento previo das interlocutoras e dos interlocutores.

Contidos
C1.1 - Estratexias técnicas para a adquisición e afianzamento de autoconfianza, iniciativa e asertividade. Estratexias de autorreparación e autoavaliación como forma de progresar na aprendizaxe autónoma da lingua estranxeira.
C1.2 - Estratexias para a planificación, execución, control e reparación da comprensión, produción e coprodución de textos orais, escritos e multimodais.
C1.3 - Coñecementos, destrezas e actitudes que permiten levar a cabo actividades de mediación en situacións cotiás.
C1.4 - Funcións comunicativas adecuadas ao ámbito e ao contexto comunicativo: describir fenómenos e acontecementos; dar instrucións e consellos; narrar acontecementos pasados puntuais e habituais; describir estados e situacións presentes e expresar sucesos futuros e de predicións a curto, medio e longo prazo; expresar emocións; expresar a opinión; expresar argumentacións; reformular, presentar as opinións doutros e resumir.
C1.5 - Modelos contextuais e xéneros discursivos de uso común na comprensión, produción e coprodución de textos orais, escritos e multimodais, breves e sinxelos, literarios e non literarios: características e recoñecemento do contexto (participantes e situación), expectativas xeradas polo contexto e organización e estruturación segundo o xénero e a función textual.
C1.6 - Unidades lingüísticas e significados asociados ás devanditas unidades, tales como expresión da entidade e as súas propiedades, a cantidade e a calidade, o espazo e as relacións espaciais, o tempo e as relacións temporais, a afirmación, a negación, a interrogación e a exclamación e as relacións lóxicas.
C1.7 - Léxico común e especializado de interese para o alumnado relativo ao tempo e ao espazo; estados, eventos e acontecemento; actividades, procedementos e procesos; relacións persoais, sociais, académicas e profesionais; educación, traballo e emprendemento; lingua e comunicación intercultural; ciencia e tecnoloxía; historia e cultura e estratexias de enriquecemento léxico (derivación, familias léxicas, polisemia, sinonimia, antonimia...).
C1.8 - Padróns sonoros, acentuais, rítmicos e de entoación e significados e intencións comunicativas xerais asociadas aos devanditos padróns. Alfabeto fonético básico.
C1.9 - Convencións ortográficas e significados e intencións comunicativas asociadas aos formatos, padróns e elementos gráficos.
C1.10 - Convencións e estratexias conversacionais, en formato síncrono ou asíncrono, para iniciar, manter e terminar a comunicación, tomar e ceder a palabra, pedir e dar aclaracións e explicacións, reformular, comparar e contrastar, resumir e parafrasear, colaborar, negociar significados, detectar a ironía etc.
C1.11 - Recursos para a aprendizaxe e estratexias de procura e selección de información e curación de contidos: dicionarios, libros de consulta, bibliotecas, mediatecas, etiquetas na Rede, recursos dixitais e informáticos etc.
C1.12 - Respecto da propiedade intelectual e dereitos de autor sobre as fontes consultadas e contidos utilizados: ferramentas para o tratamento de datos bibliográficos e recursos para evitar o plaxio.
C1.13 - Ferramentas analóxicas e dixitais para a comprensión, produción e coprodución oral, escrita e multimodal e plataformas virtuais de interacción, colaboración e cooperación educativa (aulas virtuais, videoconferencias, ferramentas dixitais colaborativas) para a aprendizaxe, a comunicación e o desenvolvemento de proxectos con falantes ou estudantes da lingua estranxeira.

Bloque B2. Plurilingüismo Criterios de avaliación	UD 1	UD 2	UD 3	UD 4	UD 5	UD 6	UD 7	UD 8
CA2.1 - Comparar e argumentar as semellanzas e as diferenzas entre distintas linguas reflexionando sobre o seu funcionamento e establecendo relacións entre elas.
CA2.2 - Utilizar con iniciativa e de forma creativa estratexias e coñecementos de mellora da súa capacidade de comunicar e de aprender a lingua estranxeira con apoio doutros participantes e de soportes analóxicos e dixitais.
CA2.3 - Rexistrar e reflexionar sobre os progresos e as dificultades de aprendizaxe da lingua estranxeira seleccionando as estratexias máis adecuadas e eficaces para superar esas dificultades e consolidar a aprendizaxe e realizando actividades de planificación da propia aprendizaxe, autoavaliación e coavaliación, como as propostas no Portfolio europeo das linguas (PEL) ou nun diario de aprendizaxe facendo eses progresos e dificultades explícitos e compartíndoos.

Contidos
C2.1 - Estratexias e técnicas para responder eficazmente e cun alto grao de autonomía, adecuación e corrección a unha necesidade comunicativa concreta superando as limitacións derivadas do nivel de competencia na lingua estranxeira e nas demais linguas do repertorio lingüístico propio.
C2.2 - Estratexias para identificar, organizar, reter, recuperar e utilizar creativamente unidades lingüísticas (léxico, morfosintaxe, padróns sonoros, etc.) a partir da comparación das linguas e das variedades que conforman o repertorio lingüístico persoal.
C2.3 - Estratexias e ferramentas, analóxicas e dixitais, individuais e cooperativas para a autoavaliación, a coavaliación e a autorreparación.
C2.4 - Expresións e léxico específico para reflexionar e compartir a reflexión sobre a comunicación, a lingua, a aprendizaxe e as ferramentas de comunicación e aprendizaxe (metalinguaxe).
C2.5 - Comparación sistemática entre linguas a partir de elementos da lingua estranxeira e doutras linguas: orixe e parentescos.

Bloque B3. Interculturalidade Criterios de avaliación	UD 1	UD 2	UD 3	UD 4	UD 5	UD 6	UD 7	UD 8
CA3.1 - Actuar de forma adecuada, empática e respectuosa en situacións interculturais construíndo vínculos entre as diferentes linguas e culturas, analizando e rexeitando calquera tipo de discriminación, prexuízo e estereotipo e solucionando aqueles factores socioculturais que dificulten a comunicación
CA3.2 - Valorar criticamente, tendo en conta os dereitos humanos, a diversidade lingüística, cultural e artística propia de países onde se fala a lingua estranxeira, e adecuarse a ela, favorecendo o desenvolvemento dunha cultura compartida e unha cidadanía comprometida coa sustentabilidade e cos valores democráticos.
CA3.3 - Aplicar estratexias para defender e apreciar a diversidade lingüística, cultural e artística atendendo a valores ecosociais e democráticos e respectando os principios de xustiza, equidade e igualdade.

Contidos
C3.1 - A lingua estranxeira como medio de comunicación e entendemento entre pobos, como facilitador do acceso a outras culturas e a outras linguas e como ferramenta de participación social e de enriquecemento persoal.
C3.2 - Interese e iniciativa na realización de intercambios comunicativos a través de diferentes medios con falantes ou estudantes da lingua estranxeira, así como por coñecer informacións culturais dos países onde se fala a lingua estranxeira.
C3.3 - Aspectos socioculturais e sociolingüísticos relativos a convencións sociais, normas de cortesía e rexistros; institucións, costumes e rituais; valores, normas, crenzas e actitudes; estereotipos e tabús; linguaxe non verbal; historia, cultura e comunidades; relacións interpersoais e procesos de globalización en países onde se fala a lingua estranxeira.
C3.4 - Estratexias para entender e apreciar a diversidade lingüística, cultural e artística atendendo a valores ecosociais e democráticos.
C3.5 - Estratexias de detección, rexeitamento e actuación ante usos discriminatorios da linguaxe verbal e non verbal.

3.3. Avaliación das unidades didácticas (Elaborado)

Unidade didáctica 1 Great Expectations

Unidade didáctica 2 Into the Future

Unidade didáctica 3 Making Choices

Unidade didáctica 4 Time Out

Unidade didáctica 5 Take a Stand!

Unidade didáctica 6 Extreme Nature

Unidade didáctica 7 Risk-Takers

Unidade didáctica 8 Mind Games

4.1. Concrecións metodolóxicas (Elaborado)

Descrición

Seguindo as recomendacións do Marco Común Europeo de Referencia (MCER), anímase aos alumnos/as a organizar e expresar as súas propias ideas, experiencias e opinións a través de tarefas de expresión escrita e oral e a avaliar as súas propias habilidades lingüísticas segundo as van traballando ao longo do libro. Un alumno/a será competente na maior parte de capacidades lingüísticas expresadas no nivel B1+, é dicir, un usuario independente que:

- é capaz de entender as ideas principais de textos complexos que traten de temas tanto concretos como abstractos, mesmo se son de carácter técnico, sempre que estean dentro do seu campo de especialización;

- pode relacionarse con falantes nativos cun grao suficiente de fluidez e naturalidade, de xeito que a comunicación se realice sen esforzo por parte dos interlocutores;

- pode producir textos claros e detallados sobre temas diversos, así como defender un punto de vista sobre temas xerais indicando os pros e os contras das distintas opcións.

No que se refire á comprensión de mensaxes orais e escritas, en Bacharelato os alumnos/as deben ser quen de comprender a información transmitida polo seu interlocutor/a, independentemente do acento que este teña.

No caso das emisións transmitidas por medios de comunicación ou reprodución mecánica, preténdese que comprendan a información global e específica das mensaxes, que interpreten algunhas das ideas principais transmitidas neles e sexan quen de realizar certos tipos de abstracción dentro do campo de interese xeral do alumno/a.

Os temas e situacións de comunicación amplían o coñecemento do mundo e as experiencias persoais do alumnado, ademais de axudalo a tomar conciencia do valor da lingua inglesa como vehículo de comunicación internacional e da súa importancia na sociedade e no mercado laboral actual.

Para establecer o grao de dificultade das situacións de comunicación, tense en conta o tipo de mensaxe e o tema, o interlocutor/a ou interlocutores/as, a canle, grao e tipo de comprensión requirida, o uso de estratexias comunicativas (lingüísticas e non lingüísticas) e a necesidade de axuda.

Os niveis de comprensión van graduados desde as habilidades comunicativas receptivas máis básicas, como son recoñecer ou identificar determinados elementos e información, ata a inferencia, é dicir, a interpretación de opinións e a identificación da funcionalidade dun texto, pasando pola interpretación de significados apoiándose en claves non lingüísticas, no contexto, etc. Búscase o desenvolvemento dunha actitude crítica ante a información transmitida nestas mensaxes.

A secuenciación das habilidades comunicativas receptivas non supón que deamos por feito que o alumnado non as adquiriu na Educación Secundaria Obrigatoria; o que tratamos de conseguir é a automatización do seu uso en Bacharelato grazas ao repaso e a práctica continua que se fai delas ao longo das unidades didácticas.

Polo que respecta á produción oral, en Bacharelato os interlocutores/as continúan sendo, como na ESO, profesores/as, compañeiros/as e falantes da lingua inglesa. Os alumnos/as participan en conversacións nas que hai que narrar, describir, informar e transmitir ideas e opinións de maneira clara e ordenada, utilizando estratexias de comunicación e compensación que aprenderon na ESO, e tamén repasan, amplían e profundan nas funcións comunicativas da lingua estudadas en cursos precedentes. Ademais, a secuenciación dos contidos fonéticos, interrelacionada co resto de contidos do curso, promove a corrección dos erros de pronuncia máis comúns entre os alumnos/as.

En canto á produción escrita, a complexidade acharase non só na extensión e os conceptos expresados, senón tamén nas habilidades comunicativas utilizadas. Por tanto, en Bacharelato os textos terán un carácter cada vez máis complexo, aínda que sempre dentro da realidade persoal e académica do alumnado. As producións incluirán desde cartas ou correos electrónicos informais ou formais ata textos narrativos, de opinión, argumentativos, informativos e descritivos ou biografías.

Os alumnos/as deberán progresar na utilización das estruturas gramaticais, mostrando así un grao de madurez sintáctica maior que na ESO. Esta madurez comporta o uso correcto dalgunhas oracións subordinadas e marcadores do discurso, a ampliación do léxico receptivo e produtivo, e o desenvolvemento de procesos de autocorrección.

No referente á lectura comprensiva e autónoma de textos de temática xeral e/ou axeitados aos seus intereses, o alumnado utilizará técnicas de aprendizaxe que desenvolvan a súa autonomía na lectura comprensiva e no uso dos procedementos adquiridos de maneira sistemática. Os tipos de texto máis usuais son artigos de revistas, textos informativos, narrativos e culturais, extractos de libros, poemas e historias breves. As estratexias de lectura centradas en desenvolver a súa autonomía, tales como a utilización de dicionarios (seleccionar o adecuado, detectar e buscar as palabras esenciais para a comprensión, identificar a acepción apropiada, etc.), o uso de gramáticas e libros de referencia, e o uso de recursos lingüísticos tales como a formación de palabras, as categorías gramaticais, a identificación de false friends, sinónimos, etc., requiren unha práctica sistemática para acadar a automatización no desenvolvemento da lectura comprensiva. Os textos, aos poucos, serán máis especializados, con temas de interese e actividades de dificultade adecuada ao seu nivel, co obxectivo de promover nos alumnos/as o aprecio da lectura como fonte de información, gozo, lecer e acceso a outras culturas e formas de vida, e fomentar unha actitude receptiva e respectuosa á vez que crítica ante a información que transmiten os devanditos textos.

A reflexión sobre o funcionamento do sistema lingüístico non só é importante como elemento facilitador da aprendizaxe, senón tamén como elemento imprescindible para a autocorrección. Desta forma, foméntase a competencia comunicativa a través de textos orais e escritos, e a reflexión sobre a competencia lingüística mesma, mediante unha serie de estratexias de aprendizaxe autónoma para que os alumnos/as poidan automatizalas coa práctica. Así, o uso destas estratexias en todas as seccións que compoñen as unidades fomenta a reflexión de forma organizada e gradual na súa aprendizaxe da lingua inglesa.

A actitude do alumno/a perante a aprendizaxe da lingua estranxeira é esencial para que recoñeza e aprecie o valor comunicativo da devandita lingua e a súa propia capacidade de aprender. A reflexión sobre a lingua e a súa aprendizaxe inclúen a consideración da finalidade que para cada estudante ten a devandita aprendizaxe, base fundamental para que recoñezan a súa capacidade persoal de aprender e progresar, e para que adopten as destrezas de estudo necesarias que poderán utilizar ao longo da súa vida.

Para o desenvolvemento do proceso de autoavaliación, baseado nos principios do Portfolio Europeo das Linguas para Secundaria, ofrécese aos alumnos/as a posibilidade de volver sobre cada un dos apartados de cada unidade e, de maneira reflexiva, reflectir o seu grao de consecución en cada un deles. Poden tamén tomar decisións sobre o que deben facer para mellorar naquelas destrezas onde a aprendizaxe estea a ser máis deficitaria.

Por suposto, o alumnado debe ser consciente da importancia que ten o inglés nas relacións internacionais, unha realidade que eles verán patente no panorama social e laboral actual e a cuxa comprensión contribuímos desde a nosa área.

A utilización sistemática de estratexias de autonomía é a finalidade a longo prazo que se busca na aprendizaxe de calquera materia educativa. Con todo, cada materia require o seu proceso e uns procedementos propios, que irán desde os máis básicos aos máis complexos.

As estratexias son elementos cruciais para a aprendizaxe e é necesario utilizalas constantemente ata chegar á súa total automatización sen necesidade de reflexión. Por iso, en Bacharelato primeiro identificamos as necesidades da aprendizaxe e logo, en consonancia con elas, seleccionamos as actividades, os materiais e os modos de traballo apropiados para alcanzar o obxectivo específico que nos marcamos.

As estratexias de aprendizaxe tamén van encamiñadas a mellorar o desenvolvemento dos procesos mentais necesarios para realizar as actividades. Estas son as que desenvolvemos en cada destreza comunicativa:

- Reading (comprensión escrita): predición do contido do texto a partir do título, subtítulo e ilustracións; lectura da primeira oración de cada parágrafo para atopar a idea central; identificación da finalidade do texto (informar, entreter, etc.); procura de información específica (scanning); identificación das palabras chave nun texto; inferencia de significados non explícitos (ler entre liñas); dedución do significado das palabras polo contexto.

- Listening (comprensión oral): comprensión de enunciados; anticipación de contidos; atención selectiva; identificación de información específica; inferencia de significados; toma de notas; seguimento de instrucións; identificación do tema principal; secuenciación de información; recoñecemento da pronuncia; distinción de diferentes matices de significado segundo o ritmo e a entoación; escoita comprensiva de mensaxes emitidas por falantes con distintos acentos, etc.

- Speaking (produción oral): estratexias de elaboración que facilitan a interacción na aula tales como organizar as ideas antes de falar e basear a exposición oral nun guión que dea mostras de claridade e estrutura lóxica; estratexias de compensación, clarificación e comprobación; estratexias para a práctica como a repetición, a imitación, a aplicación de regras, etc.; estratexias de autocorrección como a identificación de problemas e a súa solución, buscando sempre mellorar a pronuncia, o ritmo e a entoación nas producións orais.

- Writing (expresión escrita): á marxe das estratexias comentadas no apartado anterior, inclúense tamén as de transferencia, elaboración e autocorrección; o desenvolvemento da imaxinación e a creatividade, e a procura da información en diversas fontes. Os alumnos/as deberán atender tanto ao proceso de escritura como ao produto, tendo en conta as características propias do tipo de texto, utilizando o rexistro idóneo, os marcadores do discurso e os signos de puntuación adecuados, ordenando frases e parágrafos en textos coherentes mediante o uso de adxectivos, adverbios, expresións temporais, conxuncións e conectores, e respectando, ao tempo, a estrutura destes.

4.2. Materiais e recursos didácticos (Elaborado)

Denominación
Libro de texto Mindset 1 Students Book (Burlington)
Versións dixitais dos libros anteriores.
Materiais impresos e dixitais de Mindset 1 All-in-One Pack

Descrición

Os recursos anteriormente citados son da editorial Burlington. A maiores, utilizarase na clase o ordenador coa pizarra dixital, como material de reforzo e ampliación complementarios. A Aula Virtual do IES do Milldoiro tamén será utilizada para estar en contacto co alumnado e facer actividades complementarias.

5.1. Procedemento para a avaliación inicial (Elaborado)

Descrición

A avaliación inicial desenvolverase mediante diferentes probas (orais, exercicios escritos feitos durante a hora de clase, etc) realizadas durante os primeiros días, que permitirán detectar as fortalezas e carencias que poida ter o alumnado ao principio de curso. É importante que as fagan durante os períodos lectivos, para preservar a obxectividade das valoracións, feitas mediante observación.

5.2. Criterios de cualificación e recuperación (Elaborado)

Pesos na materia

Instrumentos de avaliación	UD 1	UD 2	UD 3	UD 4	UD 5	UD 6	UD 7	UD 8	Total programación
Pesos das unidades didácticas (%)	10.0	10.0	10.0	10.0	10.0	10.0	20.0	20.0	100.0
Proba escrita	70.0	70.0	70.0	70.0	70.0	70.0	70.0	70.0	70.0
Táboa de indicadores	30.0	30.0	30.0	30.0	30.0	30.0	30.0	30.0	29.999999999999993

* Criterios de cualificación

A avaliación será:

- Continua, xa que, cando o progreso dun alumno ou alumna non sexa o adecuado, estableceranse medidas de reforzo educativo. Estas medidas adoptaranse en calquera momento do curso, tan axiña como se detecten as dificultades, e estarán dirixidas a garantir a adquisición das competencias imprescindíbeis para continuar o proceso educativo.

- Formativa, polo que será un instrumento para a mellora tanto dos procesos de ensino como dos procesos de aprendizaxe.

Co obxectivo de fomentar a constancia no traballo cada docente supervisará as tarefas feitas polo alumnado sempre que o considere necesario, sen previo aviso. Poderanse realizar unha ou máis probas (listening, speaking, reading comprehension, writing, graded readers e use of language) a criterio do profesorado e de acordo á marcha do grupo correspondente. A cualificación destes controis formará parte da nota final.

As probas fixadas en cada avaliación deberán realizarse nas datas previstas. No caso de ausencia a dita proba, será precisa a xustificación debidamente documentada (expedida por organismo oficial). Se fose posible, comunicarase a ausencia con antelación. No caso contrario, o/a estudante deberá poñerse en contacto co/a profesor/a tan pronto como se incorpore ó centro.

De ser detectado copia das tarefas ou exames, fraude, ou uso de intelixencia artificial procederase á retirada/ anulación da proba ou exercicio e repetición da mesma baixo a supervisión directa da profesora ou obtención de 0 nesa proba.

A materia ten un carácter progresivo e a nota final obterase da media ponderada das tres avaliacións:

1ª avaliación: 30%

2ª avaliación: 30%

3ª avaliación: 40%

Para aprobar o alumnado terá que acadar un mínimo de 5 puntos.

No caso de obter unha nota con decimais, procederase como se indica:

- se acada 0,5 redondéase ao enteiro inmediatamente superior, e se non, ao inferior.

PESO NA MATERIA DOS APARTADOS AVALIADOS:

LISTENING 15%

SPEAKING 15%

READING COMPREHENSION 15%

WRITING 15%

GRAMMAR & VOCABULARY 15%

GRADED READINGS 10%

TASKS 15%

* Criterios de recuperación

No período lectivo entre a Avalicación Final Ordinaria e as Probas Extraordinarias, este Departamento realizará actividades de apoio, reforzo, recuperación, ampliación e titoría.

Para o alumnado que, unha vez rematada a 3ª avaliación, non acadara o 5, haberá probas extraordinarias nas que pode recuperar a materia.

A nota final será calculada facendo a media aritmética da nota ponderada das tres avaliacións coa nota desta proba, téndose en conta en calquera caso:

- Se a nota da proba é 5 ou superior, aínda que a media resultante sexa inferior a 5, a nota final será de 5 puntos

- Se a nota da proba é inferior a 5 e a media resultante é inferior á nota ponderada das tres avaliacións, conservarase a nota que sexa máis vantaxosa.

5.3. Procedemento de seguimento, recuperación e avaliación das materias pendentes (Elaborado)

Descrición

Dado o carácter progresivo da materia, o alumnado que entregue feitas todas as tarefas de reforzo dispoñibles na Aula Virtual (adecuadamente e en prazo) e aprobe a 1º e 2ª avaliación do curso actual, aprobará automaticamente a materia dos cursos anteriores. No presente curso 24-25, as tarefas de reforzo deberán ser entregadas por parte do alumnado ao profesorado que imparte a materia no curso no que estea matriculado, os días 29 de novembro, 28 de febreiro e 25 de abril.

Cada profesor/a informará previamente ao alumnado que teña con materia pendente deste material de traballo, que se baseará nos mínimos esixibles para preparar a proba final, no caso de que a teñan que facer.

O alumnado que non supere a materia por esta vía, terá que realizar as probas para alumnado con materias pendentes correspondentes aos cursos non superados. O alumnado recibirá información dos contidos lingüísticos avaliables e aspectos a avaliar. A nota obtida nas devanditas probas suporá o 80% da cualificación. O 20% restante procederá dos devanditos TRABALLOS DE REFORZO (handouts) propostos polo profesorado do departamento e do esforzo e traballo persoal nas clases do curso actual.

5.4. Procedemento para acreditar os coñecementos necesarios en determinadas materias (Elaborado)

Descrición

Este apartado non procede.

6. Medidas de atención á diversidade (Elaborado)

Descrición

Como punto de partida tomamos en conta catro ámbitos de diversidade:

A capacidade para aprender

Cada alumno/a ten o seu propio ritmo de aprendizaxe. Partimos da base de que todos son quen de acadar un nivel mínimo sempre que sigan un ritmo sostido de traballo, que pode ser diferente para cada un. Consideramos este aspecto ao incluír un repaso continuo de estruturas e vocabulario. Ofrécense tarefas con diferentes niveis de dificultade para poder integrar aos distintos tipos de alumnos/as, mostrando amplas oportunidades de reforzo para os alumnos/as con capacidades menos desenvolvidas e, á vez, materia de ampliación para os de nivel máis avanzado. Con este conxunto de materiais, o profesorado pode elixir e adecuar as tarefas ao nivel concreto de cada alumno/a.

A motivación para aprender

A motivación do alumno/a para aprender é moi diversa, sobre todo cando se trata dun idioma, debido a que depende moito do historial de éxito ou de fracaso que tivese ata ese momento. En moitas ocasións, a motivación está directamente condicionada polo ambiente e o contexto no que os alumnos se desenvolven.

Tomamos en conta tanto este factor como as diferenzas no ambiente sociocultural do que proceden os alumnos/as, pois todo iso inflúe notablemente non só no nivel das súas motivacións individuais, senón tamén na forma máis lóxica e funcional de presentarlles os contidos. Seleccionáronse temas que fan posible a implicación emocional dos alumnos/as dado o noso convencemento de que, cando se apela ao que directamente lles afecta e interesa, a resposta ao estimulo está asegurada.

Os estilos de aprendizaxe

Ao longo dos últimos anos leváronse a cabo toda clase de estudos sobre os diversos estilos de aprendizaxe á hora de estudar un idioma. Como é ben sabido, o alumno/a pode ser reflexivo ou impulsivo cando se enfronta ás súas tarefas escolares. Uns poden reaccionar moi rapidamente e, mesmo así, necesitar varios intentos para asimilar unha idea, mentres que outros poden traballar máis concienciudamente e aprender máis amodo obtendo o mesmo resultado. Este factor tívose en conta sistematicamente. Por exemplo, á hora de ensinar as estruturas inclúense táboas e exercicios para aprender e repasar a gramática paso a paso, do mesmo xeito que unha ampla repetición e práctica en distintas situacións para os alumnos/as que non usen tanto o estilo analítico cando aprenden.

Pensando nos diferentes estilos e niveis de desenvolvemento das capacidades de aprendizaxe, deseñáronse varios tipos de actividades que dan cabida aos distintos estilos de aprendizaxe, enmarcadas nunha secuenciación de estratexias para que desenvolvan a súa autonomía en cada destreza comunicativa. Por iso desde a primeira unidade promovemos a reflexión dos alumnos/as sobre a súa propia aprendizaxe, para que non só sexan conscientes do seu progreso, senón que tamén aprendan de maneira máis efectiva, o cal implica maior motivación e responsabilidade por parte do alumnado.

Os intereses dos alumnos/as

É un feito que os intereses dos alumnos/as diversifícanse moito máis en Bacharelato. O seu interese por aprender un idioma varía moito dependendo da súa motivación e/ou a necesidade de facelo. Por iso incluímos unha gran variedade de temas, tentando que sexan de interese para a maioría.

Ademais, levouse a cabo unha coidadosa selección de funcións co fin de que as poidan poñer en práctica nun futuro próximo, tales como as necesarias para responder un test de cultura xeral, manter conversacións informais, escribir correos electrónicos, entender aos mozos/as da súa idade doutros países, etc.

Cando o progreso dunha alumna/o, non sexa o adecuado, estableceranse medidas de reforzo educativo. Estas medidas adoptaranse en calquera momento do curso, tan pronto como se detecten as dificultades, con especial seguimento da situación do alumnado con NEAEs, e estarán dirixidas a garantir a adquisición das aprendizaxes imprescindibles para continuar o proceso educativo.

Para dar resposta á diversidade do alumnado, traballarase máis a individualidade, procurando manter a motivación e reforzo daqueles estudantes que o necesiten, con maior explicacións ou con ampliación de contidos. Respecto ao alumnado con NEAEs reforzaranse as comunicacións co equipo de orientación para adaptar todas aquelas actividades previstas para eles.

7.1. Concreción dos elementos transversais (Elaborado)

Concreción dos elementos transversais que se traballarán no curso

Secuencia	Elementos transversais	UD 1	UD 2	UD 3	UD 4	UD 5	UD 6	UD 7	UD 8
1	Comprensión de lectura
2	Expresión oral e escrita
3	Comunicación audiovisual
4	Competencia dixital
5	Emprendemento social e empresarial
6	Fomento de espírito crítico e científico
7	Educación emocional e en valores
8	Igualdade de xénero
9	Creatividade
10	Educación de calidade
11	Saúde e benestar
12	Industria, innovación e infraestruturas
13	Fin da pobreza
14	Produción e consumo responsábeis
15	Vida de ecosistemas terrestres
16	Fame cero
17	Traballo decente e crecemento económico
18	Acción polo clima

Observacións

Inclúense tamén os Obxectivos de Desenvolvemento Sustentable expostos na Axenda 2030

7.2. Actividades complementarias (Elaborado)

Actividade	Descrición	1º trim.	2º trim.	3º trim.
Samhain/Halloween, véspera de tódolos Santos	En colaboración coa biblioteca do centro e o departamento de Normalización Lingüística.
World Science Day for Peace and Development	Celebración semana da Ciencia
Gender Violence Day	Día Internacional da Eliminación da Violencia contra a Muller.

Observacións

No presente curso académico organizarantes as seguintes actividades complementarias, quedando as extraescolares por decidir en base aos recursos dos que poida dispoñer o departamento.

Actividades Complementarias

De xeito máis ou menos extenso o departamento conmemorará individualmente ou en colaboración con outros departamentos didácticos e a biblioteca do centro algunhas datas especiais entre as que se poden destacar:

Samhain/Halloween, véspera de tódolos Santos, en colaboración coa biblioteca do centro e o departamento de Normalización Lingüística.
World Science Day for Peace and Development.
Gender Violence Day

Tamén terán tratamento especial nos diferentes grupos, dependendo do nivel, as datas de celebración dos patróns de Irlanda (St. Patrick, 17 marzo), Inglaterra (St. George, 23 abril), Escocia (St. Andrew, 30 novembro) e Gales (St. David, 1 marzo).

Calquera outra celebración tradicional do mundo anglosaxón (Christmas, St. Valentine's Day, Easter), especialmente aquelas que poidan ter semellanzas con celebracións galegas, Bonfire Night-Guy Fawkes.

8.1. Procedemento para avaliar o proceso do ensino e a practica docente cos seus indicadores de logro (Elaborado)

Categoría indicador de logro	Indicadores de logro
Adecuación da programación didáctica e da súa propia planificación ao longo do curso académico	- Presento actividades para detectar os coñecementos previos de cada unidade.
Metodoloxía empregada	- Reviso e corrixo de forma habitual as actividades propostas na aula e fóra dela.
Clima de traballo na aula	- Proporciono información aos alumnos/as sobre o seu desempeño nas actividades e proxectos propostos, ofrecéndolle pautas para mellorar.
Organización xeral da aula e o aproveitamento dos recursos	- Emprego dispositivos audiovisuais, dixitais ou doutro tipo que poidan axudar ao desenvolvemento das explicacións e actividades propostas.
Medidas de atención á diversidade	- Emprego actividades atendendo á diversidade e ás distintas necesidades detectadas.
Metodoloxía empregada	- Presento actividades individuais e grupais encamiñadas á adquisición dos obxectivos.
Medidas de atención á diversidade	- Propoño actividades de reforzo e ampliación para os alumnos/as que o necesiten.
Medidas de atención á diversidade	- Emprego distintas estratexias metodolóxicas para responder aos distintos ritmos de aprendizaxe.
Metodoloxía empregada	- Fomento e animación á lectura e estratexias de comprensión escrita
Organización xeral da aula e o aproveitamento dos recursos	- Incorporo as TIC ao proceso de ensino-aprendizaxe.
Medidas de atención á diversidade	- Emprego distintos procedementos e instrumentos de avaliación en función das características dos grupos e dos alumnos/as.
Coordinación co resto do equipo docente e coas familias ou as persoas titoras legais	- Informo ao alumnado e ás familias dos progresos e dificultades.

* Descrición

Profesorado e alumnado, ao termo de cada trimestre, responderán un cuestionario con estes indicadores coa fin de avaliar a práctica docente do proceso de aprendizaxe.

O grao de consecución será: Sempre / Ás veces / Nunca

8.2. Procedemento de seguimento, avaliación e propostas de mellora (Elaborado)

Descrición

Un dos aspectos máis importantes na programación é a avaliación da práctica docente e da propia programación didáctica que estará suxeita a un proceso permanente de revisión e avaliación tendo en conta o desenvolvemento do curso a súa eficacia para conseguir os obxectivos propostos. As observacións que realice o profesorado do departamento, xunto coas achegas do alumnado e outros membros da comunidade educativa serán a base dunha revisión xeral ao finalizar o curso.

Dado que a programación didáctica debe ser aprobada a comezo do curso, as súas modificacións por escrito realizaranse anualmente antes do comezo das actividades lectivas. Con todo, o seguimento da programación será levado a cabo unha vez ao mes nunha reunión do departamento. Se durante o curso hai circunstancias que aconsellen modificacións puntuais desta programación didáctica, o departamento realizaraas informando adecuadamente ao alumnado.

Tamén avaliaremos o proceso de ensino e a nosa práctica docente ao longo do curso. O mecanismo para a avaliación da programación didáctica, o proceso de ensino e a práctica docente ten como ferramentas as que describimos a continuación.

Para avaliala cómpre utilizar os instrumentos necesarios que permitan valorar o funcionamento da programación e a actuación como docente nesta área; facer autoavaliación, seguimento e avaliacion do proceso de ensino-aprendizaxe.

O procedemento debe ser sinxelo e axeitado co fin de recoller os datos necesarios que permitan valorar a situación e propor e incorporar as medidas de mellora que puideran ser necesarias.

A práctica docente e o proceso de ensino-aprendizaxe abranguen moitos ámbitos e aspectos: motivación do alumnado, tratamento da diversidade, actividades de aula, metodoloxía, materiais, participación das familias, avaliación, programación...e para valoralos hai que seleccionar e concretrar as dimensións xerais que recollan e ordenen todos estes ámbitos de traballo, ligados á práctica docente cuns indicadores de logro significativos.

Para obter a mellor información posible hai que utilizar os instrumentos necesarios como poden ser cuestionarios ao alumnado e ás familias, reflexión sobre o desenvolvemento do curso na acción titorial, con diferentes dinámicas, valoración de resultados, compromisos do alumnado, valoración sobre a práctica docente, avaliación inicial compartida,etc.

Pero ademais desta práctica que sirve para retroalimentar e reconducir o proceso de ensinao-aprendizaxe e a propia docencia utilizaranse cuestionarios para a autoavaliación do profesorado e rúbricas de indicadores que promoverán a reflexión sobre o proceso de ensino-aprendizaxe (reflexión na acción), imprescindible para acadar a mellora da práctica docente. Esa reflexión levarase a cabo a partir de diferentes indicadores de logro relacionados con tres aspectos do proceso:

• O proceso de ensino.

• A práctica docente.

• A programación.

Indicadores de Logro no proceso do ensino Valoración (de 0 a10) Propostas de mellora

1. O nivel de dificultade foi adecuado ás características do alumnado.

2. Conseguiuse a participación activa de todo o alumnado.

3. Contouse co apoio e coa implicación das familias no traballo do alumnado.

4. Mantívose un contacto periódico coa familia por parte do profesorado.

5. Adoptáronse as medidas curriculares adecuadas para atender ao alumnado con NEAE.

6. Adoptáronse as medidas organizativas adecuadas para atender ao alumnado con NEAE.

7. Atendeuse adecuadamente á diversidade do alumnado.

8. Adecuada temporalización das unidades didácticas

9. Usáronse distintos instrumentos de avaliación.

10. Valorouse realmente á observación do traballo na aula.

11. Valorouse adecuadamente o traballo colaborativo do alumnado dentro do grupo.

12. Validez dos recursos empregados

13. Validez das estratexias metodolóxicas seleccionadas.

Indicadores de Logro na práctica docente Que destacar Que mellorar Propostas de mellora persoal

1. Como norma xeral, fanse explicacións xerais para todo o alumnado.

2. Ofrécense a cada alumno/a as explicacións individualizadas que precisa.

3. Realiza a avaliación inicial para axustar a programación ao nivel dos alumnos.

4. Detecta os coñecementos previos de cada unidade didáctica.

5. Elabóranse actividades atendendo á diversidade.

6. Elabóranse probas de avaliación adaptadas ás necesidades do alumnado con NEAE.

7. Utilízanse distintas estratexias metodolóxicas en función dos temas a tratar.

8. Combínase o traballo individual e en grupo.

9. Poténcianse estratexias de animación á lectura.

10. Poténcianse estratexias tanto de expresión como de comprensión oral e escrita.

11. Incorpóranse as TIC aos procesos de ensino – aprendizaxe.

12. Revisa os traballos propostos na aula e fora dela.

13. Ofrécense ao alumnado de forma rápida os resultados das probas / traballos, etc.

14. Analízanse e coméntanse co alumnado os aspectos máis significativos derivados da corrección das probas, traballos, etc.

15. Dáselle ao alumnado a posibilidade de visualizar e comentar os seus acertos e erros.

16. Favorece os procesos de autoavaliación e coavaliación.

17. Propón novas actividades que faciliten a adquisición de obxectivos cando estes non foron alcanzados suficientemente.

18. Propón novas actividades de maior nivel cando os obxectivos foron alcanzados con suficiencia.

19. Avalíase a eficacia dos programas de apoio, reforzo, recuperación, ampliación...

Indicadores de Logro da programación didáctica Valoración (de 0 a 10) Propostas de mellora

1. O desenvolvemento da programación respondeu á secuenciación e a temporalización previstas.

2. Adecuación do grao mínimo de consecución fixado para cada estándar.

3. Vinculación de cada estándar a un ou varios instrumentos para a súa avaliación.

4. Adecuación da secuencia de traballo na aula.

5. Adecuación dos materiais didácticos utilizados.

6. Adecuación do libro de texto .

7. Adecuación das pautas xerais establecidas para a avaliación continua: probas, traballos, etc.

8. Adecuación dos criterios establecidos para a recuperación dun exame e dunha avaliación

9. Adecuación dos criterios establecidos para a avaliación final.

10. Adecuación dos criterios establecidos para a avaliación extraordinaria.

11. Adecuación dos criterios establecidos para o seguimento de materias pendentes.

12. Adecuación dos criterios establecidos para a avaliación desas materias pendentes.

13. Adecuación das medidas específicas de atención ao alumnado con NEAE.

14. Grao de desenvolvemento das actividades complementarias e extraescolares previstas.

15. Adecuación dos mecanismos para informar ás familias sobre criterios de avaliación, estándares e instrumentos.

16. Adecuación do seguimento e da revisión da programación ao longo do curso.

17. Contribución desde a materia ao plan lector do centro.

18. Grao de integración das TIC no desenvolvemento da materia.

Outros apartados
Non se atoparon elementos.

Volver

proens

Vista preliminar da

1. Introdución (Elaborado)

2. Obxectivos e súa contribución ao desenvolvemento das competencias (Elaborado)

3.1. Relación de unidades didácticas (Elaborado)

3.2. Distribución currículo nas unidades didácticas (Elaborado)

3.3. Avaliación das unidades didácticas (Elaborado)

4.1. Concrecións metodolóxicas (Elaborado)

4.2. Materiais e recursos didácticos (Elaborado)

5.1. Procedemento para a avaliación inicial (Elaborado)

5.2. Criterios de cualificación e recuperación (Elaborado)

5.3. Procedemento de seguimento, recuperación e avaliación das materias pendentes (Elaborado)

5.4. Procedemento para acreditar os coñecementos necesarios en determinadas materias (Elaborado)

6. Medidas de atención á diversidade (Elaborado)

7.1. Concreción dos elementos transversais (Elaborado)

7.2. Actividades complementarias (Elaborado)

8.1. Procedemento para avaliar o proceso do ensino e a practica docente cos seus indicadores de logro (Elaborado)

8.2. Procedemento de seguimento, avaliación e propostas de mellora (Elaborado)

9. Outros apartados (Elaborado)

Criterios de avaliación	* Tipo de instrumento	* Grao mínimo de consecución	* % peso
CA1.1 Extraer e analizar as ideas principais, a información relevante e as implicacións xerais de textos de certa lonxitude, ben organizados e de certa complexidade, orais, escritos e multimodais, sobre temas de relevancia persoal ou de interese público, tanto concretos coma abstractos, expresados de forma clara e na lingua estándar, mesmo en contornas moderadamente ruidosas a través de diversos soportes.	Proba escrita	Extraer as ideas principais e a información relevante de textos ben organizados e de certa complexidade, orais, escritos e multimodais, sobre temas expresados de forma clara e na lingua estándar.	20
CA1.2 Interpretar e valorar de maneira crítica o contido, a intención e os trazos discursivos de textos de certa lonxitude e complexidade, con especial énfase nos textos académicos e dos medios de comunicación, así como de textos de ficción, sobre temas xerais ou máis específicos de relevancia persoal ou de interese público.	Proba escrita	Interpretar o contido e os trazos discursivos de textos de certa lonxitude e complexidade nos texto sobre temas xerais ou máis específicos de relevancia persoal ou de interese público.	20
CA1.3 Seleccionar, organizar e aplicar as estratexias e os coñecementos adecuados para comprender a información global e específica e distinguir a intención e as opinións implícitas e explícitas dos textos sempre que estean claramente sinalizadas, inferir significados, interpretar elementos non verbais e buscar, seleccionar e contrastar información.	Proba escrita	Aplicar as estratexias e os coñecementos adecuados para comprender a información global e específica e distinguir as opinións explícitas dos textos sempre que estean claramente sinalizadas.	8
CA1.4 Expresar oralmente con suficiente fluidez e corrección textos claros, coherentes, ben organizados, adecuados á situación comunicativa e en diferentes rexistros sobre asuntos de relevancia persoal ou de interese público coñecidos polo alumnado, co fin de describir, narrar, argumentar e informar, en diferentes soportes, utilizando recursos verbais e non verbais, así como estratexias de planificación, control, compensación e cooperación.	Táboa de indicadores	Expresar oralmente con suficiente fluidez e corrección textos claros, coherentes, ben organizados e adecuados á situación comunicativa, co fin de describir, narrar, e informar.	10
CA1.5 Redactar e difundir textos detallados de certa extensión e complexidade, cunha estrutura clara e adecuados á situación comunicativa, á tipoloxía textual e ás ferramentas analóxicas e dixitais utilizadas, evitando erros que dificulten ou impidan a comprensión, reformulando e organizando de maneira coherente información e ideas de diversas fontes e xustificando as propias opinións sobre asuntos de relevancia persoal ou de interese público coñecidos polo alumnado, facendo un uso ético da linguaxe, respectando a propiedade intelectual e evitando o plaxio	Proba escrita	Redactar e difundir textos detallados de certa extensión e complexidade, cunha estrutura clara e adecuados á situación comunicativa, á tipoloxía textual e ás ferramentas utilizadas.	14
CA1.6 Seleccionar, organizar e aplicar coñecementos e estratexias de planificación, produción, revisión e cooperación para compoñer textos de estrutura clara e adecuados ás intencións comunicativas, ás características contextuais, aos aspectos socioculturais e á tipoloxía textual, usando os recursos físicos ou dixitais máis adecuados en función da tarefa e das interlocutoras e os interlocutores reais ou potenciais.	Proba escrita	Aplicar coñecementos e estratexias de planificación, produción e revisión para compoñer textos de estrutura clara e adecuados ás intencións comunicativas e á tipoloxía textual.	5
CA1.7 Planificar, participar e colaborar asertiva e activamente, a través de diversos soportes, en situacións interactivas sobre temas de relevancia persoal ou de interese público coñecidos polo alumnado, mostrando iniciativa, empatía e respecto pola cortesía lingüística e a etiqueta dixital, así como polas diferentes necesidades, ideas, inquietudes, iniciativas e motivacións das interlocutoras e os interlocutores, e ofrecendo explicacións, argumentos e comentarios	Táboa de indicadores	Participar e colaborar en situacións interactivas sobre temas de relevancia persoal ou de interese público coñecidos polo alumnado, mostrando respecto pola cortesía lingüística e a etiqueta dixital.	5
CA1.8 Seleccionar, organizar e utilizar, de forma flexible e en diferentes contornas, estratexias adecuadas para iniciar, manter e terminar a comunicación, tomar e ceder a palabra, solicitar e formular aclaracións e explicacións, reformular, comparar e contrastar, resumir, colaborar, debater, resolver problemas e xestionar situacións comprometidas.	Táboa de indicadores	Utilizar estratexias adecuadas para iniciar, manter e terminar a comunicación, tomar e ceder a palabra, solicitar e formular aclaracións e explicacións, comparar e contrastar, resumir e colaborar.	5
CA1.9 Interpretar e explicar textos, conceptos e comunicacións en situacións nas que atender á diversidade mostrando respecto e aprecio polas interlocutoras e os interlocutores e polas linguas, variedades ou rexistros empregados e participando na solución de problemas frecuentes de intercomprensión e de entendemento a partir de diversos recursos e soportes.	Táboa de indicadores	Interpretar e explicar textos e comunicacións en situacións nas que atender á diversidade mostrando respecto e aprecio polas interlocutoras e os interlocutores e polas linguas empregadas.	5
CA1.10 Aplicar estratexias que axuden a crear pontes, que faciliten a comunicación, que sirvan para explicar e simplificar textos, conceptos e mensaxes e que sexan adecuadas ás intencións comunicativas, ás características contextuais, aos aspectos socioculturais e á tipoloxía textual, usando recursos e apoios físicos ou dixitais en función da tarefa e do coñecemento previo das interlocutoras e dos interlocutores.	Proba escrita	Aplicar estratexias que axuden a crear pontes, que faciliten a comunicación, que sirvan para explicar e simplificar textos, conceptos e mensaxes e que sexan adecuadas ás intencións comunicativas.	2
CA2.1 Comparar e argumentar as semellanzas e as diferenzas entre distintas linguas reflexionando sobre o seu funcionamento e establecendo relacións entre elas.	Táboa de indicadores	Comparar as semellanzas e as diferenzas entre distintas linguas reflexionando sobre o seu funcionamento e establecendo relacións entre elas.	1
CA2.2 Utilizar con iniciativa e de forma creativa estratexias e coñecementos de mellora da súa capacidade de comunicar e de aprender a lingua estranxeira con apoio doutros participantes e de soportes analóxicos e dixitais.	Táboa de indicadores	Utilizar estratexias e coñecementos de mellora da súa capacidade de comunicar e de aprender a lingua estranxeira con apoio doutros participantes.	1
CA2.3 Rexistrar e reflexionar sobre os progresos e as dificultades de aprendizaxe da lingua estranxeira seleccionando as estratexias máis adecuadas e eficaces para superar esas dificultades e consolidar a aprendizaxe e realizando actividades de planificación da propia aprendizaxe, autoavaliación e coavaliación, como as propostas no Portfolio europeo das linguas (PEL) ou nun diario de aprendizaxe facendo eses progresos e dificultades explícitos e compartíndoos.	Proba escrita	Rexistrar e reflexionar sobre os progresos e as dificultades de aprendizaxe da lingua estranxeira seleccionando estratexias adecuadas para superar esas dificultades e consolidar a aprendizaxe.	1
CA3.1 Actuar de forma adecuada, empática e respectuosa en situacións interculturais construíndo vínculos entre as diferentes linguas e culturas, analizando e rexeitando calquera tipo de discriminación, prexuízo e estereotipo e solucionando aqueles factores socioculturais que dificulten a comunicación	Táboa de indicadores	Actuar de forma adecuada, empática e respectuosa en situacións interculturais, rexeitando calquera tipo de discriminación, prexuízo e estereotipo.	1
CA3.2 Valorar criticamente, tendo en conta os dereitos humanos, a diversidade lingüística, cultural e artística propia de países onde se fala a lingua estranxeira, e adecuarse a ela, favorecendo o desenvolvemento dunha cultura compartida e unha cidadanía comprometida coa sustentabilidade e cos valores democráticos.	Táboa de indicadores	Valorar criticamente a diversidade lingüística, cultural e artística propia de países onde se fala a lingua estranxeira tendo en conta os dereitos humanos e adecuarse a ela.	1
CA3.3 Aplicar estratexias para defender e apreciar a diversidade lingüística, cultural e artística atendendo a valores ecosociais e democráticos e respectando os principios de xustiza, equidade e igualdade.	Táboa de indicadores	Aplicar estratexias para defender e apreciar a diversidade lingüística, cultural e artística	1