Ficha técnica

Institución:

• Consellería de Medio Ambiente e Cambio Climático
  • Subdirección de Cambio climático e Ordenación do Litoral

Ámbito: medio ambiente / desenvolvemento sustentable e concienciación ambiental (o centro poderá escoller un tema específico sobre a sustentabilidade)

Definición: O programa consiste en desenvolver actividades para mellorar o comportamento ambiental das escolas en base ao tema escollido polo centro.

Vinculación cos ODS da Axenda 2030:

• ODS 13. Acción polo clima
• ODS 6. Auga limpa e saneamento
• ODS 7. Enerxía accesible e non contaminante
• ODS 11. Cidades e comunidades sustentables
• ODS 15. Vida de ecosistemas terrestres

Temporización: curso completo
Alumnado ao que vai dirixido: infantil (sempre que estea acompañado dalgunha outra etapa educativa), primaria, ESO.
Límite de centros participantes:  ata 10 centros para o Proxecto Escola Verde. Todos deben cumprir a calidade mínima esixida polo programa, segundo os criterios de selección.

Límite de docentes participantes por centro: Mínimo de docentes participantes dous. Un dos docentes será especialista da área de ciencias ou xeografía (secundaria) ou titor (primaria)

Límite de alumnado participante por centro: Sen límite

Criterios de selección:

• Innovación no tema escollido especificando as actividades que se van realizar durante o curso (0-2 ptos).
• Presentación de plan de traballo, incluíndo metodoloxía e calendario de actividades (0-1,5 ptos).
• Transversalidade do proxecto coas materias e as actividades a realizar. Desenvolvemento no ámbito de todo o contexto escolar (0-2,5 ptos).
• Participación de toda a comunidade escolar e interacción e coordinación entre os mesmos: alumnos, así como distintas etapas educativas, sempre que sexa posible; profesorado, tanto os vinculados directamente ao proxecto como o resto dos profesores; familias; servizos complementarios: limpeza, cociña, transporte, actividades extraescolares etc. (0-2,5 ptos).
• Beneficios do proxecto, proxección temporal, impacto na comunidade escolar e difusión dos resultados (0-1,5 ptos).

Criterios de exclusión:

• A participación neste programa por parte dos firmantes conleva o compromiso por parte dos mesmos de cumprir as actividades especificadas e a entrega do produto final.

Responsables do programa:

Nome: Teresa Bernal Cortegoso
Departamento: Subdirección Xeral de Cambio Climático e Ordenación do Litoral
Correo electrónico: mocidadepoloclima.medioambiente@xunta.gal [2]; sxccol.medioambiente@xunta.gal [3]

---

Xustificación

Unha Escola Verde é unha institución educativa comprometida cun enfoque integral cara á sostibilidade, actuando non só como lugares de ensino senón tamén como espazos exemplares onde se practican valores e accións sostibles. En esencia, estas escolas están centradas en reducir o impacto ambiental das súas operacións, fomentar unha conciencia crítica sobre o cambio climático e outros desafíos ambientais, ademais de involucrar á comunidade nunha transformación cara a un desenvolvemento sostible.

Obxectivo

Os obxectivos clave dunha Escola Verde abarcan aspectos pedagóxicos, operacionais e sociais, enfocándose nunha transformación integral que impacte tanto o ambiente educativo como a comunidade. Estes obxectivos están deseñados para promover unha conciencia ambiental sólida e prácticas sostibles entre todos os membros da comunidade escolar, e inclúen:

• Impulsar un enfoque integral de educación para o desenvolvemento sostible.

• Desenvolver proxectos educativos relacionados coa sostibilidade.

• Involucrar ao claustro docente e non docente como axentes de cambio.

• Fomentar a participación activa de toda a comunidade escolar.

• Difundir coñecemento e boas prácticas ambientais.

Palabras clave:

Medio ambiente/ desenvolvemento sustentable/ cambio climático/ concienciación ambiental.

Desenvolvemento das competencias clave

• Competencia matemática e competencias básicas en ciencia e tecnoloxía
• Competencias sociais e cívicas
• Competencia en sentido de iniciativa e espírito emprendedor

Actividades e recursos

Formación:

Formación inicial do profesorado: haberá unha xornada de formación obrigatoria para o profesorado ao comezo do curso (esta formación non se certifica como formación do profesorado).

Modalidade: presencial.

Duración: 2h

Asesoramento continuo para o profesorado mediante correo electrónico e telefónico.

Manual de Escola Verde:

Manual Escola Verde.pdf [4]

Proposta de actividades:

No Manual de Escola Verde e durante a formación propoñeranse aos centros participantes distintas actividades a realizar, que en ningún caso serán obrigatorias. Os traballos realizados polos centros educativos poderán ser difundidos polos medios propios da Xunta de Galicia se os centros educativos así o desexan.

Selección de boas prácticas:

CEIP Plurilingüe de Toques: http://www.edu.xunta.gal/centros/ceipdetoques/?q=taxonomy/term/71 [5]

IES Melide: https://www.edu.xunta.gal/centros/iesmelide/taxonomy/term/184 [6]

CEIP de Refoxos: http://www.edu.xunta.gal/centros/ceipderefoxos/taxono [7]m [7]y/term/459 [7]

Produto final

Será unha memoria final obrigatoria que recolla as actividades realizadas polo centro durante o curso escolar no ámbito do programa Escola Verde. Estas poden ser talleres, charlas, visitas de campo, material audiovisual, exposicións, etc.

Na memoria final deberase incluír evidencias gráficas e/ou documentais que permitan constatar o desenvolvemento do proxecto a través da ligazón ao espazo web de Plan Proxecta+ dentro da páxina web do centro. Compre entregar un anexo da memoria final onde se recollan estes contidos.

A data límite de entrega vén establecida nas bases do Plan Proxecta.

Requisitos para a superación do programa

Requisitos do Plan Proxecta

• Os centros deberán incluír na súa páxina web un espazo no cal se visibilicen as actividades realizadas ao abeiro dos programas do Plan Proxecta+ nos que participe. Así mesmo, deben integrar o logo oficial do Plan Proxecta+ nos espazos web e nos documentos que difundan actividades vencelladas ao plan.

• Entrega dunha memoria final obrigatoria que debe incluír evidencias gráficas e/ou documentais que permitan constatar o desenvolvemento do proxecto a través da ligazón ao espazo web de Plan Proxecta+ dentro da páxina web do centro.

• A valoración positiva da memoria final, que recollerá os aspectos establecidos no apartado 11.5 da resolución, será indispensable para acadar a certificación de innovación educativa do profesorado participante

• A participación do centro no Plan Proxecta+ deberá quedar reflectida na súa memoria anual.

Requisitos de Escola Verde

• Realización dunha diagnose inicial da situación do centro a partir do material facilitado no Manual de Escola Verde. Cos datos recollidos reflexionarase, debaterase e tomaranse as decisións oportunas para adecuar o proxecto ás observacións realizadas.

• Asistencia á formación do profesorado.

• Realización dun informe inicial no que se reflictan as modificación realizadas no proxecto a partir das conclusións obtidas na diagnose (inclusión/anulación de actividades, obxectivos e/ou resultados esperados, cronograma do curso, etc.).

Criterios de avaliación da memoria final

A avaliación da memoria final faise a través dos seis criterios descritos a continuación. Todos teñen o mesmo peso sobre a puntuación final, calculada como a media dos puntos obtidos.

Polo tanto, a nota máxima a obter é de 5 puntos, sendo necesario acadar unha puntuación de 2,5 puntos para superar a memoria final.

Criterios do Plan Proxecta:

1. Creación dunha rede de traballo cooperativa na comunidade educativa entre alumnado, profesorado, familias e/ou institucións da contorna. Valorarase especialmente a participación activa do alumnado no desenvolvemento do proxecto (toma de decisións, realización do produto final etc.). (0-5 ptos)

2. Interdisciplinariedade (achegas desde distintos departamentos didácticos, disciplinas ou materias) e transferibilidade do proxecto. (0-5 ptos)

3. Impacto e difusión do proxecto. É imprescindible incorporar na memoria, a través de ligazóns, evidencias gráficas e/ou documentais do traballo realizado que permitan constatar o desenvolvemento do proxecto. (0-5 ptos)

Criterios de Escola Verde:

4. Situación de partida. Valorarase a selección e xustificación da temática do proxecto, a diagnose do centro, o informe inicial e a comunicación e sensibilización da posta en marcha do proxecto. Ademais, avaliarase que o centro sexa capaz de definir as actividades, obxectivos e resultados esperados e que estes sexan medibles, realistas, temporais e que se podan acadar. (0-5 ptos)

5. Desenvolvemento do proxecto. Valorarase o cumprimento das actividades e obxectivos propostos no informe inicial e a metodoloxía empregada para a súa avaliación e seguimento. De igual maneira, cando estes non fosen acadados, valorarase a súa análise e a proposta de melloras. (0-5 ptos)

6. Comunicación e divulgación. Valorarase que o centro manteña, de maneira activa, a comunicación e difusión das actividades realizadas e logros acadados mediante informes periódicos, a través das redes sociais e/ou páxina web do centro, eventos de visibilidade e exposicións ou a colaboración con medios de comunicación locais. (0-5 ptos)