Datos básicos do centro
Nome: CEIP Plurilingüe Mestre Ramiro Sabell Mosquera. Código de centro: 36016954.
Dirección: Barrio Barral s/n 36860 Ponteareas. Teléfono: 8860110579/886110581.
Correo electrónico: ceip.mestre.ramiro@edu.xunta.gal
Páxina web: https://www.edu.xunta.gal/centros/ceipmestreramiro/ Ud. Activas no centro: 6 aulas de infantil e 13 de primaria.
Nº de membros no claustro: 34
Contribución do PD ao Proxecto Educativo do Centro
O CEIP Plurilingüe Mestre Ramiro Sabell Mosquera atópase no Barrio Barral s/n da vila de Ponteareas (localidade duns vintedous mil habitantes). Atópase ubicado nunha zona semi-urbana. Os alumnos que asisten ao centro pertencen as parroquias de Arcos , Fontenla, Canedo, San Mateo e un sector do núcleo urbano.
O índice socioeconómico e cultural das familias que forman a comunidade educativa é medio. A poboación obtén os seus ingresos do sector servizos e da construción e os centros de traballo acostuman estar en Ponteareas ou arredores (Vigo, Porriño, Salceda).
As familias son de tipo nucleares, aínda que a maioría convive con avós ou familiares próximos que lles proporcionan axuda no coidado dos nenos.
O plan dixital é un instrumento de planificación integrado no Proxecto Educativo que persegue fundamentalmente o desenvolvemento do tratamento da información e competencia dixital e a integración das TIC como pechamento didáctica nos procesos de ensino-aprendizaxe.
A referencia fundamental para que os centros desenvolvan o seu potencial dixital a través dun Plan é o Marco Europeo para Organizacións Educativas Dixitalmente Competentes (DigCompOrg), desenvolvido polo Centro Común de Investigación (JRC, Joint Research Centre), da Comisión Europea. Este marco é parte do estudo Furthering Innovative Education, posto en marcha pola Dirección Xeral de Educación Cultura da Comisión Europea e o Centro Común de Investigación–Instituto de Estudos de Prospectiva Tecnolóxica (IPTS).
Este plan está concibido como un documento vivo que contén os acordos alcanzados no centro con respecto aos obxectivos xerais do plan, as estratexias de dinamización e xestión dos recursos tecnolóxicos e a inclusión das TIC nas diferentes concrecións curriculares. Supón un compromiso por parte de toda a comunidade educativa. Cada un na medida das súas posibilidades e o seu nivel actual de formación.
Breve xustificación do mesmo
Os centros educativos forman parte dun mundo en cambio permanente e dunha sociedade e mercado laboral cada vez máis dixitalizado e por esa razón, os centros educativos deben dar respostas a esas necesidades e demandas da sociedade e mercado laboral para poder formar cidadáns do futuro coas competencias necesarias para desenvolverse nun contorno dixitalizado. O uso da tecnoloxía nas diversas prácticas que teñen lugar nunha organización escolar, desde as relacionadas coas cuestións organizativas, ata as propias dos procesos de ensino e aprendizaxe é xa ineludible.
A educación é un recurso clave para asegurar a igualdade social, a promoción das persoas e máis xenericamente a mellora das condicións de vida de comunidades e persoas. Así pois, a Estratexia Europa 2020 recoñece a necesidade dunha transformación dos sistemas de educación e formación que garante a adquisición de competencias dixitais, que pola súa vez permitan aproveitar as oportunidades.
Por outra parte, as organizacións educativas teñen a necesidade de revisa-las súas estratexias co obxectivo de mellora-la súa capacidade para promove-la innovación e saca-lo máximo partido das tecnoloxías da información e comunicación, e dos recursos educativos dixitais.
Marco Normativo:
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
Proceso de elaboración
En primeiro lugar conformouse o equipo de dinamización do Plan Dixital conformado por:
Jose A. Da Cuña Gómez (director), Santiago lópez Groba (coordinador),Leticia Valle García, Mónica Carvalho González, Jose A. Rodríguez Vázquez, Eduardo Reiris Mouriño, Jose Carlos González Sánchez, Sergio López Montero, Mª Victoria Freijedo Fernández.
Fases na elaboración do Plan Dixital:
Novembro 2021. Posta en marcha e contacto co asesor ADIX. Decembro 2021. Realización do test SELFIE.
Febreiro 2022. Realización por parte do profesorado do centro do Test CDD. Marzo 2022. Reflexión, análise e confección do DAFO do centro.
Abril-Maio 2022. Definir obxectivos do para o plan de acción.
Xuño 2022. Redacción do Plan Dixital versión 1.0.
