1) Xustificación do mesmo
Nun proxecto do noso centro no ano 2007 xa falabamos da dixitalización das aulas, e percorremos un longo camiño no uso das TIC. Isto demostra que desde sempre fomos plenamente conscientes de que contamos con alumnos do século XXI, que naceron nunha sociedade xa dixitalizada. A tecnoloxía evolucionou desde entón, e nós queremos seguir evolucionando con ela. Polo tanto, a nosa comunidade educativa (alumnado, familias, profesorado...) esperan, e celebran que a aprendizaxe pase por unha nova etapa que leve a unha escola TAC (Tecnoloxías da aprendizaxe e do coñecemento). É dicir, non usar as TIC para buscar o coñecemento senón aprender a través das TICs. Considerámonos unha escola “ STEAM “ (Science, Technology, Engineering, Art and Math), na que os educadores compartimos experiencias e plans para conseguir unha mellor aprendizaxe do alumnado. Incluímos Art porque pensamos que temos que fomentar a creatividade como parte fundamental na adquisición das competencias clave.
A aprendizaxe nunha escola TAC que achegue ao alumnado os recursos necesarios para alfabetizarse dixitalmente, aprender en base á creación interactiva, afianzar o pensamento crítico e relacionar procesos grazas ao traballo colaborativo con outros, é o principal obxectivo dos educadores do IES Terra de Turonio.
A nosa inquietude pola aprendizaxe baseada nas plataformas de e-aprendizaxe empurrounos a unirnos nun primeiro momento á plataforma de aprendizaxe Agueiro, precisamente polos motivos que comentabamos na introdución: como un modo de garantir a igualdade do alumnado procedente de distintos status sociais con respecto á súa competencia no uso da tecnoloxía dixital nun mundo tan “virtual” como o que vivimos.
Posteriormente, quixemos dar un paso máis nesa equiparación de aprendizaxe dixital mediante a incorporación do centro ao proxecto E-dixgal, que proporcionará un portátil a cada estudante e afianzará o seu manexo no emprego das TICs como unha ferramenta do seu día a día.
Actualmente estámonos a preparar cara a metodoloxía TEP (Tecnoloxías para o empoderamento e participación), donde o alumnado ten un papel proactivo e autónomo, guiados pola curiosidade innata do ser humano, na que o profesorado xurde no rol de dinamizador e non un mero proveedor de experiencias. A tecnoloxía dixital e en particular internet e as plataformas e-learning son mediadores nunha experiencia de aprendizaxe particular (cada quen utiliza os seus propios recursos) e colectiva (cada quen está habilitado para compartir e enriquecer o seu aprendizaxe co dos demáis). As plataformas dixitias en xeral, e edixgal en particular, ofrécennos un espazo colaborativo e diverso onde o alumnado pode estimular o seu pensamento crítico, computacional, razoado, visual e proactivo.
2) Proceso de elaboración
Para a organización así como a elaboración deste plan dixital, o centro conta cun equipo de coordinación dixital do cal forman parte un representante de cada unha das seccións do centro. Por tanto, dito equipo está formado pola directora, a secretaria, a dinamizadora edixgal, unha profesora representante do ámbito de humanidades, unha profesora representante do ámbito de ciencias, un profesor representante do ciclo formativo e a orientadora. O centro creou un grupo de traballo que forma parte do Plan de formación do centro (PFPP) para o deseño, regulación e organización do plan dixital. Dito plan será logo analizado pola Comisión Pedagóxica e sometido a votación no Claustro de profesorado e Consello Escolar.
Dito equipo será o encargado de liderar e gobernar os distintos aspectos educativos e organizativos que xere o PLAN DIXITAL DO CENTRO.
Estando así representados os distintos departamentos educativos do centro, empezamos a elaboración deste plan dixital baseandonos no proxecto TIC de cursos anteriores, nas enquisas feitas a alumnado e profesorado ao final de cada curso e nos plan dixital do curso anterior.
Coordinamos asemesmo a participación do máximo número posible de profesorado e alumnado no test SELFIE e no test de competencia dixital docente (CDD)
3)Contextualización do Plan Dixital no centro.
A dixitalización hai xa uns anos que chegou e prospera nas nosas aulas. O profesorado, alumnado e comunidade educativa en xeral xa non observa a dixitalización dende un segundo plano senón que son arte e parte da súa utilización nos centros de ensino.
No IES Terra de Turonio sempre fomos conscientes da importancia de levar as TIC á aula. Por iso, xa polo ano 2007, elaboramos un proxecto sobre a implementación das TIC que foi seleccionado pola Consellería de Educación para poñelo en marcha. Iso levounos ao ano seguinte a solicitar a incorporación do noso centro á rede de escolas Abalar, que unha vez conseguida achegámonos á utilización do computador como unha ferramenta máis da aula.
Finalmente no ano 2010 realizouse un obradoiro para a aplicación, incorporación e creación de contidos dixitais na aula Abalar. Pero non soamente utilizamos o espírito abalar en 1º e 2º ESO, senón que dada a creación dunha nova aula TIC e a incorporación de computadores e PDI en case todas as aulas do instituto permitiu traballar con material dixital, plataformas e-learning, software, multimedia, dentro da aula.
Así pois poderiamos dicir que a nosa aposta deu os seus froitos e que temos un instituto “dixitalizado”. Con todo, desde hai tempo estamos a observar unha fenda dixital entre alumnado de distintos status sociais.
Sendo conscientes disto, o profesorado do IES Terra de Turonio trata de desfacer, cos medios que contamos, dita desvantaxe, pero temos un aspecto dixital que é imposible liquidar cos medios actuais cos que podemos dispoñer e é a utilización dos medios dixitais nun ambiente familiar non dixitalizado onde a maioría das familias son de clase media-baixa cunha alta porcentaxe de paro e dun entorno rural onde non chega Internet en moitas parroquias.
A resolución do 7 de Maio de 2018 , da dirección Xeral de Educación, Formación Profesional e Innovación educativa, pola que se convoca a selección de centros para participar non proxecto E- dixgal , deunos a solución ao noso problema. Dito proxecto está ofertado para limar as diferenzas de aprendizaxe dixital ofrecendo un computador particular a cada alumno e a posibilidade de estudar nunha contorna dixital interactiva.
