O secretario xeral de Política Lingüística, Valentín García, asiste ao espectáculo O Señor das dunas, no marco da programación para a Rede de Dinamización Lingüística
Dom, 18/11/2012 - 18:00
Valentín García asiste en Ames ás contadas ilustradas en area do 'Señor das dunas'
O secretario xeral de Política Lingüística, Valentín García, desprazouse hoxe ata Ames para asistir ao espectáculo de dinamización lingüística do Señor das dunas, no marco de FalaRedes, un dos programas de actividades que están a percorrer a Rede de Dinamización Lingüística da Xunta de Galicia.
Estas contadas ilustradas en area desenvolvéronse na Casa da Cultura de Bertamiráns, onde García Gómez estivo acompañado polo alcalde e mais pola concelleira de Cultura da localidade.