A Secretaría Xeral da Igualdade convocou axudas para que as ANPAS financien actividades de promoción da igualdade e de prevención da violencia de xénero.

RESOLUCIÓN do 20 de maio de 2019, da Secretaría Xeral da Igualdade, pola que se establecen as bases reguladoras das axudas destinadas a financiar actividades de promoción da igualdade e de prevención da violencia de xénero, financiadas en desenvolvemento do Pacto de Estado contra a violencia de xénero, para as asociacións de nais e pais do alumnado de centros educativos de Galicia, e se procede á súa convocatoria para o ano 2019 (código de procedemento SI449B). [2]

A través desta convocatoria pódense traballar as distintas temáticas:

• IGUALDADE:
  • obxectivos da coeducación no século XXI
  • xogos e xoguetes coeducativos
  • literatura infantil e xuvenil libre de estereotipos sexistas
  • educación afectiva-sexual adaptada a cada franxa de idade
  • orientación libre de estereotipos sexistas para a construción do proxecto vital
  • orientación profesional libre de estereotipos sexistas
  • fendas de xénero no ámbito educativo
  • educación emocional con perspectiva de xénero
  • empoderamento feminino para a participación social
  • promoción das mulleres no ámbito científico-tecnolóxico
  • estratexias de promoción da corresponsabilidade e dos coidados
  • construción da identidade a través das redes sociais
  • claves para interpretar os estereotipos sexistas nos produtos destinados á mocidade
     
• VIOLENCIA DE XÉNERO:
  • sinais de alerta para a detección precoz de situacións de violencia de xénero
  • estratexias de prevención e sensibilización contra a violencia de xénero
  • estratexias de prevención das agresións sexuais
  • pautas de intervención ante situacións de violencia de xénero
  • situación das persoas menores de idade vítimas da violencia de xénero no fogar
  • recursos institucionais para afrontar a violencia de xénero

Prazo da convocatoria: ata o 29 de xuño de 2019
Publicación da convocatoria: Resolución do 20 de maio de 2019 (DOG do 29 de maio) [2]

Se se precisa asesoramento para enfocar as distintas temáticas pódese consultar con esta Asesoría para recibir maior información.

Mónica Baleirón
Asesora de Igualdade
881 997 598
asesoria.igualdade@edu.xunta.gal [3]