O CEIP Plurilingüe Quintela está situado a 2,5 Km da vila de Redondela. A maioría do seu alumnado procede das parroquias de Quintela e Saxamonde, e tamén hai unha parte dos alumnos/as que proceden do casco urbano de Redondela e doutras parroquias de Redondela.
Do alumnado é importante destacar a súa procedencia, que é case todos/as proceden das diferentes zonas de escolarización. O seu nível socio económico é medio.
A maioría do noso alumnado vive cos seus proxenitores e tamén moitos conviven cós seus avós na mesma unidade familiar.
O alumnado non é conflictivo e o seu rendemento académico é satisfactorio. Non existe absentismo escolar. As relacións entre o alumnado son boas tanto entre eles coma co profesorado. O alumnado, de forma xeral, responde ben a motivación académica participando nas actividades complementarias e extraescolares organizadas polo centro educativo.
Para traballar certos ámbitos nos que se desenvolve o contexto educativo, no CEIP Plurilingüe Quintela xurdiron unha serie de Programas de innovación educativa como son: o PLAMBE (Plan de Mellora da Biblioteca Escolar), o Programa de Auxiliares de Conversa (como programa complementario de apoio e colaboración de profesorado nativo para posibilitar a práctica da conversa oral, proporcionar un modelo de corrección lingüística e achegar o alumnado e profesorado á cultura do seu país) e os programas PDC (xogade), Vexo Veo Xacobeo todos eles dentro do Plans Proxecta, Recupérate (Arco), formando parte o centro da rede de centros Plurilingües dende o curso 18/19.
Neste curso escolar o centro educativo participa na formación de profesorado en centros (PFPP) a través de 2 grupos de traballo, un relacionado co Plan Dixital e outro cós patios inclusivos.
Para o curso 2022/23 o centro incorpórase a proxecto EDIXGAL.
A misión do CEIP Plurilingüe Quintela centrase na formación integral dos nenos e nenas para que sexan capaces de desenvolver a súa autonomía e creatividade para un pleno desenvolvemento humano baseado dende o respecto ás súas crenzas, poñendo o máximo empeño no cultivo de valores humanos e na creación de hábitos de estudo, traballo e convivencia para unha excelente formación académica e persoal, acorde ás demandas da nosa sociedade actual.
En consecuencia, a propia organización vai mellorando a través da súa práctica e da reflexión sobre ela, así como das relacións que establece coa súa contorna.
O Plan Dixital de Centro debe encaixar no contexto institucional máis amplo que vén recollido noutros documentos institucionais, como o Proxecto Educativo de Centro e ambos os documentos deben estar en total consonancia e ser complementarios.
A contribución do Plan Dixital ao PE e á PXA debemos velo desde a perspectiva de como pode reforzar este plan o uso adecuado das novas tecnoloxías en toda a comunidade educativa.
A Lei Orgánica 2/2006, do 3 de maio, de Educación (BOE 04.05.06) no seu texto consolidado tras a aprobación da Lei Orgánica 3/2020, do 29 de decembro, pola que se modifica a Lei Orgánica 2/2006, do 3 de maio, de Educación (BOE 30.12.20), no artigo sesenta e dous. Modifícanse os apartados 1 e 2, engádense dous novos apartados 2 bis e 2 ter e suprímense os apartados 7 e 8 do artigo 121, quedando redactados nos seguintes termos: «1. O proxecto educativo do centro recollerá os valores, os fins e as prioridades de actuación, incorporará a concreción dos currículos establecidos pola Administración educativa, que corresponde fixar e aprobar ao Claustro, e impulsará e desenvolverá os principios, obxectivos e metodoloxía propios dunha aprendizaxe competencial orientada ao exercicio dunha cidadanía activa. Así mesmo incluirá un tratamento transversal da educación en valores, do desenvolvemento sostible, da igualdade entre mulleres e homes, da igualdade de trato e non discriminación e da prevención da violencia contra as nenas e as mulleres, do acoso e do ciberacoso escolar, así como a cultura de paz e os dereitos humanos. O proxecto educativo do centro recollerá así mesmo a estratexia dixital do centro, de acordo co establecido no artigo 111 bis.5.»
A nivel normativo, na nosa Comunidade Autónoma establécese o seguinte marco:
Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.
Artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.
O que recollen ditos artigos é o seguinte:
“Os centros docentes deberán incluír dentro do seu proxecto educativo e funcional a súa estratexia dixital a través dun plan dixital de centro, que se concibe como un instrumento para mellorar o desenvolvemento da competencia dixital da comunidade educativa, o uso das tecnoloxías dixitais no proceso de ensino e aprendizaxe e a transformación dos centros en organizacións educativas dixitalmente competentes, e que se concretará anualmente na programación xeral anual a través das correspondentes actuacións”
Nas normativas de desenvolvemento dos anteriores Decretos, concrétase a estrutura, que como mínimo debe contemplar o PD, no seguinte articulado:
Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nesa etapa educativa.
Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia e se regula a avaliación nesa etapa educativa.
No proceso de elaboración no curso 23/24 continuamos desenvolvendo a mesma liña de traballo (ver instrumentos DAFO actualizados)
