Título node Learning object
O Programa de Recuperación e Utilización Educativa de Pobos Abandonados (PRUEPA) é un proxecto educativo complementario ao ensino nas aulas promovido polo Ministerio de Agricultura e Pesca, Alimentación e Medio Ambiente, o Ministerio de Fomento e o Ministerio de Educación, Cultura e Deporte, e no que colaboran as Consellerías de Educación das Comunidades Autónomas de Castela-A Mancha, Estremadura e Aragón. Pretende un achegamento á vida rural dos mozos que, na súa maioría, viven no mundo urbano, brindándolles a posibilidade de comprender a necesidade dun cambio de actitudes para asegurar o equilibrio futuro do home coa súa contorna.
Desenvólvese en tres pobos: Umbralejo (Guadalaxara) e Granadilla (Cáceres), que o Ministerio de Agricultura, Alimentación e Medio Ambiente ten adscritos no marco das súas competencias no Organismo Autónomo Parques Nacionais a través do Patrimonio do Estado; e Búbal (Huesca) adscrito ao Gobierno de Aragón.
Obxectivos Educativos
Os obxectivos deste programa son, entre outros, os seguintes:
- Fomentar actitudes de respecto e tolerancia mediante a participación en actividades de grupo.
- Colaborar no proceso educativo dos alumnos para que aprecien a riqueza e variedade do patrimonio natural, social e cultural, respectando a súa pluralidade.
- Profundar no coñecemento do corpo humano co fin de desenvolver hábitos de vida saudable tanto individual como colectivamente.
- Coñecer as diferentes posibilidades de utilización do tempo libre.
Máis información na seguinte ligazón: http://www.mapama.gob.es/es/ceneam/programas-de-educacion-ambiental/pueb...