Vista preliminar da
Vista preliminar da programación na que poderá consultar todos os apartados da programación.
1. Introdución (Elaborado)
As actuais sociedades democráticas, inseridas nun mundo globalizado en permanente cambio e composto por unha mestura de persoas e comunidades, proxectos e intereses, requiren un pensa-mento racional e crítico que forneza a mocidade de ferramentas para comprender o mundo com-plexo que nos rodea e, ao tempo, que proporcione instrumentos para edificar e consolidar unha sociedade libre, igual e xusta. A materia de Filosofía capacita o alumnado para o exercicio do pen-samento crítico e independente, co que alcanzar unha mellor comprensión do mundo globalizado e de si mesmo, de tal xeito que poida analizar, entender e propor solucións aos desafíos materiais, intelectuais e morais do século XXI.
A filosofía asume daquela unha dobre vertente de grande interese para o alumnado: por unha banda, de xeito absoluto achégalle reflexión e lucidez á persoa para que poida entenderse a si mesma e a realidade que a rodea e, por outra, axuda decididamente a formar unha cidadanía refle-xiva, lúcida, participativa, comprometida coas institucións democráticas e con habilidades prácticas para a resolución dos problemas específicos das sociedades democráticas avanzadas.
O valor da indagación que promove a materia de Filosofía impulsa o alumno á reflexión argu-mentada sobre os aspectos xerais da existencia e da vida en sociedade, descubrindo deste xeito os móbiles derradeiros das posicións adoptadas. En suma, a materia de Filosofía proporciona a visión e a comprensión necesaria para realizar estas tarefas desde un prisma claramente holístico, que ha de incentivar un alumnado activo, curioso, argumentativo, reflexivo e innovador.
A materia de Filosofía, pola radical actitude cognoscitiva que representa e a variedade de temas e aspectos dos que trata, proporciona un espazo idóneo para o desenvolvemento integrado das competencias clave e os obxectivos da etapa de bacharelato. Neste sentido, a indagación sobre problemas universais e fundamentais, tales como os referidos á natureza última da realidade, a verdade, a xustiza, a beleza ou a propia identidade e dignidade humanas, xunto á reflexión crítica sobre as ideas e prácticas que constitúen a nosa contorna cultural, serven, simultaneamente, ao propósito de promover a madurez persoal e social do alumnado e ao desenvolvemento, tanto da súa dimensión intelectual como daqueles outros aspectos éticos, políticos, cívicos, emocionais e estéticos que configuran a súa personalidade.
Así, a materia de Filosofía en bacharelato ten, en primeiro lugar, a finalidade de ofrecer un marco conceptual e metodolóxico para a análise das inquietudes esenciais e existenciais do alumnado de bacharelato, na que este poida abordar persoalmente as grandes preguntas e propostas filosóficas e emprender unha reflexión crítica sobre o sentido e valor dos distintos coñecementos, actividades e experiencias que configuran a súa contorna vital e formativa. En segundo lugar, a educación filosófica resulta imprescindible para a articulación dunha sociedade democrática sobre principios, valores e prácticas éticas, políticas e cívicas cuxa lexitimidade e eficacia precisan da deliberación dialóxica, a convicción racional e a autonomía de xuízo da cidadanía. A Filosofía, por último, supón tamén unha reflexión crítica sobre as emocións e os sentimentos, presentes en todos os ámbitos, desde a estética á teorética pasando pola ética e, a miúdo, esquecidos nos currículos.
A materia de Filosofía atende a estes tres propósitos a través do desenvolvemento conxunto dunha serie de obxectivos representativos, case todos eles, das fases habituais do proceso de crí-tica e exame dialéctico de problemas e hipóteses filosóficas. Dado o carácter eminentemente mai-éutico de devandito proceso, tales obxectivos han de ser, ademais, necesariamente implementados no marco metodolóxico dun ensino, en boa medida dialóxico, que tome como centro de referencia a propia indagación filosófica do alumnado.
Os tres primeiros obxectivos, de marcado carácter transversal, refírense á adquisición dunha perspectiva holística e interdisciplinaria para analizar as cuestións filosóficas fundamentais, discri-minando o substantivo do accidental. Esta tarefa require, pola súa vez, do desenvolvemento de obxectivos referidos ao manexo e produción crítica e rigorosa de información, ao uso e identificación de argumentos e á práctica do diálogo como proceso cooperativo de coñecemento. A práctica do diálogo, algo formalmente constitutivo do exercicio filosófico, implica pola súa vez, como outro dos obxectivos que hai que desenvolver, o recoñecemento do carácter plural e non dogmático das ideas e teorías filosóficas, así como a implementación do devandito recoñecemento na dobre tarefa, crí-tica e construtiva, de contrastalas e descubrir a oposición e a complementariedade entre elas. A actividade filosófica ha de procurar, ademais, o desenvolvemento de facultades útiles para a forma-ción integral da personalidade do alumnado, co obxecto de afrontar con éxito os desafíos persoais, sociais e profesionais que trae consigo un mundo, como o noso, en perpetua transformación e se-mentado de incertezas. Así, a adquisición dunha perspectiva global e interdisciplinaria dos proble-mas, a facultade para xerar un pensamento autónomo á vez que rigoroso sobre asuntos esenciais, e o desenvolvemento dunha posición e un compromiso propio fronte aos retos do século XXI, son elementos imprescindibles para o logro da plena madurez intelectual, moral, cívica e emocional de alumnas e alumnos. Finalmente, o cuarto e derradeiro obxectivo abrangue o recoñecemento das diversas concepcións e ideas sobre os problemas filosóficos fundamentais da filosofía. Perséguese que o alumnado comprenda as ideas e teorías filosóficas das máis grandes pensadoras e pensa-dores a través dunha análise crítica das diversas teses e dos problemas aos que responden, pro-movendo unha actitude aberta e tolerante ao tempo que crítica e creativa.
En canto aos criterios de avaliación, estes formúlanse en relación directa a cada un dos obxectivos xa expostos, e han de entenderse como ferramentas de diagnóstico e mellora en relación co nivel de desempeño que se espera da adquisición daquelas. É por iso polo que, en conexión cos contidos, deben atender tanto aos procesos como aos propios produtos da aprendizaxe, requirindo, para a súa adecuada execución, de instrumentos de avaliación variados e axustables aos distintos contextos e situacións de aprendizaxe nos que haxa de concretarse o desenvolvemento das competencias.
Os contidos, distribuídos en tres grandes bloques, están dirixidos a dotar o alumnado dunha visión básica e de conxunto do rico e complexo campo de estudo que comprende a filosofía, malia que en cada caso, e atendendo á idiosincrasia do alumnado, ao contexto educativo ou a outros criterios pedagóxicos ou científicos, se poderá profundar nuns máis ca noutros, ademais de agru-palos e articulalos a conveniencia. Así, tras un primeiro bloque de contidos dedicado á natureza da propia actividade filosófica e a súa vinculación cos problemas da condición humana, desenvólvense outros dous bloques, un de natureza especialmente teórica dedicado á análise de cuestións básicas sobre o coñecemento e a realidade, e outro consagrado á filosofía práctica, isto é, á análise dos problemas relativos á ética, a filosofía política e a estética. No deseño e distribución de bloques de criterios de avaliación e contidos buscouse o equilibrio e o diálogo entre distintas propostas e co-rrentes, o desenvolvemento dos obxectivos xa enunciados e o intento de reparar aquelas situacións como a marxinación e o ocultamento histórico da muller ou os prexuízos culturais de carácter etno-céntrico, racista ou antropocéntrico, que puideron lastrar ata épocas recentes o desenvolvemento da disciplina.
4.1. Concrecións metodolóxicas (Elaborado)
A metodoloxía a seguir buscará a participación activa do alumnado, procurando que este elabore os seus propios esquemas conceptuais de forma autónoma seguindo así as teses sostidas polos defensores da aprendizaxe significativa. Deste xeito buscaremos conectar os contidos da materia co contexto e entorno dos alumnos e alumnas. Para isto servirémonos da realización na aula de comentarios de texto filosóficos, cadros conceptuais e, sobre todo, debates, partindo do uso das TICs (webs, vídeos, artigos dixitais, etc.). A finalidade propedéutica e orientadora da etapa esixe que o traballo se realice con metodoloxías específicas e que estas comporten un importante grao de rigor científico e de desenvolvemento de capacidades intelectuais de certo nivel (analíticas e explicativas).
5.1. Procedemento para a avaliación inicial (Elaborado)
A proba constará dun comentario dun texto filosófico e varias definicións de conceptos clave da materia. Os resultados obtidos a partir desta avaliación permitiranos adaptar a metodoloxía, materiais e actividades ás necesidades dos alumnos, tendo en conta cales son os seus puntos febles tanto individual como colectivamente con respecto á capacidade de expresión, redacción, uso dun vocabulario específico, razoamento, relación entre contidos, etc.
5.3. Procedemento de seguimento, recuperación e avaliación das materias pendentes (Elaborado)
O primeiro paso será unha reunión co alumnado con asignaturas pendentes do curso anterior ao principio de curso. Nesa reunión explicaráselle o plan a seguir. En concreto: seguimento; o horario de atención ao alumnado con pendentes; os criterios e instrumentos de avaliación (un exame de avaliación sobre os contidos suspensos,); a forma do exame (o modelo propio utilizado na asignatura); a posibilidade de coordinación con outras materias pendentes, etc.
O segundo paso será o seguimento. Realizarase unha primeira sesión de seguimento con resolución de dúbidas en outubro. O terceiro paso será a preparación do exame con ata 4 horas trimestrais para seguimento individual e grupal do proceso e progresos, solución de dúbidas e apoio para a superación dos contidos mínimos esixibles. O modelo de exame será semellante o modelo utilizado nas unidades de Educación en Valores Cívicos, aplicando os contidos das pendentes.
Farase un exame para cada unha das avaliacións propias da asignatura. A nota final será a media obtida dos tres exames realizados. O primeiro realizarase no mes de novembro; o segundo no mes de marzo e o terceiro no mes de maio.
No caso de non acadarse a media mínima dun 5, farase un exame con carácter extraordinario no mes de xuño, avaliandose os trimestres suspensos e fancendo media cos aprobados.
5.4. Procedemento para acreditar os coñecementos necesarios en determinadas materias (Elaborado)
6. Medidas de atención á diversidade (Elaborado)
Os procedementos de atención á diversidade desta programación respetan o recollido no Artigo 7 do DECRETO 86/2015 sobre o alumnado que requira unha atención educativa diferente á ordinaria, por presentar necesidades educativas especiais, por dificultades específicas de aprendizaxe, trastorno por déficit de atención e hiperactividade (TDAH), polas súas altas capacidades intelectuais, por se incorporar tarde ao sistema educativo ou por condicións persoais ou de historia escolar, estableceranse as medidas curriculares e organizativas necesarias de forma individualizada, co fin de que poida alcanzar o máximo desenvolvemento das súas capacidades persoais e os obxectivos e competencias establecidas en cada etapa para todo o alumnado.
8.2. Procedemento de seguimento, avaliación e propostas de mellora (Elaborado)
A continuación presentanse os indicadores que se terán en conta para o seguimento, avaliación e mellora da PD o finalizar o curso. Todos eles teñen un grao de consecución entre 1 (mínimo) e 5 (máximo):
1. Adecuación do deseño das unidades didácticas a partir dos elementos do currículo
2. Adecuación da secuenciación e da temporalización das unidades didácticas
3. O desenvolvemento da programación respondeu á secuenciación e a temporalización previstas
4. Adecuación da secuenciación dos estándares para cada unha das unidades
5. Adecuación do grao mínimo de consecución fixado para cada estándar
6. Asignación a cada estándar do peso do peso correspondente na cualificación
7. Vinculación de cada estándar a un ou varios instrumentos para a súa avaliación
8. Asociación de cada estándar cos elementos transversais a desenvolver
9. Fixación dunha estratexia metodolóxica común para todo o departamento
10. Adecuación da secuencia de traballo na aula
11. Adecuación dos materiais didácticos utilizados
12. Adecuación do libro de texto
13. Adecuación do plan de avaliación inicial deseñado, incluídas as consecuencias da proba
14. Adecuación da proba de avaliación inicial, elaborada a partir dos estándares
15. Adecuación do procedemento de acreditación de coñecementos previos
16. Adecuación das pautas xerais establecidas para a avaliación continua: probas, traballos de investigación e actividades
17. Adecuación dos criterios establecidos para a recuperación dun exame e dunha avaliación
18. Adecuación dos criterios establecidos para a avaliación final
19. Adecuación dos criterios establecidos para a avaliación extraordinaria
20. Adecuación dos criterios establecidos para o seguimento de materias pendentes
21. Adecuación dos criterios establecidos para a avaliación desas materias pendentes
22. Adecuación dos exames, tendo en conta o valor de cada estándar
23. Adecuación dos programas de apoio, recuperación etc vinculados aos estándares
24. Adecuación das medidas específicas ao alumnado con NEAE
25. Adecuación dos mecanismos para informar ás familas sobre criterios de avaliación, estándares e instrumentos
26. Adecuación dos mecanismos para informar ás familias sobre os criterios de promoción
27. Adecuación do seguimento e da revisión da programación ao longo do curso
28. Contribución desde a materia ao plan de lectura do centro
29. Grao de integración das TIC no desenvolvemento da materia
30. Observacións: