Plan do centro
Vixencia
Introdución
Contexto DAFO
Obxectivos
Seguimento
O seguimento do Plan Dixital conta cos seguintes procedementos:
- Unha avaliación procesual que se realizará como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.
- Unha avaliación final ao finalizar o curso académico. Os aspectos a considerar incluirán, entre outros, a valoración do logro dos obxectivos e as propostas de mellora.
- O estado da avaliación quedará reflectido no seguimento das acción que se pode facer na pestana Obxectivos.
- Nos seguintes despregables farase a avaliación de seguimento trimestral do Plan Dixital e incluiranse as actas das reunións co ADIX como anexos e por períodos trimestrais.
Os contidos do Plan Dixital son accesibles ao público mediante Educalidade. Ademais, os equipos directivos poden compartir a ligazón do Plan Dixital, unha vez presentado no Claustro e aprobado polo Consello Escolar, na páxina web do centro.
En canto ao Obxectivo 1 (Crear e usar recursos dixitais polo profesorado), están en desenvolvemento as accións 1.1 e 1.2 mediante o establecemento de grupos de traballo para a actualización das ferramentas dixitais. Tamén estase a cumprir a acción 1.3 mediante a creación de recursos no curso habilitado na aula virtual. A listaxe do profesorado inscrito nesta liña do plan de formación figura no Anexo III, así como as produccións individuais do profesorado participante (Anexo V).
En canto ao Obxectivo 2 (Desenvolvemento e creación de contidos no EVA-EDIXGAL), está en desenvolvemento a acción 2.1 mediante a participación do profesorado nun seminario para a elaboración de recursos educativos en E-Dixgal. A listaxe do profesorado inscrito nesta liña do plan de formación figura no Anexo III. Ademais está en funcionamento a acción 2.2 coa creación de contido e recursos en E-Dixgal por parte do profesorado de 1º ESO. (Anexo VI).
En canto ao Obxectivo 3 (Incrementar o número de proxectos interdisciplinares no centro), o acondicionamento da aula destinada ao proxecto de Polos Creativos, así como a montaxe dos equipamentos, levada a cabo durante o inicio do curso (setembro-outubro) permitirá o desenvolvemento das accións incluídas neste obxectivo. Para facilitar a consecución das accións, en particular da 3.1, está dispoñible na aula virtual do centro un curso para que o profesorado publique as programación didácticas dos departamentos e facilitar a súa consulta á hora de poñer en funcionamento os proxectos interdisciplinares. (Anexo VII).
No Anexo IV figura a acta de reunión do primeiro trimestre, con data do 29 de setembro de 2023.
En canto ao Obxectivo 1 (Crear e usar recursos dixitais polo profesorado), completouse a acción 1.1 cun curso de formación de 20 h para a creación de recursos dixitais na aula virtual e a acción 1.2 mediante o establecemento de grupos de traballo para a actualización das ferramentas dixitais a partir das actividades propostas no curso creado na aula virtual. A acción 1.3 ten continuidade ao longo do curso mediante a creación e publicación de contidos na aula virtual.
En canto ao Obxectivo 2 (Desenvolvemento e creación no EVA-EDIXGAL), continúan as accións 2.1 e 2.2 mediante a formación do profesorado e a creación e publicación de contidos no EVA-EDIXGAL.
En canto ao Obxectivo 3 (Incrementar o número de proxectos interdisciplinares no centro), as accións 3.1 e 3.2 quedan completadas coa creación na aula virtual dun curso para favorecer a elaboración de proxectos e un curso para a publicación e consulta das programacións didácticas dos departamentos. A acción 3.3 estase a levar a cabo mediante o desenvolvemento dos proxectos relacionados coa convocatoria de Art for Change.
No Anexo VIII figura a acta de reunión do segundo trimestre, con data do 15 de xaneiro de 2024.
En canto ao Obxectivo 1 (Crear e usar recursos dixitais polo profesorado), completáronse as tres acción e acadouse o indicador establecido coa creación de máis dun recurso por cada un dos compoñentes inscritos na liña PFFP.
En canto ao Obxectivo 2 (Desenvolvemento e creación no EVA-EDIXGAL), non se acadou o valor establecido para a creación de recursos no EVA-EDIXGAL. O cumprimento da acción 2.1 foi satisfactorio, pero a acción 2.2 non foi completada coa creación de contidos e recursos.
En canto ao Obxectivo 3 (Incrementar o número de proxectos interdisciplinares no centro), completáronse as tres accións e o indicador establecido. O número de proxectos interdisciplinares acadados superou o valor obxectivo establecido.
No Anexo IX figura a acta de reunión do terceiro trimestre, con data do 17 de abril de 2024.
No Anexo X figura a acta de reunión final, con data do 29 de maio de 2024.
Avaliación
O procedemento de avaliación consistirá na valoración dos seguintes apartados do seguimento do Plan Dixital:
- Unha avaliación procesual que se realizará como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.
- Unha avaliación final ao finalizar o curso académico. Os aspectos a considerar incluirán, entre outros, a valoración do logro dos obxectivos e as propostas de mellora.
- O estado da avaliación quedará reflectido no seguimento das acción que se pode facer na pestana Obxectivos.
Os obxectivos fundamentais do Plan Dixital son o uso de tecnoloxías dixitais na aprendizaxe a través do desenvolvemento da competencia dixital do profesorado e a mellora do desenvolvemento da competencia dixital do alumnado.
Para o curso 2023/2024 propuxéronse tres obxectivos:
- Crear e usar recursos dixitais polo profesorado (Obxectivo 1).
- Desenvolvemento e creación de contidos no EVA E-Dixgal (Obxectivo 2).
- Incrementar o número de proxectos interdisciplinares no centro (Obxectivo 3).
Os obxectivo 1 trata de desenvolver a competencia dixital do profesorado e, mediante o uso das tecnoloxías dixitais empregadas, mellorar a competencia dixital do alumnado. Cos obxectivos 2 e 3 preténdese mellorar a competencia dixital do alumnado e do profesorado a través da participación nos distintos proxectos que se aborden ao longo do curso.
O obxectivo 1 (Crear e usar recursos dixitais polo profesorado), considérase acadado ao cumprirse as tres accións que definen este obxectivo, tal e como figura no seguimento das accións no apartado Obxectivos. É recomendable manter este obxectivo para o seguinte curso co fin de potenciar o uso destes recursos polo profesorado que encontra dificultades no manexo dos recursos dixitais e polo profesorado de nova incorporación. Ademais, o uso destes recursos favorece o desenvolvemento da competencia dixital do alumnado.
O obxectivo 2 (Desenvolvemento e creación de contidos no EVA E-Dixgal), non acadou o valor establecido, xa que non se cumpriu a acción AO2.2, tal e como figura no seguimento das accións no apartado Obxectivos, impedindo a consecución do valor establecido como indicador do obxectivo. Tendo en conta que no curso 2023/2024 foi implantado este plan, faise precisa a continuidade deste obxectivo ao longo do vindeiro curso coa finalidade de permitir un afondamento nas accións establecidas, xa que o número de profesorado implicado será maior ao incluír os grupos de 1º ESO e 2º ESO.
O obxectivo 3 (Incrementar o número de proxectos interdisciplinares no centro), valórase como acadado e realizadas as tres accións deste obxectivo, co cumprimento das accións establecidas no apartado Obxectivos. Os proxectos realizados para a convocatoria anual Art for Change e o uso do espazo Polos Creativos favoreceron o desenvolvemento deste obxectivo cunha participación activa do profesorado e do alumnado implicado.
Este obxectivo xa fora conseguido o curso anterior e propúxose un aumento no número de proxectos para a consecución do obxectivo.
O desenvolvemento satisfactorio deste obxectivo e a implicación tanto do profesorado como do alumnado neste tipo de proxectos fai recomendable a súa continuidade no Plan Dixital.
Na valoración final considérase o mantemento dos tres obxectivos traballados ao longo do curso 2023/2024. As accións correspondentes a estes obxectivos poderían incluír modificacións. En particular, as accións correspondentes ao Obxectivo 2, coa implicación do profesorado no uso dos contidos facilitados polo EVA E-Dixgal e na creación de recursos propios, co fin de acadar o valor establecido no Plan Dixital.
O traballo de obxectivos xa tratados permitiría a inclusión de novos obxectivos para o vindeiro curso.
Como propostas de novos obxectivos pódense ter en conta as seguintes posibilidades:
-
Valoración da formación dixital: os contornos virtuais da aula virtual e E-Dixgal favorecen as posibilidades de aprendizaxe de tipo dixital, polo que é recomendable o fomento dunha valoración formativa neste eido. Deste modo, o alumnado e o profesorado poden utilizar os resultados do aprendizaxe para adaptar as súas posibilidades formativas aos coñecementos e destrezas adquiridos.
-
Fomento no uso do servizo de comunicación espazoAbalar para profesorado e centros: o uso dos servizos dixitais para a comunidade educativa permite o emprego de canles de comunicación entre o profesorado e as familias, facilitando a xestión dos tempos na transmisión das informacións. As funcionalidades de mensaxería que ofrece este espazo favorecen o mantemento da privacidade das informacións intercambiadas, así como a prontitude das noticias transmitidas.
Xunto coas propostas de mellora nas accións do Obxectivo 2 e as propostas de inclusión de dous novos obxectivos, o centro contará para o vindeiro curso con paneis dixitais interactivos nas aula da ESO. Ademais, a páxina web do centro vai ser actualizada á versión Drupal 9.0.
Comunicación e difusión
A estratexia ou protocolo para a publicidade e difusión do Plan Dixital entre toda a comunidade educativa farase:
-
A través da páxina Web do centro, no que se irán indicando as convocatorias para os diferentes plans de actuación.
-
Nas CCP que se reúnan por trimestre, comentando os niveis de alcance de cada un dos plans de accións.
-
Nos claustros , ídem CCP.