Xúntase a Resolución do 16 de maio de 2023 da Comisión de Selección, pola que se aproba e se fai pública a relación provisional de persoas propostas para superar os procedementos selectivos extraordinarios de estabilización para o ingreso, mediante concurso de méritos, aos corpos de profesores de ensino secundario, profesores especialistas en sectores singulares da formación profesional, profesores de escolas oficiais de idiomas, catedráticos de música e artes escénicas, profesores de música e artes escénicas, profesores de artes plásticas e deseño, mestres de taller de artes plásticas e deseño e de mestres da Comunidade Autónoma de Galicia (código de procedemento ED001B) (DOG n.º 206, do 28 de outubro, corrección de erros, DOG n.º 216, do 14 de novembro).

De acordo co establecido no apartado sexto da base décimo terceira, aquelas persoas aspirantes que, en virtude da publicación da listaxe provisional de persoas propostas para superar o procedemento selectivo, acaden a puntuación para ingresar por máis dunha especialidade do mesmo corpo deberán optar por ingresar nunha delas, por medios electrónicos, mediante o trámite activado para este efecto na carpeta cidadá, no procedemento normalizado código ED001B, no prazo comprendido entre o día 19 de maio de 2023 ao 23 de maio de 2023, ambos incluídos.

Para os efectos de formular a RENUNCIA NA/S ESPECIALIDADE/S ASIGNADA/S NA PROPOSTA PROVISIONAL NA/S QUE NON DESEXAN INGRESAR deberá procederse do seguinte xeito PARA CADA UNHA DELAS:

Nota: Cómpre revisar previamente e detidamente o seguinte documento: “Instrucións dereito de opción de ingreso”

1.-Acceder á sede electrónica da Xunta de Galicia e autenticarse no seguinte enderezo: https://sede.xunta.gal/ [2]

2.- Localizar no apartado de “Últimos expedientes e presentacións”, a ÚLTIMA solicitude do procedemento ED001B correspondente á/s especialidad/es á/s que non desexa ingresar. Para estes efectos cómpre premer no rexistro no que consta presentado a dita solicitude e posteriormente no apartado “Documentación”, descargar o documento correspondente á solicitude normalizada para verificar á especialidade á que desexa renunciar.

3.-Posteriormente, na marxe dereita no apartado “QUE PODO FACER? Premer no trámite de “Renuncia” incardinado na dita solicitude na que figura a especialidade á que desexa renunciar.

4º. A continuación, siga os pasos indicados: cubrir datos, asinar e presentar no rexistro electrónico e obter recibo.

Posteriormente formulará un correo electrónico dirixido a persoal.primaria@edu.xunta.gal [3] ou persoal.secundaria@edu.xunta.gal [4], segundo a adscrición da especialidade na que se xuntará o/s trámite/s presentado/s na sede electrónica e no asunto sinalará: renuncia coa especificación da/s especialidade/s na/s que non desexa ingresar.

En caso de dúbidas, dificultades técnicas ou necesidade de máis información que xurda durante o proceso de presentación e tramitación electrónica da renuncia, poden dirixila ao servizo 012. Para obter máis información ao respecto prema aquí.

Non se admitirá ningunha renuncia que non sexa tramitada mediante o trámite activado de “Renuncia” na solicitude de participación do procedemento ED001B correspondente á última solicitude presentada en sede da/s especialidade/s na/s que non desexa ingresar.

Cada renuncia deberá formularse na correspondente solicitude.

No caso de renunciar a varias especialidades deberá efectuarse o trámite establecido en cada solicitude da correspondente especialidade.