Título node Learning object

O Banco de España pon en marcha o Programa Escolar e o Concurso de Coñecementos Financeiros, destinados a todos os centros educativos de secundaria, bacharelato e formación profesional.

O Programa de Educación Financeira ofrece recursos formativos para impartir na aula, co obxectivo de potenciar a aprendizaxe de contidos básicos de finanzas que establece PISA en competencias financeiras: diñeiro e transaccións, planificación e xestión das finanzas persoais, o risco e o beneficio e o panorama financeiro sen importar a disciplina, especialidade ou materia do docente.

Ademais, a inscrición no Programa habilita para a participación no Concurso de Coñecementos Financeiros, no que o alumnado poderá demostrar todos os coñecementos aprendidos, participando por equipos.

Nas distintas edicións do programa participaron ata o de agora máis de 6.500 docentes e 460.000 estudantes.

Nas bases pódese consultar toda a información relativa ao concurso.

O prazo de inscrición desta edición estará aberto ata o próximo 25 de abril de 2024 e poderá realizarse a través do seguinte formulario en liña.