Baixo a denominación Actividades de Matemáticas para a PDI, aparece no repositorio Abalar unha batería de actividades e xeradores de actividades que foron realizados durante unha licenza por estudos de dous meses de duración de Rico Taboada.

A elaboración destes recursos nace pola necesidade de poñer ao día, en canto presentación, os materiais escolares en papel acumulados durante anos e, asemade, aproveitar as novas posibilidades que ofrecería o emprego desas actividades no EDI.

Os materiais escolares que serviron de base para estas actividades beberon das mesmas fontes ca as de calquera mestre: manuais escolares, traballos en equipo, cursos, escolas de verán… e a experiencia de anos impartindo clase en educación primaria.

• Máis información [2]