Xustificación: O presente Plan Dixital toma como punto de partida, ademáis da Lei orgánica 2/2006, a “Resolución do 3 de setembro de 2021, da Secretaría xeral de Educación e Formación Profesional. Nesta resolución se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022”. Na resolución do 3 de setembro díctanse os principios, obxectivos e referentes nos que se debe basar o Plan Dixital e que se amosan na páxina 9 do Plan Dixital que adxuntamos no apartado Anexos.
Contextualización: A Illa de Arousa atópase nas Rías Baixas, no medio da Ría a que debe o seu nome, na provincia de Pontevedra. É a maior de todas as illas de Galicia cos seus 7 km de superficie nos que os seus casi 5000 habitantes concéntranse no istmo ou parte máis estreita. Este istmo é considerado o núcleo máis poboado e onde se desenvolve a maior actividade económica, cultural e social deste municipio. A contextualización mais completa pode verse nás páxinas 5 a 8 do Plan Dixital que adxuntamos no apartado Anexos.
Proceso de elaboración:
O Equipo de Dinamización do Plan Dixital do IES da Illa de Arousa componse de tres persoas, que son:
· Rita Mª Martinez Portas (Directora e docente do departamento de Música).
· Susana Oubiña Falcón (Coordinadora E-Dixgal e docente do departamento de Tecnoloxía).
· Mónica Núñez Carballa (Docente do departamento de Física e Química)
Para realizar unha análise da situación do centro educativo usáronse dúas ferramentas: o SELFIE e o Test de Competencia Dixital Docente.
Para a diagnose da situación en relación á competencia dixital, a Resolución do 3 de setembro de 2021 remínenos a ferramenta de autoavaliación SELFIE, coa finalidade de obter en liña un informe de autoavaliación do centro (informe SELFIE). Esta ferramenta foi desenvolvida pola Comisión Europea ao abeiro do Marco Europeo para Organizacións Educativas Dixitalmente Competentes (DigCompOrg)
Inicialmente, a coordinadora rexistróu ao IES da Illa da Arousa na plataforma SELFIE e, conseusuou co Equipo de Dinamización do Plan Dixital a selección dos grupos (líderes, profesorado e alumnos/as que participarían) así como, o período de realización do exercicio anónimo SELFIE e a descarga dos ligazóns dos diferentes test SELFIE. En todo momento cumpríronse os prazos dados pola administración educativa.
De xeito complementario, o profesorado realizou o test CDD baseado no marco DigCompEdu desde o seu perfil persoal. Este test permite obter un Informe Individual coa valoración global do seu nivel competencial (A1- C2), segundo as áreas establecidas neste Marco, e devolve un detallado feedback. E, a partir destes informes individuais, xérase o Informe do Centro.
Baseándonos nos resultados obtidos no SELFIE e no Informe do Centro da CDD o Equipo de Dinaminación do Plan Dixital realizou un exercicio de diagnose da situación do centro educativo que queda plasmado na DAFO que se inclúe neste documento.
Na procura do Plan de Acción, a partir da DAFO, escollimos obxectivos SMART que nos dean solucions para as nosas debilidades ou que afronten ameazas aproveitando, se é posible, as fortalezas e as oportunidades. Os obxectivos están englobados nas áreas de mellora segundo o Marco Europeo DigCompOrg (marco para as Organizaciónss Educativas Dixitalmente Competentes), para poder analizalos cun SELFIE máis adiante. Finalmente, concretamos os indicadores e as diferentes acción que nos levarán a acadar os obxectivos. Este Plan de Acción inclúese neste documento.
Para máis información, ver o punto 1.4 do Anexo que presentamos.
