1.1.  Breve xustificación do mesmo

Este plan dixital se fai co obxectivo de planificar o traballo de mellora da competencia dixital da nosa organización educativa de acordo co seguinte lexislación

¿       Art. 111 bis, Art. 121 e Art.132  da LO 2/2006, de 3 de maio, de Educación

¿       Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021/22

¿       Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021/22

1.2.  Proceso de elaboración

Para a elaboración deste plan constituíse o equipo de dinamización do plan dixital no centro,  formado polo director, Juan Carlos Pérez Mestre, e o coordinador do plan dixital, Felipe Suárez Pereiro, contando co asesoramento do ADIX Diego Abarca Rodríguez. Este equipo utilizando os datos do cuestionario SELFIE e Test CDD, xunto coas coas aportacións dos representantes do profesorado no consello escolar, elaborou un DAFO da situación do centro e posteriormente un  plan de acción, que recolle os obxectivos para mellorar no traballo dixital do centro para mellorar o aprendizaxe do noso alumnado.

O procedemento de seguimento e avaliación do Plan Dixital  está explicitado nas táboas onde se ve o procedemento e indicadores , ou sexa como e cando se avaliarán os obxectivos.

Na memoria anual do centro se  detallarán os obxectivos conseguidos ou non, constituíndo a avaliación final do proxecto mediante os correspondentes instrumentos, a frecuencia da súa realización, que será como mínimo unha vez ao ano, e os aspectos a valorar, que serán, como mínimo, a valoración do logro dos obxectivos e as propostas de mellora.

Algúns dos obxectivos alcanzáronse de xeito parcial debido á baixa participación do profesorado nos foros de debate e nalgúns grupos de traballo. Con todo, as microformacións realizadas ao longo do curso tivero moi boa acollida polo claustro. Ademais os novos coñecementos adquiridos aplicáronse en diferentes actividades co alumnado utilizando o equipamento do Polo Creativo.

Para valorar o grao de consecución do obxectivo 3 (Mellorar a competencia dixital media do claustro con microformacións internas e externas) debido á imposibilidade de volver a facer o test CDD ao claustro optouse por utilizar como indicador a comptencia dixital docente acreditada pola xunta. O 37,9 % do profesorado acadou o nivel B1 e o 27,6 % o nivel B2. Cabe destacar que gran parte dos docentes con nivel B1 tiñan parcialmente superado o nivel B2 a falta de poucas horas de formación.

No caso do obxectivo 7 (Compartir, colaborar e mellorar protocolos dixitais con outros centros educativos) xurdiu a oportunidade de participar no Programa de intercambio de experiencias Observa Acción. Neste curso 2022-2023 realizáronse a primeira e segunda fase do programa. Na primeira fase leváronse a cabo observacións holísticas e focalizadas entre docentes do propio centro co obxetivo de mellorar as competencias profesionais docentes a través da colaboración cooperación e intercambio de boas prácticas. Na segunda fase as observacións realizáronse entre o noso centro (IES Xunqueira II)  e o IESP de Ames durante dúas visitas programadas. Despois da posta en común e as reflexións sobre as xornadas de observación xurdiu a idea de compartir protocolos e modelos de aulas entre ambos centros. Todo o profesorado participante valorou positivamente esta oportunidade de observar a outros compañeiros e compañeiras non só para coñecer outras metodoloxías de traballo, se non tamén para ser conscientes e reflexionar sobre a propia práctica docente.

Unha das principais propostas de mellora para o vindeiro ano é crear un proxecto común, de eixo dixital,  que sirva de fío conductor para as actividades que se realizarán no Polo Creativo. Neste sentido xa estamos traballando coas aportacións do claustro para idear proxectos que impliquen a colaboración entre diferentes materias e departamentos para evitar as liñas de traballo paralelas e fomentar o traballo colaborativo.

Por outra banda, para facilitar o seguemento dos obxectivos pensamos que sería máis apropiado utilizar indicadores únicos e centrar  uns obxectivos claros  na liña do centro.

Outra das propostas que consideramos importantes é engadir un novo obxectivo no Plan Dixital que consistiría en elaborar un inventario do centro, aproveitando a futura plataforma  de inventario de AMTEGA .

A estratexia para a publicidade e difusión do plan dixital entre toda a  comunidade educativa  inclúe:

¿       Publicación na páxina web do centro.

¿       Publicación do enlace da páxina web nas RRS do centro.

¿       Difusión das anteriores polas canles de comunicación do centro: foros (profesorado e PAS), correo electrónico (alumnado) e mensaxes do espazo Abalar (persoas responsables).