Convócanse os Premios "CreArte" para o fomento da creatividade na educación infantil, primaria, especial e secundaria para o ano 2012.

Obxectivos:

O obxectivo principal dos Premios é fomentar o papel da creatividade como elemento transversal da educación infantil, primaria, especial e secundaria. Recoñecendo, destacando e dando visibilidade a aqueles métodos de ensino, proxectos, traballos ou actividades elaborados polos centros máis innovadores, participativos e que contribúan a:

• Promover a actividade creadora dos alumnos en, e a través de, medios expresivos como son a música, a literatura, a fotografía ou calquera outra modalidade das artes plásticas, escénicas ou audiovisuais.
• Promover a posta en valor e o estímulo das capacidades creativas e de innovación dos alumnos aplicada ao proceso de aprendizaxe.
• Educar no respecto aos dereitos de autor.

Modalidades:

O premio terá catro modalidades:

• Modalidade A: Métodos de ensino, proxectos, traballos ou actividades realizados en centros financiados con fondos públicos de Educación Infantil.
• Modalidade B: Métodos de ensino, proxectos, traballos ou actividades realizadas en centros financiados con fondos públicos de Educación Especial.
• Modalidade C: Métodos de ensino, proxectos, traballos ou actividades realizadas en centros financiados con fondos públicos de Educación Primaria.
• Modalidade D: Métodos de ensino, proxectos, traballos ou actividades realizadas en centros financiados con fondos públicos de Educación Secundaria Obrigatoria e en Institutos de Educación Secundaria, tanto obrigatoria como postobligatoria (Bacharelato e Formación Profesional).

Prazo:

Prazo para presentar a solicitude ata o 29 de setembro de 2012, acompañada da memoria e do resto da documentación que se solicita.