A elaboración do plan dixital cobra sentido si atendemos o que aparece no Art.111 bis da Lei Orgánica 2/2006, de 3 de maio de educación, que as contornas virtuais de aprendizaxe que se empreguen nos centros docentes facilitarán a aplicación de plan educativos específicos deseñados polos docentes para a consecución de obxectivos concretos do currículo. Por iso, deberán, permitir aos alumnos e alumnas o acceso, desde calquera sitio e en calquera momento, aos contornos de aprendizaxe. Así mesmo promoverán os principios de accesibilidade universal e deseño para todas as persoas, tanto formatos e contidos como nas ferramentas e contornas virtuais de aprendizaxe.
O CEE Vilagarcía de Arousa e o único centro específico público da comarca, polo que recibe alumnado de moitos concellos, como poden ser: Vilagarcía, A Estrada, Caldas de Reis, Cuntis, Valga, A Illa de Arousa, Sanxenxo, Boiro, A Pobra do Caramiñal... A disparidade de distancias entre os mesmo,s débese a oferta educativa e ó perfil de alumnado que escolarizamos.
Con respecto as familias do noso alumnado, destacar que proceden dun nivel socioeconómico e cultural medio-baixo, agás excepcións. Todas son de distintos ambientes sociais, maioritariamente traballadores por conta allea en diversos sectores (industria, agricultura, mar,…). Aproximadamente, un 10% destas familias, recibe seguimento por parte dos servizos sociais do seu concello. Tanto a mencionada diversidade socioeconómica, como a dispersión física, fan difícil o desenvolvemento de calquera iniciativa de colaboración entre pais e nais como poden ser as reunións de titorías, as reunións da ANPA ou a creación dunha escola de pais.
As características do alumnado do noso centro fai que sexa de gran importancia que a utilización dos dispositivos electrónicos sexan accesibles para todos, utilizando en algún caso aplicacións ou programas específicos para poder acadar con éxito os obxectivos propostos.
Tamén a Lei Orgánica 2/2006, de 3 de maio de educación, regula ferentes aspectos relacionados coa competencia dixital e a innovación educativa, así no artigo 121 establece que o proxecto educativo do centro recollerá, entre outros aspectos, a estratexia dixital do centro.
Tendo en conta o exposto en relación a Lei Orgánica 2/2006, de 3 de maio de educación, no centro elaboramos o plan dixital seguindo as directrices marcadas pola Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022, sempre atendendo as necesidades do centro e adecuándonos as características específicas do noso alumnado e facendo que o uso das TIC sexa accesible para a totalidade da comunidade educativa.
Para levar a cabo o proceso de elaboración, a dirección, en desenvolvemento da súa autonomía e en función das características e tipoloxía do centro, no noso caso un CEE, establecerá un equipo de dinamización do Plan Dixital. O equipo de dinamización do Plan Dixital está formado polo equipo directivo do centro, un mestre que actuará como coordinador e dúas mestras que colaborarán en todo o proceso. O coordinador do equipo de dinamización será o encargado de informar os demais membros do equipo das tarefas que hai que ir realizando, mantendo sempre o contacto coa mentora ADIX que nos servirá de guía neste proceso de elaboración. Estas tarefas realizaranse nas sesións de reunión nas que se xuntará o equipo de dinamización, nas cales se analizan os resultados das diferentes tarefas e se decidirá en conxunto sobre os obxectivos que nos marcamos para elaborar o plan dixital.
