Vista preliminar da

Vista preliminar da programación na que poderá consultar todos os apartados da programación.

1. Introdución (Elaborado)


Esta programación ten por obxecto fixar as características nas que vai ter lugar a docencia da materia de Cultura Clásica que se imparte  en 4º da ESO. Foi modificado para responder a Orde do 20 de maio de 2022 polo que aproba o calendario escolar para o curso 2022/23 nos centros públicos docentes e a Orde do 27 de decembro de 2022 que modifica a devandita orde.

CONTEXTO DO CENTRO

-Situación e instalacións .

O IES Salvaterra de Miño atópase na parroquia de Salvaterra (cabeceira do concello) en Chan da Ponte Nº 12. Está situado no polígono industrial da vila, polo que está rodeado de empresas dedicadas a diferentes actividades (metal, pedra, transportes...). O centro leva en pé dende o curso 1998/99, co que é, relativamente, un centro novo, pero non por iso carente de problemas a nivel arquitectónico: os poucos anos do centro non impediron, no seu día, a aparición de problemas respecto ás instalacións materiais e a construción do mesmo.

- Entorno socioeconómico.

Salvaterra de Miño está situada ao sur da provincia de Pontevedra, onde o río Miño é fronteira natural con Portugal. Situado na comarca do Condado do Tea, o concello ten unha extensión de 62 km2 e está constituído por 17 parroquias, con máis de 9600 habitantes. O seu relevo chan e a abundancia de auga únense ao seu especial microclima convertendo ao concello nunha zona ideal para as plantacións vitivinícolas e hortícolas. A isto tamén contribúen os seus cinco ríos: Uma, Tea, Caselas, Mendo e Miño. A vila experimentou, poucos anos atrás, unha fase expansiva directamente relacionada co proxecto da PLISAN, de aí o auxe da construción e a mellora das infraestruturas viarias en dirección O Porriño, Ponteareas e As Neves. Durante esa fase expansiva aumentou o número de empresas e edificios do seu polígono industrial, paralelamente á potenciación do concello como destino de lecer e turismo, polas súas boas condicións climáticas e paisaxísticas (rutas de sendeirismo, club de piragüismo no río Miño, festa do viño...). Actualmente e debido, entre outras circunstancias, á actual crise económica, esa fase expansiva está paralizada. Con todo, trátase dunha área rural cun hábitat disperso e con predominio de actividades económicas primarias. Neste sentido, as condicións económicas das familias están no segmento mediobaixo. Feitos coma este contan moito á hora de organizar as actividades do centro tanto a nivel extraescolar como académico. O transporte é outro problema a ter en conta xa que este non conta con horarios flexibles nin percorridos apropiados para que as familias poidan comunicarse facilmente coa cabeza do concello, feito que dificulta os recursos humanos.

O alumnado do IES Salvaterra de Miño procede, na súa maioría, do propio concello.

Principalmente chegan ao centro tralo seu paso polos colexios adscritos, que son o CEP Carlos Casares (situado na parroquia de Alxén), o CEIP Infante Felipe de Borbón (situado na parroquia de Salvaterra) e o CEIP de Leirado (parroquia de Leirado). Isto é motivo máis que suficiente para que un dos obxectivos do IES Salvaterra de Miño sexa o de manter reunións periódicas coas direccións de ditos centros co fin de tratar de impulsar a cooperación entre o IES e os centros adscritos, preparar a chegada ao centro dese alumnado e tratar de prever posibles problemas académicos e de conduta. Grazas á oferta educativa do IES Salvaterra de Miño, chegan, tamén, alumnos procedentes de concellos limítrofes, como Salceda de Caselas, Ponteareas e As Neves. Temos que ter en conta, ademais, que, aínda que nunha porcentaxe ben pequena, ao centro chega tódolos anos alumnado inmigrante (Marrocos, Cuba, México...) o que obriga a tomar medidas para a súa integración no noso sistema educativo Neste curso contamos con 518 alumnos e alumnas cunha tendencia ao alza que se consolida ano a ano.

2. Obxectivos e súa contribución ao desenvolvemento das competencias (Elaborado)


Currículo CCL CP STEM CD CPSAA CC CE CCEC
OBX1 Describir o mundo grecorromano desde as facetas xeográfica e histórica, localizándoo no espazo e no tempo mediante o uso da cartografía e os eixes cronolóxicos para que sirva de punto de partida do resto de coñecementos.
OBX2 Recoñecer as influencias da mitoloxía clásica analizando a literatura, o cinema, o teatro, a publicidade, a arte en xeral e mesmo aspectos da vida cotiá, para entender a orixe deses elementos herdados e usalos correctamente.
OBX3 Identificar de maneira xeral etapas e estilos a través de obras salientables da arte grecolatina para recoñecer e interpretar eses elementos en exemplos doutras épocas ou movementos artísticos e culturais.
OBX4 Recoñecer os elementos presentes do pasado grecolatino en aspectos actuais tales como a política, os usos e costumes da sociedade, a situación da muller, o dereito, a educación e as formas de lecer, establecendo comparacións para comprender mellor o mundo que nos rodea.
OBX5 Tomar conciencia do valor das linguas clásicas, a través da súa perspectiva etimolóxica e como elemento transmisor das civilizacións grega e romana, para non esquecer que foron linguas vivas e que, nalgunha medida, seguen a selo.
OBX6 Apreciar o mundo grecorromano mediante a investigación da súa herdanza actual de forma que se respecte e valore o que representa o legado e o patrimonio do mundo clásico e a obriga como cidadáns que temos de preservalo e transmitilo á posteridade.
Non se rexistrou texto

3.1. Relación de unidades didácticas (Elaborado)


Secuencia * Título da UD Descrición *% Peso na materia


*Nº de sesións
1º trim. 2º trim. 3º trim.
1 Xeografía de Grecia e do Imperio Romano Marcos xeográficos en que se desenvolven as civilizacións grega e romana ao longo da súa historia. Localización nun mapa en soporte papel e dixital fitos xeográficos e enclaves concretos relevantes para o coñecemento das civilizacións grega e romana. 9 10
2 Historia de Grecia e do Imperio Romano Marco histórico da civilización grega: das civilizacións minoica e micénica ao mundo helenístico. Etapas, feitos importantes e mulleres e homes relevantes. Marco histórico da civilización romana: Monarquía, República e Imperio. Etapas, feitos importantes e mulleres e homes relevantes. Presenza de Grecia e Roma na Península Ibérica. A romanización de Hispania e a da Gallaecia. 9 10
3 Mitoloxía grecorromana Cosmogonía. Teogonía. O panteón grego e romano. Mitos grecolatinos. Orixes e funcións. Os heroes e heroínas. Pervivencia da mitoloxía nas manifestacións artísticas, literarias e na publicidade. Relixión grega: cultos, santuarios e oráculos. Relixión romana: culto público e privado. Mitoloxía e temas lendarios nas manifestacións artísticas actuais. 10 10
4 Arte grecorromana Fundamentos e etapas da arte clásica. Arquitectura en Grecia e Roma: tipos de edificios e ordes arquitectónicas. Escultura en Grecia e Roma: etapas, estilos e temáticas. Enxeñería romana: obras públicas e urbanismo. Vías romanas. Herdanza clásica no patrimonio artístico en Europa en xeral e en Galicia en concreto. Presenza da civilización grecolatina nas artes. 10 10
5 Política Organización política en Grecia e en Roma: formas de goberno e institucións. Presenza da civilización grecolatina na organización política actual. 8 8
6 Sociedade Sociedade en Grecia e Roma: clases sociais. A escravitude. A familia en Grecia e Roma. Roles dos seus membros; situación da muller. Vida cotiá en Grecia e Roma: vivenda, hixiene, alimentación, vestimenta e traballo. Presenza da civilización grecolatina na organización social actual. 8 8
7 Espectáculos públicos Os espectáculos públicos en Grecia e Roma. 8 8
8 Familias lingüísticas As linguas do mundo. O indoeuropeo e as súas familias lingüísticas. As linguas romances. 8 8
9 Escritura Historia da escritura. Tipos de escritura, materiais e soportes. Orixe do alfabeto. O alfabeto grego e o abecedario latino. 8 8
10 Helenismos e latinismos Composición e derivación culta de orixe grega e latina. Latinismos, palabras patrimoniais, cultismos e semicultismos. Principais regras de evolución fonética do latín ao galego e ao castelán. Léxico grecolatino na linguaxe común e na científica e técnica. Presenza das linguas clásicas nas linguas modernas. 8 8
11 Literatura Xéneros literarios grecolatinos: autores e obras principais. 8 8
12 Fraseoloxía en grego e latín Fórmulas básicas de saúdo en latín e/ou grego, e fraseoloxía básica do mundo escolar. 6 9

3.2. Distribución currículo nas unidades didácticas (Elaborado)


Bloque B1. Xeografía e historia
Criterios de avaliación		 UD 1 UD 2 UD 3 UD 4 UD 5 UD 6 UD 7 UD 8 UD 9 UD 10 UD 11 UD 12
CA1.1 - Describir os marcos xeográficos en que se desenvolven as civilizacións grega e romana ao longo da súa historia.
CA1.2 - Localizar nun mapa en soporte papel e dixital fitos xeográficos e enclaves concretos relevantes para o coñecemento das civilizacións grega e romana.
CA1.3 - Identificar, describir e explicar o marco histórico e as etapas en que se desenvolven as civilizacións grega e romana.
CA1.4 - Identificar as principais características de cada período da historia de Grecia e Roma, o papel que desempeñan os seus protagonistas e saber situar nun eixe cronolóxico feitos históricos.
CA1.5 - Identificar as características fundamentais da romanización de Hispania e Gallaecia.
Contidos
C1.1 - Marco xeográfico das civilizacións grega e romana.
C1.2 - Marco histórico da civilización grega: das civilizacións minoica e micénica ao mundo helenístico. Etapas, feitos importantes e mulleres e homes relevantes.
C1.3 - Marco histórico da civilización romana: monarquía, república e imperio. Etapas, feitos importantes e mulleres e homes relevantes.
Bloque B2. Mitoloxía
Criterios de avaliación		 UD 1 UD 2 UD 3 UD 4 UD 5 UD 6 UD 7 UD 8 UD 9 UD 10 UD 11 UD 12
CA2.1 - Identificar os principais deuses e deusas da mitoloxía grecolatina.
CA2.2 - Recoñecer os mitos e os heroes grecolatinos e establecer semellanzas e diferenzas cos mitos e os heroes doutras culturas e os actuais. Orixes e funcións.
CA2.3 - Comparar as características da relixiosidade e da relixión grega coas actuais.
CA2.4 - Describir os fundamentos da relixiosidade romana e distinguir a relixión oficial das manifestacións do culto privado.
Contidos
C2.1 - Cosmogonía. Teogonía. O panteón grego e romano.
C2.2 - Mitos grecolatinos. Orixes e funcións. Os heroes e heroínas. Perduración da mitoloxía nas manifestacións artísticas, literarias e na publicidade.
C2.3 - Relixión grega: cultos, santuarios e oráculos.
C2.4 - Relixión romana: culto público e privado.
Bloque B3. Arte
Criterios de avaliación		 UD 1 UD 2 UD 3 UD 4 UD 5 UD 6 UD 7 UD 8 UD 9 UD 10 UD 11 UD 12
CA3.1 - Distinguir as características fundamentais da arte clásica e relacionar manifestacións artísticas actuais cos seus modelos clásicos.
CA3.2 - Identificar as características máis salientables da arquitectura grecorromana en relación cos edificios máis singulares.
CA3.3 - Recoñecer as manifestacións escultóricas da arte grega e romana ao longo da Antigüidade e identificar a súa temática en obras representativas.
CA3.4 - Diferenciar as creacións urbanísticas romanas das outras épocas, así como a súa rede viaria, facendo fincapé no contorno do alumnado.
CA3.5 - Saber localizar os principais monumentos clásicos do patrimonio español e europeo.
Contidos
C3.1 - Fundamentos e etapas da arte clásica.
C3.2 - Arquitectura en Grecia e Roma: tipos de edificios e ordes arquitectónicas.
C3.3 - Escultura en Grecia e Roma: etapas, estilos e temáticas.
C3.4 - Enxeñería romana: obras públicas e urbanismo. Vías romanas.
C3.5 - Herdanza clásica no patrimonio artístico en Europa en xeral e en Galicia en concreto.
Bloque B4. Sociedade e vida cotiá
Criterios de avaliación		 UD 1 UD 2 UD 3 UD 4 UD 5 UD 6 UD 7 UD 8 UD 9 UD 10 UD 11 UD 12
CA4.1 - Identificar as características das principais formas de organización política presentes no mundo clásico, e establecer semellanzas e diferenzas entre elas e cos sistemas políticos actuais.
CA4.2 - Distinguir as características e a evolución das clases sociais en Grecia e Roma.
CA4.3 - Describir a composición da familia e os papeis asignados aos seus membros.
CA4.4 - Coñecer os trazos máis salientables da vida cotiá en Grecia e Roma.
CA4.5 - Identificar as principais formas de lecer da Antigüidade e comparalas coas actuais.
CA4.6 - Relacionar e establecer semellanzas e diferenzas entre as manifestacións deportivas da Grecia clásica e as actuais.
Contidos
C4.1 - Organización política en Grecia e en Roma: formas de goberno e institucións.
C4.2 - Sociedade en Grecia e Roma: clases sociais. A escravitude.
C4.3 - A familia en Grecia e Roma. Roles dos seus membros; situación da muller.
C4.4 - Vida cotiá en Grecia e Roma: vivenda, hixiene, alimentación, vestimenta e traballo.
C4.5 - Os espectáculos públicos en Grecia e Roma.
Bloque B5. Lingua e literatura
Criterios de avaliación		 UD 1 UD 2 UD 3 UD 4 UD 5 UD 6 UD 7 UD 8 UD 9 UD 10 UD 11 UD 12
CA5.1 - Distinguir diversos tipos de escritura, comprender as súas funcións e a orixe do alfabeto e dos tipos de sistemas de escritura usados na actualidade e recoñecer a presenza de elementos dos alfabetos grego e latino nos alfabetos actuais.
CA5.2 - Identificar a orixe común das linguas indoeuropeas, distinguir as linguas europeas romances das non romances e recoñecer a orixe grecolatina do léxico das linguas de España e doutras linguas modernas.
CA5.3 - Distinguir e identificar latinismos, cultismos, semicultismos e termos patrimoniais e facer evolucións desde o latín ao galego e ao castelán, tendo en conta os fenómenos fonéticos.
CA5.4 - Utilizar con propiedade terminoloxía científico-técnica de orixe grecolatina e constatar o influxo das linguas clásicas en linguas non derivadas delas.
CA5.5 - Identificar as principais características dos xéneros literarios grecolatinos, a súa influencia na literatura posterior e os fitos esenciais das literaturas grega e latina como base literaria da cultura europea e occidental.
CA5.6 - Usar as fórmulas de saúdo e presentación en latín e grego e fraseoloxía básica da aula.
Contidos
C5.1 - Historia da escritura. Tipos de escritura, materiais e soportes.
C5.2 - Orixe do alfabeto. O alfabeto grego e o abecedario latino.
C5.3 - As linguas do mundo. O indoeuropeo e as súas familias lingüísticas.
C5.4 - As linguas romances.
C5.5 - Composición e derivación culta de orixe grega e latina.
C5.6 - Latinismos, palabras patrimoniais, cultismos e semicultismos.
C5.7 - Principais regras de evolución fonética do latín ao galego e ao castelán.
C5.8 - Léxico grecolatino na linguaxe común e na científica e técnica.
C5.9 - Presenza das linguas clásicas nas linguas modernas.
C5.10 - Xéneros literarios grecolatinos: autores e obras principais.
C5.11 - Fórmulas básicas de saúdo e presentación en latín e grego, e fraseoloxía básica do medio escolar.
Bloque B6. Perduración na actualidade
Criterios de avaliación		 UD 1 UD 2 UD 3 UD 4 UD 5 UD 6 UD 7 UD 8 UD 9 UD 10 UD 11 UD 12
CA6.1 - Recoñecer a presenza da civilización clásica nas artes e na organización social e política.
CA6.2 - Coñecer a perduración da mitoloxía e os temas lendarios nas manifestacións artísticas actuais.
CA6.3 - Identificar os aspectos máis importantes da historia de Grecia e Roma e a súa presenza no noso país e recoñecer as pegadas da cultura romana en diversos aspectos da civilización actual.
CA6.4 - Investigar sobre a perduración da civilización clásica na contorna, utilizando as tecnoloxías da información e da comunicación.
Contidos
C6.1 - Presenza da civilización grecolatina nas artes e na organización social e política actual.
C6.2 - Mitoloxía e temas lendarios nas manifestacións artísticas actuais.
C6.3 - Historia de Grecia e Roma e a súa presenza no noso país. A presenza de Grecia e Roma na Península Ibérica. A romanización de Hispania e a da Gallaecia.
C6.4 - Investigación sobre a perduración da civilización clásica na nosa cultura.

3.3. Avaliación das unidades didácticas (Elaborado)



1 Xeografía de Grecia e do Imperio Romano
Criterios de avaliación * Tipo de instrumento * Grao mínimo de consecución * % peso
CA1.1 Describir os marcos xeográficos en que se desenvolven as civilizacións grega e romana ao longo da súa historia.
Proba escrita
Describir axeitadamente en formato papel ou en liña polo menos un 60 % das localizacións propostas. 20
CA1.2 Localizar nun mapa en soporte papel e dixital fitos xeográficos e enclaves concretos relevantes para o coñecemento das civilizacións grega e romana.
Proba escrita
Localizar en mapas en formato papel ou en liña polo menos un 60 % das localizacións propostas. 60
CA6.3 Identificar os aspectos máis importantes da historia de Grecia e Roma e a súa presenza no noso país e recoñecer as pegadas da cultura romana en diversos aspectos da civilización actual.
Táboa de indicadores
Atopar elementos da presenza clásica na civilización actual a través de investigacións en internet e na biblioteca. 20

2 Historia de Grecia e do Imperio Romano
Criterios de avaliación * Tipo de instrumento * Grao mínimo de consecución * % peso
CA1.3 Identificar, describir e explicar o marco histórico e as etapas en que se desenvolven as civilizacións grega e romana.
Proba escrita
O alumnado debe saber relacionar en orde cronolóxica cada unha das etapas históricas e coñecer, cando menos, algunha característica identificativa. 20
CA1.4 Identificar as principais características de cada período da historia de Grecia e Roma, o papel que desempeñan os seus protagonistas e saber situar nun eixe cronolóxico feitos históricos.
Proba escrita
O alumnado debe recoñecer algunhas características, persoeiros, feitos históricos, etc. e saber elaborar un eixe cronolóxico coas datas propostas. 40
CA1.5 Identificar as características fundamentais da romanización de Hispania e Gallaecia.
Proba escrita
O alumnado deberá coñecer e identificar máis da metade das características propostas. 20
CA6.3 Identificar os aspectos máis importantes da historia de Grecia e Roma e a súa presenza no noso país e recoñecer as pegadas da cultura romana en diversos aspectos da civilización actual.
Táboa de indicadores
Atopar elementos da presenza clásica na civilización actual a través de investigacións en internet e na biblioteca. 20

3 Mitoloxía grecorromana
Criterios de avaliación * Tipo de instrumento * Grao mínimo de consecución * % peso
CA2.1 Identificar os principais deuses e deusas da mitoloxía grecolatina.
Táboa de indicadores
O alumnado deberá identificar grazas aos atributos un 50 % polo menos das cuestións propostas. 20
CA2.2 Recoñecer os mitos e os heroes grecolatinos e establecer semellanzas e diferenzas cos mitos e os heroes doutras culturas e os actuais. Orixes e funcións.
Táboa de indicadores
O alumnado deberá recoñocer, cando menos, máis da metade dos mitos e heroes propostos, atopando semellanzas con outras mitoloxías. 20
CA2.3 Comparar as características da relixiosidade e da relixión grega coas actuais.
Proba escrita
O alumnado deberá atopar algunha semellanza e conexión entre a relixión grega e as actuais. 15
CA2.4 Describir os fundamentos da relixiosidade romana e distinguir a relixión oficial das manifestacións do culto privado.
Proba escrita
O alumnado deberá distinguir polo menos a metade dos indicadores que diferenzan o culto público do privado. 15
CA6.1 Recoñecer a presenza da civilización clásica nas artes e na organización social e política.
Táboa de indicadores
Atopar elementos da presenza clásica na civilización actual a través de investigacións en internet e na biblioteca. 10
CA6.2 Coñecer a perduración da mitoloxía e os temas lendarios nas manifestacións artísticas actuais.
Táboa de indicadores
Atopar elementos da presenza clásica nas manifestacións artísticas actuais a través de investigacións en internet e na biblioteca. 10
CA6.4 Investigar sobre a perduración da civilización clásica na contorna, utilizando as tecnoloxías da información e da comunicación.
Táboa de indicadores
Atopar elementos da presenza clásica na contorna a través de investigacións en internet e na biblioteca. 10

4 Arte grecorromana
Criterios de avaliación * Tipo de instrumento * Grao mínimo de consecución * % peso
CA3.1 Distinguir as características fundamentais da arte clásica e relacionar manifestacións artísticas actuais cos seus modelos clásicos.
Proba escrita
Atopar elementos da presenza clásica na contorna a través de investigacións en internet e na biblioteca. 15
CA3.2 Identificar as características máis salientables da arquitectura grecorromana en relación cos edificios máis singulares.
Proba escrita
O alumnado deberá identificar un 50 % polo menos das cuestións propostas. 15
CA3.3 Recoñecer as manifestacións escultóricas da arte grega e romana ao longo da Antigüidade e identificar a súa temática en obras representativas.
Táboa de indicadores
O alumnado deberá recoñecer e identificar un 50 % polo menos das cuestións propostas. 15
CA3.4 Diferenciar as creacións urbanísticas romanas das outras épocas, así como a súa rede viaria, facendo fincapé no contorno do alumnado.
Táboa de indicadores
O alumnado deberá diferenciar un 50 % polo menos das cuestións propostas. 15
CA3.5 Saber localizar os principais monumentos clásicos do patrimonio español e europeo.
Táboa de indicadores
O alumnado deberá localizar un 50 % polo menos das cuestións propostas. 10
CA6.1 Recoñecer a presenza da civilización clásica nas artes e na organización social e política.
Táboa de indicadores
Atopar elementos da presenza clásica nas manifestacións artísticas actuais e na sociedade e política a través de investigacións en internet e na biblioteca. 10
CA6.2 Coñecer a perduración da mitoloxía e os temas lendarios nas manifestacións artísticas actuais.
Proba escrita
Atopar elementos da mitoloxía clásica nas manifestacións artísticas actuais a través de investigacións en internet e na biblioteca. 10
CA6.4 Investigar sobre a perduración da civilización clásica na contorna, utilizando as tecnoloxías da información e da comunicación.
Táboa de indicadores
Atopar elementos da civilización clásica na contorna a través de investigacións en internet e na biblioteca. 10

5 Política
Criterios de avaliación * Tipo de instrumento * Grao mínimo de consecución * % peso
CA4.1 Identificar as características das principais formas de organización política presentes no mundo clásico, e establecer semellanzas e diferenzas entre elas e cos sistemas políticos actuais.
Proba escrita
O alumnado deberá identificar un 50 % polo menos das cuestións propostas e establecer a súas semellanzas e diferenzas cos sistemas políticos actuais. 50
CA6.1 Recoñecer a presenza da civilización clásica nas artes e na organización social e política.
Táboa de indicadores
Atopar elementos da presenza clásica na civilización actual a través de investigacións en internet e na biblioteca. 25
CA6.4 Investigar sobre a perduración da civilización clásica na contorna, utilizando as tecnoloxías da información e da comunicación.
Táboa de indicadores
Atopar elementos da presenza clásica na civilización actual a través de investigacións en internet e na biblioteca. 25

6 Sociedade
Criterios de avaliación * Tipo de instrumento * Grao mínimo de consecución * % peso
CA4.2 Distinguir as características e a evolución das clases sociais en Grecia e Roma.
Proba escrita
O alumnado deberá distinguir un 50 % polo menos das cuestións propostas. 20
CA4.3 Describir a composición da familia e os papeis asignados aos seus membros.
Proba escrita
O alumnado deberá describir un 50 % polo menos das cuestións propostas. 20
CA4.4 Coñecer os trazos máis salientables da vida cotiá en Grecia e Roma.
Proba escrita
O alumnado deberá demostrar que coñece un 50 % polo menos das cuestións propostas. 20
CA6.1 Recoñecer a presenza da civilización clásica nas artes e na organización social e política.
Táboa de indicadores
Atopar elementos da presenza clásica na civilización actual a través de investigacións en internet e na biblioteca. 20
CA6.4 Investigar sobre a perduración da civilización clásica na contorna, utilizando as tecnoloxías da información e da comunicación.
Táboa de indicadores
Atopar elementos da presenza clásica na civilización actual a través de investigacións en internet e na biblioteca. 20

7 Espectáculos públicos
Criterios de avaliación * Tipo de instrumento * Grao mínimo de consecución * % peso
CA4.5 Identificar as principais formas de lecer da Antigüidade e comparalas coas actuais.
Táboa de indicadores
O alumnado deberá identificar e comparar un 50 % polo menos das cuestións propostas. 40
CA4.6 Relacionar e establecer semellanzas e diferenzas entre as manifestacións deportivas da Grecia clásica e as actuais.
Táboa de indicadores
O alumnado deberá relacionar e establecer semellanzas nun 50 % polo menos das cuestións propostas. 40
CA6.4 Investigar sobre a perduración da civilización clásica na contorna, utilizando as tecnoloxías da información e da comunicación.
Táboa de indicadores
Atopar elementos da presenza clásica na civilización actual a través de investigacións en internet e na biblioteca. 20

8 Familias lingüísticas
Criterios de avaliación * Tipo de instrumento * Grao mínimo de consecución * % peso
CA5.2 Identificar a orixe común das linguas indoeuropeas, distinguir as linguas europeas romances das non romances e recoñecer a orixe grecolatina do léxico das linguas de España e doutras linguas modernas.
Proba escrita
O alumnado deberá identificar, distinguir, recoñecer e relacionar un 50 % polo menos das cuestións propostas. 100

9 Escritura
Criterios de avaliación * Tipo de instrumento * Grao mínimo de consecución * % peso
CA5.1 Distinguir diversos tipos de escritura, comprender as súas funcións e a orixe do alfabeto e dos tipos de sistemas de escritura usados na actualidade e recoñecer a presenza de elementos dos alfabetos grego e latino nos alfabetos actuais.
Táboa de indicadores
O alumnado deberá identificar, distinguir, recoñecer e relacionar un 50 % polo menos das cuestións propostas. 100

10 Helenismos e latinismos
Criterios de avaliación * Tipo de instrumento * Grao mínimo de consecución * % peso
CA5.3 Distinguir e identificar latinismos, cultismos, semicultismos e termos patrimoniais e facer evolucións desde o latín ao galego e ao castelán, tendo en conta os fenómenos fonéticos.
Proba escrita
O alumnado deberá distinguir e identificar un 50 % polo menos das cuestións propostas. 40
CA5.4 Utilizar con propiedade terminoloxía científico-técnica de orixe grecolatina e constatar o influxo das linguas clásicas en linguas non derivadas delas.
Proba escrita
O alumnado deberá utilizar con propiedade un 50 % polo menos das cuestións propostas. 40
CA6.4 Investigar sobre a perduración da civilización clásica na contorna, utilizando as tecnoloxías da información e da comunicación.
Táboa de indicadores
Atopar elementos da presenza clásica na civilización actual a través de investigacións en internet e na biblioteca. 20

11 Literatura
Criterios de avaliación * Tipo de instrumento * Grao mínimo de consecución * % peso
CA5.5 Identificar as principais características dos xéneros literarios grecolatinos, a súa influencia na literatura posterior e os fitos esenciais das literaturas grega e latina como base literaria da cultura europea e occidental.
Proba escrita
Atopar elementos da presenza clásica na civilización actual a través de investigacións en internet e na biblioteca. 75
CA6.4 Investigar sobre a perduración da civilización clásica na contorna, utilizando as tecnoloxías da información e da comunicación.
Táboa de indicadores
Atopar elementos da presenza clásica na civilización actual a través de investigacións en internet e na biblioteca. 25

12 Fraseoloxía en grego e latín
Criterios de avaliación * Tipo de instrumento * Grao mínimo de consecución * % peso
CA5.6 Usar as fórmulas de saúdo e presentación en latín e grego e fraseoloxía básica da aula.
Táboa de indicadores
O alumnado deberá usar un 50 % polo menos das cuestións propostas. 100

4.1. Concrecións metodolóxicas (Elaborado)


- Uso das tecnoloxías informáticas para a busca de información como ferramenta de traballo, consulta e exercicio interactivo, propiciando con iso o afondamento nas técnicas de investigación, procura, selección e presentación da información tanto de forma oral como escrita ou visual.

- Recursos como a cartografía e a elaboración de eixes cronolóxicos tanto en formato papel como mediante recursos en liña, aplicacións que permiten percorridos virtuais polas localizacións máis destacadas do mundo grecorromano e visualizar vídeos sobre os contidos referidos especialmente ao primeiro bloque, así como dos lugares de culto marcados por unha contorna xeográfica moi particular e grazas a iso poderá conectarse a xeografía coa arqueoloxía, a relixión ou a mitoloxía, especialmente no caso do mundo grego.

- Vincular o desenvolvemento da materia á lectura de textos clásicos ou referidos ao mundo grecorromano (fragmentos de obras orixinais, adaptacións, textos historiográficos, etc.) para traballar transversalmente a comprensión lectora, de tal maneira que sexa a lectura a que dea pé á explicación dos contidos, como elementos referenciais precisos para entender os textos. Esta metodoloxía permite:

a) Traballar a mecánica da lectura (tanto silenciosa como en voz alta) como a comprensión lectora.

b) Facer un achegamento á crítica textual, en conexión coas materias de Lingua Galega e Castelá.

c) Incentivar a participación na aula do alumnado a través da expresión de ideas e reflexións, facendo especial fincapé no desenvolvemento da capacidade comunicativa en público.

d) Romper co achegamento academicista tradicional, nunha materia que se presta á innovación e á experimentación.

- A experimentación con outras metodoloxías como o traballo por proxectos significativos para o alumnado, a clase invertida (flipped classroom), a aprendizaxe colaborativa, a ludificación, etc. Estas metodoloxías permiten maximizar o tempo útil de traballo práctico na aula, optimizan resultados e fan o proceso de ensinanza máis inclusivo e variado reforzando a autoestima, a autonomía, a reflexión e a responsabilidade.

4.2. Materiais e recursos didácticos (Elaborado)


Denominación
Cultura Clásica, libro dixital da editorial Edebé albergado na plataforma EVA de E-Dixgal.
Materiais de elaboración propia coa incorporación de contidos e actividades seleccionadas do libro dixital.
Enderezo electrónico, acceso a internet (casa, biblioteca...) Plataforma EVA de E-Dixgal.
Caderno de escritura tamaño DIN A4 con cuadrícula.

Utilizaremos alternativamente os materiais de E-Dixgal e os elaborados polo profesor, de tal maneira que o minipórtatil se utilice en clase para realizar algún exercicio ou cuestionario ou para unha busca puntual de información. Porén, durante as explicacións e o traballo habitual en clase utilizarase o encerado tanto convencional como dixital.

 


5.1. Procedemento para a avaliación inicial (Elaborado)


Aínda que se trata dunha materia que o alumnado non cursou con anterioridade, hai que considerar o posible alumnado repetidor e os coñecementos previos sobre o mundo grecorromano que poidan ter adquirido en cursos previos, noutras materias como Xeografía e Historia ou materias lingüísticas. Por esta razón, e para adecuar as explicacións ao nivel de coñecementos da clase, formularemos unha proba escrita de diagnóstico con cuestións diversas xerais referidas a cada unha das unidades didácticas do curso.

 

5.2. Criterios de cualificación e recuperación (Elaborado)


Pesos na materia 
Instrumentos de avaliación UD 1 UD 2 UD 3 UD 4 UD 5 UD 6 UD 7 UD 8 UD 9 UD 10 UD 11 UD 12 Total programación
Pesos das unidades didácticas (%) 9.0 9.0 10.0 10.0 8.0 8.0 8.0 8.0 8.0 8.0 8.0 6.0 100.0
Proba escrita 80.0 80.0 30.0 40.0 50.0 60.0 0.0 100.0 0.0 80.0 75.0 0.0 50.60000000000001
Táboa de indicadores 20.0 20.0 70.0 60.0 50.0 40.0 100.0 0.0 100.0 20.0 25.0 100.0 49.400000000000006

 

Por unidades didácticas estableceuse o peso que se lle daba aos instrumentos de avaliación resultando que as probas escritas é do 70% e o das táboas de indicadores un 30%.

 

As probas escritas puntuaranse nunha escala de 1 a 10 e consistirán na contestación dunha serie de preguntas de diverso formato, por exemplo, poden ser de desenvolver, curtas ou tipo test; de relacionar conceptos; de identificar e comentar imaxes; de definir termos; etc. Sempre se especificará o valor de cada pregunta, entendendo que se está contestada correctamente levará a puntuación máxima pero, de non ser así, a puntuación diminuirá en consecuencia cuns criterios obxectivos que o docente debe ter previamente fixados. Finalmente a cualificación do exame será o resultado da suma total da puntuación acadada en cada cuestión.

 

A táboa de indicadores comprenderá todas as tarefas e aspectos procedimentais que se encomenden ao alumnado que poden ser traballos escritos; informes e redaccións; presentacións en ordenador; cadernos e cartafol; resumos; exposicións orais, etc. Para a corrección destes traballos empregaranse as rúbricas adaptadas a cada tarefa entre as que figurará unha que recolla a actitude e implicación do/da alumno/a no traballo, deste xeito considérase o interese como aspecto a valorar. Para as rúbricas establécense os seguintes parámetros: excelente 10; ben 7; regular 5; moi regular 4, deficiente 3 e moi deficiente 1 e 2, valores cos que logo se extrae a media.

 

A nota da avaliación será o resultado de:

 

Nota avaliación= [ (Media Ex. x 70)+ (Media rúbricas T.I.x30)] / 100.

 

Unha vez realizadas as operacións, aplicarase o redondeo tendo en conta que cando o decimal é superior a 5 o redondeo irá á alza e, pola contra, se é inferior, irá á baixa. A avaliación estará aprobada cando a cualificación sexa 5 ou superior. Se o docente observa que o alumno ou alumna aprobou a avaliación pero ten algunha parte ou tema pouco afianzado, poderá poñerlle algún traballo de reforzo. No caso de resultar unha avaliación negativa levarase a cabo un plan de recuperación.

Ao longo do curso realizaranse para cada grupo 3 sesións de avaliación parciais. A cualificación da avaliación final será a media do resultados obtidos ao longo do curso.

 

 

 

O alumnado que suspendera algunha avaliación poderá presentarse ás probas de recuperación da materia para acadar os obxectivos estipulados. O profesorado, en función das necesidades educativas do alumnado, pediralle a realización de probas escritas ou outras actividades que considere axeitadas. Ao longo do curso aplicaranse tamén medidas de reforzo. As recuperacións das avaliacións suspensas terán lugar nas datas indicadas pola profesora.

5.3. Procedemento de seguimento, recuperación e avaliación das materias pendentes (Elaborado)


Non resulta de aplicación neste curso

5.4. Procedemento para acreditar os coñecementos necesarios en determinadas materias (Elaborado)


Non resulta de aplicación nesta etapa

6. Medidas de atención á diversidade (Elaborado)


O principal obxectivo destas medidas é o seguimento do alumnado que require unha atención especial en función das súas características, motivacións ou circunstancias educativas e persoais, e o de aquel alumnado que permanece un ano máis no mesmo curso, seguindo o artigo 52 da Orde do 8 setembro 2021 de atención á diversidade no que se regula o plan específico personalizado para este alumnado.

 

Sendo a Cultura Clásica unha materia optativa, xa constitúe unha das vías que establecen resposta á diversidade de intereses e necesidades do alumnado. Con carácter xeral a ensinanza debe ter unha natureza individualizada, que tome en consideración o punto de partida de cada alumno ou alumna, traballando na medida do posible de xeito particular sobre a súa motivación, os seus intereses e as súas capacidades de aprendizaxe. Neste sentido débese prestar atención especial ao alumnado con necesidades específicas de apoio educativo. De xeito ordinario adoptaranse unha serie de medidas encamiñadas a previr ou compensar dificultades leves mediante a adecuación do currículo vixente, sen alterar ningún dos seus elementos prescritivos, co fin de que a diversidade do alumnado acade as capacidades establecidas nos obxectivos. Neste sentido tomaranse medidas como:

 

- Concreción e disposición secuencial de obxectivos.

- Metodoloxías que favorezan a participación de todo o alumnado: aprendizaxe cooperativa, aprendizaxe seguida de cerca polo titor, maior participación, combinación de actividades (individual, por grupos, exposición, investigación, etc.), aprendizaxe autónoma, etc.

- Diversificar procedementos de avaliación.

- Reforzar valores e determinadas capacidades de tipo emocional.

- Reunións periódicas do equipo docente convocadas polo profesorado titor. Seguimento de casos e intervención cando a situación o aconselle.

- É fundamental e accesible tamén o reforzo da lectura comprensiva na nosa materia.

- Outras medidas como a ampliación e afondamento para alumnado que o requira, recuperación, reforzo, adaptacións, etc.

 

É posible que polas circunstancias persoais, sociais ou culturais dalgún alumno ou alumna sexa necesaria unha adaptación curricular significativa, o que implicará modificacións de elementos de prescrición do currículo como os obxectivos, contidos ou criterios de avaliación, mesmo no que se refire a concrecións metodolóxicas, aínda que esta medida só se tomará despois de explorar todas as posibilidades ordinarias. A adopción deste proceder será autorizada por Inspección Educativa e tras este paso decidirase que elementos do currículo deberán ser modificados. Nestes casos, a avaliación axustarase aos criterios individualizados establecidos na adaptación curricular, tendo sempre como referente os obxectivos da etapa á hora da promoción.

 

Estas medidas poderanse tomar nos seguintes casos:

- alumnado con altas capacidades intelectuais.

- alumnado con necesidades educativas especiais.

- alumnado con integración tardía no sistema educativo.

- alumnado que permanece máis dun ano no mesmo curso.

 

Para o alumnado con dificultades de aprendizaxe, o departamento preparará e entregaralles un material de apoio para traballar durante as fins de semana e períodos de vacacións. Este material (que se elaborará determinando aqueles aspectos que o alumno non consegue facer, os contidos que hai que traballar e a metodoloxía que hai que utilizar) deberao presentar rematado á volta do período vacacional. Durante a clase poderán resolverse as súas dúbidas mentres o resto de compañeiros prepara outra actividade. O tipo de traballo que se preparará obedecerá a unha ampla gama de exercicios e actividades, estruturada da seguinte forma:

- exercicios previos para comprender mellor a materia.

- exercicios prácticos variados para desenvolver os contidos necesarios.

- exercicios de repaso daqueles coñecementos menos adquiridos.

 

Do mesmo xeito, ao alumnado que amose un especial interese, procurarase entregarlle material (todo tipo de recursos materiais e recursos en rede) para ofrecerlle a posibilidade de profundar en aspectos concretos do programa de contidos.

7.1. Concreción dos elementos transversais (Elaborado)


Concreción dos elementos transversais que se traballarán no curso 
Secuencia Elementos transversais UD 1 UD 2 UD 3 UD 4 UD 5 UD 6 UD 7 UD 8 UD 9 UD 10 UD 11 UD 12
1 A comprensión lectora.
2 A expresión oral e escrita.
3 A comunicación audiovisual.
4 A competencia dixital.
5 O emprendemento social e empresarial.
6 O fomento do espírito crítico e científico.
7 A educación emocional e en valores.
8 A igualdade de xénero.
9 A creatividade.
10 A educación para a paz.

Os elementos transversais son valores que teñen unha traxectoria histórica e, baixo o exemplo civilizador do mundo clásico, intégranse no currículo desde a perspectiva dos contidos de Grecia e Roma e tradúcense nunha vontade permanente de exemplificar a través deles e destacar respecto a dereitos e liberdades fundamentais, á participación, á liberdade, a xustiza, a igualdade, ao pluralismo político, a paz e a democracia, desenvolvendo a través da metodoloxía do currículo unha educación para a convivencia e o respecto nas relacións interpersoais, impulso da igualdade real e efectiva entre mulleres e homes, a tolerancia e o recoñecemento da diversidade e rexeitamento a calquera forma de violencia.

 

É importante mencionar o interese que a metodoloxía do currículo ten en educar a capacidade de escoita activa, a empatía e o diálogo. Igualmente o autocontrol no uso das tecnoloxías da información e a comunicación, a convivencia e os hábitos de vida saudable, motivando o espírito emprendedor que xera un emprego sostible a través dunha posta en valor e uso respectuoso da herdanza clásica que o rico patrimonio clásico atesoura.

 

Como eixes vertebradores deste apartado, teranse en conta a comprensión lectora, a expresión oral e escrita, a comunicación audiovisual, as tecnoloxías da información e a comunicación, o emprendemento, a educación emocional, a igualdade de xénero e a creatividade.

7.2. Actividades complementarias (Elaborado)


Actividade Descrición 1º trim. 2º trim. 3º trim.
Participación no concurso en liña "Odisea". Concurso sobre coñecementos do mundo clásico organizado pola Sociedade Española de Estudos Clásicos en torno ao mes de febreiro.

Algunha outra actividade como asistencia a exposicións, charlas ou acontecementos que poidan xurdir durante o curso.

8.1. Procedemento para avaliar o proceso do ensino e a practica docente cos seus indicadores de logro (Elaborado)


Categoría indicador de logro Indicadores de logro
Adecuación da programación didáctica e da súa propia planificación ao longo do curso académico 1 Planificación adecuada: número, duración das actividades, coherencia e nivel de dificultade.
Clima de traballo na aula 2 Grao de motivación logrado na aula, participación e progreso do alumnado e valoración de resultados finais.
Adecuación da programación didáctica e da súa propia planificación ao longo do curso académico 3 Obxectivos alcanzados e selección de contidos.
Metodoloxía empregada 4 Pertinencia e accesibilidade dos materiais utilizados.
Medidas de atención á diversidade 5 Resultado das medidas de atención á diversidade.
Metodoloxía empregada 6 Tratamento dos elementos transversais e actividades complementarias.

En canto ao indicador 1 usarase unha folla de rexistro en distintos momentos do curso, especialmente ao remate de cada unidade didáctica e unha enquisa con preguntas directas ao alumnado para valorar os elementos positivos e negativos.

 

Para o indicador 2 usaremos cuestionarios ao alumnado que pasaremos ao final de cada trimestre para ver a evolución do proceso. Ademais, os resultados de aprendizaxe en cada avaliación, serán analizados para comprobar que estamos conseguindo os obxectivos.

 

Avaliaremos o proceso de ensino e a práctica docente utilizando rúbricas para os indicadores do grupo 3 a 6 ao final de curso.

 

A información obtida permitiranos realizar o contraste da práctica educativa co programado, a fin de realizar a revisión e, se fose necesario, a modificación das decisións que adoptásemos.

8.2. Procedemento de seguimento, avaliación e propostas de mellora (Elaborado)


A nosa programación constitúese como un instrumento vivo que o docente seguirá como marco de referencia e que permite introducir as correccións e melloras pertinentes, evitando así as improvisacións. Todo iso conseguirase seguindo as directrices desenvolvidas nos puntos e elementos anteriores dunha maneira flexible e adaptándose ás circunstancias concretas do centro e do alumnado.

 

A programación, nos puntos que se estime, revisarase nas reunións que o Departamento celebra, como mínimo cada mes, especialmente despois de analizar os resultados de cada unha das avaliacións, así como en calquera momento no que os membros do Departamento o consideren oportuno. Calquera cambio que se realice será comunicado aos membros da comunidade educativa que se vexan afectados.

 

Os elementos que serán revisados de maneira especial serán os seguintes:

- Número de sesións previstas e número de sesións utilizadas en cada UD.

- Orde dos contidos explicados.

- Actividades realizadas.

- Grao de cumprimento da UD.

- Obxectivos alcanzados.

- Propostas de mellora.

 

Estes cambios e adaptacións serán recollidos nas correspondentes actas de reunión, no apartado de seguimento da propia plataforma Proens e posteriormente na memoria final de curso.

 

Na derradeira reunión de departamento recolleranse as propostas de mellora de cara a modificar e mellorar a programación da materia no vindeiro curso.

9. Outros apartados (Elaborado)


Outros apartados
1. Recuperación da materia pendente en 3º ESO

Dado que este curso hai un alumno que está cursando 4º ESO PDC pero ten a materia de Cultura clásica de 3º da ESO pendente, é necesario facer un seguimento da materia e a súa respectiva  recuperación. O procedemento a seguir constará na entrega dunha compilación de exercicios de preguntas curtas sobre os bloques de contidos  que se lle entregarán en man ao alumno en dúas entregas: 

A primeira será a principio do mes de outubro e deberá ser devolta ao profesor con data límite o 29/11

A segunda  que se fará en xaneiro deberá ser devolta  con data límite o 28/02

En caso da non entrega  ou a súa mala realización, haberá un exame escrito a última semana de abril. Considerarase superada a materia obténdose unha nota igual ou superior a 5 puntos.

 

Volver